JAMES 1:12 - Edisana ñwed Abasi Ibom

¹² Ɔfɔn ye owo eke ɔsɔŋɔde ada ke idomo, koro ke ema ekedomo enye efiɔk ete ɔfɔn, eyenɔ enye anyanya uwem, emi Ɔbɔŋ ɔkɔ-ŋwɔŋɔde ndinɔ mmɔ emi emade Enye.

JAMES 1:12 ပူးပေါင်းရင်းမြစ်များ

GENESIS 22:1

EDIKEM ke ŋkpɔ oro ama ekebe, Abasi odomo Abraham; ndien ɔdɔhɔ enye, ete, Abraham. Ndien enye ete,

NEHEMIAH 1:5

Ndien ndɔhɔ nte, Mbɔk, Jehovah Abasi enyɔŋ, akamba Abasi emi enyenede uteŋe, emi onimde ediomi ye ima ɔnɔ mmɔ emi emade enye, enyuŋ enimde mbet esie:

ŊWED JOB 2:10

Kpɔŋ Abasi, ndien kpa mkpa. Ndien enye ɔdɔhɔ ŋwan, ete, Afo ɔdɔhɔ nte ndisime ŋwan ɔdɔhɔde; nte nnyin ibɔ Abasi eti ŋkpɔ, ndien idibɔhɔ idiɔk ŋkpɔ ŋko? Ke ofuri ŋkpɔ emi Job inamke idiɔk ke mkpɔk-inua esie.

ŊWED JOB 5:17

Sese, ɔfɔfɔn ɔnɔ owo eke Abasi ɔtunɔde: kusin ndien item Ata Ɔkpɔsɔŋ:

ŊWED MME PSALM 11:5

Jehovah odomo edinen owo: ndien ama edi idiɔk owo, ye owo eke amade afai, ukpɔŋ esie asua mmɔ.

ŊWED MME PSALM 119:67

Ke mmeŋka-ŋkwe ukut ami ndedue: edi ke emi ke nnim ikɔ fo.

ŊWED MME PSALM 119:71

Ɔfɔn ye ami koro ŋkokutde ukut; man ŋkpep mbet fo.

ŊWED MME PSALM 119:75

O Jehovah, mmɔfiɔk nte mme ikpe fo enende: akpanikɔ omonyuŋ esin fi otuk mi.

ŊWED MME PSALM 5:11

Ndien kpukpru mmɔ eke ebuɔtde idem ye afo eyedat esit: mmɔ eyedara ke nsinsi, afo eyenyuŋ ekpeme mmɔ: ndien mmɔ eke emade enyiŋ fo eyedara fi.

ŊWED MME PSALM 94:12

Ɔfɔfɔn ɔnɔ owo eke afo, Jehovah, ɔnɔde enye ufen, onyuŋ adade mbet fo eteme enye;

EXODUS 20:6

nnyuŋ mfɔn ido ye tɔsin emana mmɔ eke emade mi, enyuŋ enimde mbet mi.

MME ŊKE 17:3

Eso-utara edi eke silver, furnace onyuŋ edi eke gold: edi Jehovah odomo esit owo.

ISAIAH 64:4

Ndien toto ke nsinsi owo ikopde, inyuŋ ikpaŋke utɔŋ, enyin inyuŋ ikwe Abasi, ke mibɔhɔke afo, eke anamde ŋkpɔ ɔnɔ mmɔ eke ebetde enye.

ZECHARIAH 13:9

Ndien nyeda ɔyɔhɔ ubak ita nsin ke ikaŋ, nnyuŋ nduk mmɔ nte edukde silver, nnyuŋ ndomo mmɔ nte edomode gold: mmɔ eyekot mi enyiŋ, ndien ami nyeyere mmɔ: nyenyuŋ ndɔhɔ mmɔ nte, Mmɔ edi ikɔt mi: ndien mmɔ eyedɔhɔ, ete, Jehovah edi Abasi mi.

