JAMES 1:19 - Edisana ñwed Abasi Ibom

¹⁹ Mbufo efiɔk emi, ndima nditɔ-ete mi. Edi yak kpukpru owo esɔp ndikop ikɔ, ekusɔp nditiŋ ikɔ, ekusɔp ndiyat esit;

JAMES 1:19 ပူးပေါင်းရင်းမြစ်များ

NEHEMIAH 8:18

Ndien enye etiŋ ŋwed ibet Abasi kpukpru usen, toto ke akpa usen tutu osim ke akpatre usen, ndien mmɔ enim usɔrɔ ke ofuri usen itiaba; ndien ke ɔyɔhɔ usen itiaita, mmɔ enim akamba esop nte ekam esinamde.

NEHEMIAH 9:17

inyuŋ inyimeke ndikop, inyuŋ itihe utibe ŋkpɔ fo oro afo akanamde ke otu mmɔ, edi esɔŋ obot itɔŋ mmɔ, enyuŋ esɔŋ ibuot, enim etubom, ete ifiak ke itie ufin mmimɔ. Edi afo edi Abasi eridahado, ye mfɔn, ye mbɔm, ye anyan ime, ye akwa ima, ndien ukpɔŋke mmɔ.

NEHEMIAH 9:3

Ndien mmɔ edaha eda ke itie mmɔ, enyuŋ etiŋ ŋwed mbet Jehovah Abasi mmɔ ke ɔyɔhɔ ubak usen inaŋ, ndien ke ɔyɔhɔ ubak usen inaŋ efen, mmɔ eyarare, enyuŋ ebɔŋ akam enɔ Jehovah Abasi mmɔ.

ŊWED JOB 32:16

Ami nnyuŋ ntie mbet, koro mmɔ midɔhɔke ikɔ, koro mmɔ edade da, minyuŋ ibɔrɔke aba;

MME ŊKE 10:19

Awak ikɔ inua itreke ndidue: edi owo eke omumde mkpɔk-inua esie akama edi ɔniɔŋ.

MME ŊKE 13:3

Owo eke ekpemede inua esie onim uwem esiemɔ: ama edi owo eke aŋwaŋarede inua esie, nsobo edi esie.

MME ŊKE 14:17

Owo eke ɔsɔpde ndiyat esit anam ndisime: enyuŋ esua owo idiɔk ekikere.

MME ŊKE 14:29

Owo eke misɔpke iyaresit enyene akwa asian: edi owo ifiopesit emenere ndisime ke enyɔŋ.

MME ŊKE 15:18

Owo iyaresit edemere utɔk: edi owo eke misɔpke iyaresit omum eŋwan.

MME ŊKE 15:2

Edeme enyene-ibuot owo anam ifiɔk ɔfɔn: edi inua mbon ndisime aŋwaŋa ebiɔ.

MME ŊKE 16:32

Owo eke misɔpke iyaresit ɔfɔn akan owo uko: ndien owo eke akarade esit esiemɔ ɔfɔn akan owo eke adade obio.

MME ŊKE 17:14

Eritibi eŋwan ebiet eridut mmɔŋ: ke utɔk mika-ibumekede ndien dahado.

MME ŊKE 17:27

Owo eke afarade ke ikɔ esie ɔfiɔk ifiɔk: ndien owo suŋ-suŋ esit edi asian.

MME ŊKE 18:13

Owo ndibɔrɔ ikɔ, ke mikaikopke kaŋa, edi ndisime ye but ye enye.

MME ŊKE 18:21

Mkpa ye uwem edu edeme ke ubɔk: ndien mmɔ eke emade enye eyedia mfri esie.

MME ŊKE 19:11

Mbufiɔk owo iyakke enye ɔsɔp iyaresit: onyuŋ eye enye ndifen ndudue.

MME ŊKE 19:19

Owo akwa ikpahesit eyesio isop: koro afo ama anyaŋa enye, eyenyene nditɔŋɔ ntak nnam.

MME ŊKE 21:23

Owo eke ekpemede inua esie ye edeme esie, ekpeme ukpɔŋ esie ɔbɔhɔ ukut.

MME ŊKE 25:28

Owo eke mimumke esit esie ikama, ebiet obio eke owurede anan ibibene.

MME ŊKE 29:20

Afo ama okut owo eke ɔsɔpde inua ikɔ: ndisime owo enyene idorieyin akan enye.

NUMBERS 22:27

Ndien adaŋemi ass okutde angel Jehovah, enye ɔduɔ ke isɔŋ ke idak Balaam: ndien Balaam ayat esit onyuŋ ada eto oyibi ass.

MATTHEW 5:22

Edi Ami ndɔhɔ mbufo nte, owo ekededi eke ayatde esit ye eyen-ete esie esesin idem ke ikpe; owo ekededi eke ɔdɔhɔde eyen-ete esie ete, Raca (ikpikpu owo), esesin idem ke ikpe Sanhedrin; owo ekededi eke ɔdɔhɔde ete, Afo ndisime, esesin idem ke ufen hell eke asakde ikaŋ.

MARK 12:37

David ke idem esie okot Enye, ete, Ɔbɔŋ, didie ndien ke Enye edi Eyen esie? Ndien mbio-obio ekop ikɔ Esie ye idaresit.

MARK 2:2

Ndien ediwak owo edibono ke ɔtɔ Esie, tutu ufaŋ iduhe inɔ mmɔ, kpa ke enyin-usuŋ ufɔk: Enye onyuŋ etiŋ ikɔ ɔnɔ mmɔ.