MATTHEW 10:22

Ndien kpukpru owo eyesua mbufo ke abaŋa enyiŋ Mi: edi eyeŋyaŋa owo eke edimede ime tutu osim akpatre.

MATTHEW 25:34

Ekem Edidem eyedɔhɔ mmɔ emi edude ke ubɔk nnasia, ete, Edi, mbufo emi Ete Mi ɔdiɔŋde, edida ubɔŋ emi ekonimde enɔ mbufo toto ke eritɔŋɔ ererimbot.

LUKE 6:22

Ɔfɔfɔn ɔnɔ mbufo ke ini owo edisuade mbufo, edinyuŋ edianarede mbufo ke idem mmɔ efep, ediyuŋ esuŋide mbufo, enyuŋ esin enyiŋ mbufo nte idiɔk ŋkpɔ kabaŋa Eyen Owo.

ŊWED MBON ROME 5:4

ime, onyuŋ ɔwɔrɔ eti edu, eti edu onyuŋ ɔwɔrɔ idori enyin:

ŊWED MBON ROME 8:28

Edi imɔfiɔk ite kpukpru ŋkpɔ esaŋa ɔtɔ kiet enam ufɔn enɔ mmɔ eke emade Abasi, kpa mmɔ emi ekotde nte ekemde ye uduak Esie.

1 ŊWED CORINTH 2:9

Edi nnyin itiŋ, nte ewetde ete, Se enyin mikekwe, utɔŋ mikonyuŋ ikopke, Se minyuŋ idukke owo ke esit ndikere, Ŋkpɔ ekededi eke Abasi ekebeŋede onim ɔnɔ mmɔ emi emade Enye.

1 ŊWED CORINTH 8:3

edi edieke owo amade Abasi, Abasi ɔmɔfiɔk enye.

1 ŊWED CORINTH 9:25

Owo ekededi eke onyuŋ aŋwanade mbɔk akama idem ke ufat ke kpukpru usuŋ. Ndien mmɔ enam emi ndibɔ anyanya eke edibiarade; edi nnyin inam man ibɔ anyanya eke midibiarake.

DEUTERONOMY 13:3

kukop mme ikɔ prophet oro, mme eke adaba ndap oro: koro Jehovah Abasi mbufo ododomo mbufo, ete ifiɔk mme mbufo emema Jehovah Abasi mbufo ke ofuri esit mbufo, ye ke ofuri ukpɔŋ mbufo.

DEUTERONOMY 7:9

Fiɔk, ndien, ete ke Jehovah Abasi fo edi ata Abasi, Abasi akpaniko emi onimde ediomi ye ima ye mmɔ eke emade enye, enyuŋ enimde mbet esie, ke tɔsin emana;

DEUTERONOMY 8:2

Nyuŋ ti ofuri usuŋ emi Jehovah Abasi fo akadade fi asaŋa ke ofuri isua aba emi ke wilderness, man enye anam fi osuk idem, onyuŋ odomo fi ete, ifiɔk se idude fi ke esit, mme afo eyetiŋ enyin ke mme ewuhɔ imɔ, mme udutiŋke.

2 ŊWED TIMOTHY 2:15

Sin ifik wut Abasi idem fo, ete idi owo eke edomode efiɔk, anam-utom eke minyeneke ntak ndikop but, edi itimde isiak ikɔ akpanikɔ.

2 ŊWED TIMOTHY 4:8

Ema enim anyanya eti ido ebeŋe mi, emi Ɔbɔŋ, kpa Edinen Ebierikpe, edinɔde mi ke usen oro; idinyuŋ inɔŋɔ mi ikpɔŋ, edi eyenyuŋ ɔnɔ kpukpru mmɔ emi emade eriyarare Esie.