LUKE 15:1

EDI kpukpru mme publican ye mme idiɔk owo ekasaŋa ekpere Enye, ndikop ikɔ Esie.

LUKE 19:48

edi mmɔ ikwe nte ekpanamde; koro kpukpru owo eyirede Enye, ndikop ikɔ Esie.

UTOM MME APOSTLE 1:15

Ekem ke mme usen oro Peter adaha ke enyɔŋ ke otu nditɔ-ete (otu owo emi ebonode ekpere owo ikie ye edip), onyuŋ ɔdɔhɔ ete, Nditɔ-ete, se ekewetde,

UTOM MME APOSTLE 10:33

Mmɔdo idaha oro ndɔŋ ebine fi; ndien omotim anam emi ama edi. Mmɔdo ke emi kpukpru nnyin idu mi ke iso Abasi, man ikop kpukpru se Jehovah ɔdɔhɔde fi etiŋ.

UTOM MME APOSTLE 13:48

Ke ini mme Gentile ekopde emi mmɔ edat esit, enyuŋ ekpono ikɔ Ɔbɔŋ: ndien kpukpru mmɔ emi ekenimde enɔ nsinsi uwem ebuɔt idem.

UTOM MME APOSTLE 17:11

Mmɔ emi edi enyene-ido ekan mme andiduŋ Thessalonica; mmɔ ekop ikɔ ke erinyime esit, enyuŋ eduŋɔre ŋwed Abasi ke usen ke usen, ete ifiɔk mme mme ikɔ oro ekem ntre.

UTOM MME APOSTLE 2:42

Mmɔ oro enyuŋ edɔdiɔŋ esin ifik ke erikpep ye nsaŋa mme apostle, ye ke eribuŋ uyo ye ke akam.

ŊWED MBON EPHESUS 4:26

Eyat esit, ndien ekudue; ekuyak utin ɔsuhɔre edisim iyaresit mbufo: ekunyuŋ enɔ Satan ufaŋ.

ŊWED MBON EPHESUS 4:31

Esioŋo kpukpru ndot-ndot ekikere, ye ifuresit, ye iyaresit, ye utɔk, ye isuŋi efep ke otu mbufo, ye kpukpru oruk udu:

ŊWED MBON COLOSSAE 3:15

Eyak emem Christ akara ke esit mbufo; ekekot mbufo eduk ke idem kiet, man enyene emem oro.

ŊWED MBON COLOSSAE 3:8

Edi ke emi mbufo enyuŋ eduɔŋɔ kpukpru ido emi; esio iyaresit, ye ifuresit, ye udu, ye idiɔk ibaŋa, ye mbubiam ikɔ ke inua mbufo efep.

1 ŊWED THESSALONICA 2:13

Ndien ke ntak emi nnyin itreke ndinɔ Abasi ekɔm, ite, ke ini mbufo ebɔde ikɔ emi Abasi ɔnɔde ke ubɔk nnyin esɔk mbufo, mbufo idaha enye nte ikɔ owo, edi eda enye nte ikɔ Abasike akpanikɔ edi oroikɔ oro onyuŋ anam utom ke esit mbufo emi enimde ke akpanikɔ.

JAMES 1:16

Ekuyak ebiaŋa mbufo, ndima nditɔ-ete mi.

JAMES 1:2

Enim ete edi ŋkpɔ ɔyɔhɔ idaresit, nditɔ-ete mi, ke ini nsio-nsio idomo esimde mbufo;

JAMES 1:26

Edieke owo abatde idem ke owo Abasi, minyuŋ imumke edeme esie ikama, edi abiaŋade esit esie, erinim eke enye onimde ido Abasi ɔwɔrɔ ikpikpu.

JAMES 2:1

NDITƆ-ETE mi, ekuda mbuɔtidem emi mbufo enyenede ye Ɔbɔŋ nnyin Jesus Christ, emi edide Ubɔŋ, edian ye uteŋe-enyin.

JAMES 2:5

Ekop, ndima nditɔ-ete mi; nte Abasi ikemekke mmɔ emi ebuenede ke ŋkpɔ ererimbot emi, ite mmɔ eforo ke mbuɔtidem, enyuŋ enyene Obio Ubɔŋ emi Enye ɔkɔŋwɔŋɔde ndinɔ mmɔ emi emade Enye?

JAMES 3:10

kpa ke inua kiet oro ke eridiɔŋ ye isuŋi ewɔŋɔ.

JAMES 4:11

Nditɔ-ete, ekubaŋa kiet eken idiɔk ibaŋa. Owo emi abaŋade eyen-ete esie, onyuŋ ekpede eyen-ete esie abaŋa ibet, onyuŋ ekpe ibet: edi edieke afo ekpede ibet, afo udige aba anam-ibet, edi eyedi ekpe-ibet.

JAMES 5:12

Akpa-akpan, nditɔ-ete mi, ekutomo ŋkpɔ. Ekutomo enyɔŋ, mme isɔŋ mme baba ŋkpɔ efen.Edi yak Ih mbufo edi Ih, Ih mbufo onyuŋ edi Ih, mbak ikpe edibiom mbufo.

JAMES 5:19

Nditɔ-ete mi, edieke owo mbufo ekededi oyode ɔkpɔŋ akpanikɔ, ndien owo efen akabarede enye; efiɔk ete,

1 JOHN 2:21

Ŋwetke nnɔ mbufo koro mbufo mifiɔkke akpanikɔ, edi koro mbufo efiɔkde akpanikɔ, enyuŋ ekutde ete, nsu baba kiet isaŋake ŋkpɔ ye akpanikɔ.