MME HEBREW 10:32

Edi eti mme usen ini oko, ini oro enyin ekatarade mbufo, mbufo ekenyuŋ ebiomde ɔkpɔsɔŋ ndusihere ndutuhɔ;

MME HEBREW 11:17

Oto mbuɔtidem Abraham awa Isaac ke uwa, ke ini Abasi odomode enye ese; ŋkɔm enye, emi ɔkɔbɔde mme uŋwɔŋɔ ke idaresit, ɔmɔŋ ediwa ikpɔŋ-ikpɔŋ eyen esie;

MME HEBREW 12:5

Emonyuŋ efre item, emi enemede ye mbufo nte nditɔ-ete, Eyen mi, kubat ntunɔ Jehovah ke ekpri ŋkpɔ, Kunyuŋ uyemere ke ini Enye asuade ɔnɔ fi.

MME HEBREW 6:15

Ntre ke Abraham ɔkɔbɔ mme uŋwɔŋɔ Abasi ke enye ama ekeme anyan ime.

JAMES 2:5

Ekop, ndima nditɔ-ete mi; nte Abasi ikemekke mmɔ emi ebuenede ke ŋkpɔ ererimbot emi, ite mmɔ eforo ke mbuɔtidem, enyuŋ enyene Obio Ubɔŋ emi Enye ɔkɔŋwɔŋɔde ndinɔ mmɔ emi emade Enye?

JAMES 5:11

Sese, nnyin idɔhɔ ite, ɔfɔfɔn ye mmɔ emi ema ebiom ukut: mbufo emokop ebaŋa ime Job, emenyuŋ ekut se Ɔbɔŋ anamde enye ke akpatre, nte Ɔbɔŋ enyenede esit mbɔm, onyuŋ atuade owo mbɔm.

1 PETER 3:14

Edi edieke mbufo ekutde ndutuhɔ ŋko ke ntak edinen ido, osuk ɔfɔfɔn ɔnɔ mbufo. Ekufehe se mmɔ etiŋde ndidikhe mbufo, ekunyuŋ eyak esit otimere mbufo;

1 PETER 4:13

Edi adaŋa nte mbufo ebuanade ke ndutuhɔ Christ, ekam edara; man mbufo ekpenyuŋ edat esit eti-eti ke adaŋemi ediyararede ubɔŋ Esie.

1 PETER 4:14

Edieke esuenede mbufo kabaŋa enyiŋ Christ, ɔfɔfɔn ɔnɔ mbufo; koro Spirit ubɔŋ ye Spirit Abasi odoro mbufo ke idem.

1 PETER 5:10

Ndien Abasi kpukpru mfɔn, emi okokotde mbufo ete ediduk ke nsinsi ubɔŋ Imɔ ke Christ, ke ini mbufo ema ekut ukut ke ekpri ini, eyenam mbufo efɔn ema, enyuŋ esɔŋɔ eda, enyuŋ ekop idem.

1 PETER 5:4

Ndien ke adaŋemi Akwa Andikpemerɔŋ ediyararede idem, mbufo eyebɔ anyanya ubɔŋ eke midibiarake.

1 JOHN 4:19

Nnyin ima ima, koro Enye ekebemde iso ama nnyin.

ERIYARARE 2:10

Kunyene ndik ubaŋa ukut eke ɔmɔŋ edisim fi. Sese, Satan ɔmɔŋ edisin ndusuk mbufo ke ufɔk-ŋkpɔkɔbi, man edomo mbufo ese, ndien mbufo eyekut ukut ke usen duop. Wut idem nte anam-akpanikɔ tutu osim mkpa, ndien nyenɔ fi anyanya uwem.

ERIYARARE 3:19

Ami nsasua nnɔ kpukpru mmɔ emi mmade, nnyuŋ ntunɔ mmɔ; nyene ifiopesit ndien, nyuŋ kabare esit.

ERIYARARE 3:21

Owo eke akande, nyenɔ enye nditie ye Ami ke ebekpo Mi, kpa nte Ami ŋkakande, nnyuŋ nsuhɔre ntie ye Ete Mi ke ebekpo Esie.