ISAIAH 9:12 - Edisana ñwed Abasi Ibom

¹² Syria ke iso, ye mme Philistine ke edem; ndien mmɔ eyeŋwaŋade inua eta Israel. Ofuri ŋkpɔ emi isinke iyaresit esie akabare, edi enye ke anyanyan ubɔk esie kaŋa.

ISAIAH 9:12 ပူးပေါင်းရင်းမြစ်များ

2 NDIDEM 16:6

Ke ini oro Rezin, edidem Syria, ada Elath ɔnɔ Syria, onyuŋ ebin mme Jew ke Elath efep: ekem nditɔ Syria eka ke Elath ekeduŋ do tutu osim mfin emi.

2 CHRONICLES 28:18

Mme Philistine ŋko ema enyuŋ eda esin ke mme obio una-isɔŋ edem inyaŋ, ye ke edem usuk Judah, enyuŋ eda Beth-shemesh, ye Aijalon, ye Gederoth, ye Soco, ye mme obio iŋwaŋ mmɔ: ye Timnah ye mme obio iŋwaŋ mmɔ, ye Gimzo ye mme obio iŋwaŋ mmɔ, ndien mmɔ eduŋ do.

ŊWED MME PSALM 79:7

Koro enye adiade Jacob, mmɔ enyuŋ ebiat iduŋ esie.

ISAIAH 10:4

Mikpedige ami mmɔ ekpenuhɔ ke otu mbuot ekɔŋ, ekpenyuŋ eduɔŋɔ ke otu mme akpaŋa afai. Ofuri ŋkpɔ emi isinke iyaresit esie akabare, edi enye ke anyanyan ubɔk esie kaŋa.

ISAIAH 11:14

Ndien mmɔ eyeduɔ mme Philistine ke afara, ke edem usop-utin: eyedi ebume nditɔ edem usiaha-utin; Edom ye Moab eyedi se mmɔ edoride ubɔk mmɔ ke esit; nditɔ Ammon eyenyuŋ ekop uyo mmɔ.

ISAIAH 31:1

IFƆNKE fɔn inɔ mmɔ eke esuhɔrede ke Egypt eyom owo eke aŋwamde mmɔ; enyuŋ eberede idem ke horse, enyuŋ ebuɔtde idem mmɔ ke chariot, koro ewakde; ye ke mbio horse, koro mmɔ esɔŋɔde eti-eti; edi mmɔ isehe Edisana Abasi Israel, inyuŋ iyomke Jehovah!

ISAIAH 5:25

Oro esin Jehovah obumerede iyaresit ye ikɔt esie, onyuŋ anyan ubɔk esie odori mmɔ ke idem, onyuŋ ɔtɔ mmɔ: ndien ikpɔ obot enyek idem, mme okpo mmɔ enyuŋ ena nte ifum ke efak. Ofuri ŋkpɔ emi isinke iyaresit esie afiak edem, edi enye osuk anyanyan ubɔk esiemɔ.

ISAIAH 9:17

Oro esin mkparawa mmɔ midinemke Ɔbɔŋ esit, esin enye mituaha nditɔ-akpa mmɔ, ye mme ebe-akpa mmɔ mbɔm: koro kpukpru mɔ edide mme oburobut ye mme anam idiɔk, kpukpru inua enyuŋ edɔhɔ ndisime. Ofuri ŋkpɔ emi isinke iyaresit esie akabare, edi enye ke anyanyan ubɔk esie kaŋa.

ISAIAH 9:21

Manasseh ata Ephraim: Ephraim onyuŋ ata Manasseh; mmɔ mbiba enam ikɔ ye Judah. Ofuri ŋkpɔ emi isinke iyaresit esie akabare, edi enye ke anyanyan ubɔk esie kaŋa.

JEREMIAH 10:25

Ŋwaŋa iyaresit fo ke idem mme idut eke mifiɔkke fi, ye ke mme ufɔk eke mikotke fi enyiŋ: koro emedia Jacob, mmɔ esuk eta enye, enyuŋ etak enye, enyuŋ esobo iduŋ esie.

JEREMIAH 15:7

Ndien nyeda usak-ŋkpɔ nsak mmɔ ke inua-otop isɔŋ; mmɔbɔ ikɔt mi nditɔ mmɔ, nnyuŋ nsobo mmɔ, mmɔ ikabakede ikpɔŋ usuŋ mmɔ.

JEREMIAH 35:11

Edikem ke ini Nebuchadrezzar edidem Babylon ɔdɔkde edi ke edem emi, nnyin idɔhɔ, ite, Yak nnyin ika Jerusalem, ibak mbon-ekɔŋ Babylon, ibak mbon-ekɔŋ Syrian ŋko: ntem ke nnyin iduŋ ke Jerusalem.

JEREMIAH 4:8

Mbufo eda ɔfɔŋ-ikpo ebɔbɔ ke idem ebaŋa ŋkpɔ emi, etuaŋa enyuŋ eseme: koro ifiopesit Jehovah midiwɔŋɔ-kede ikpɔŋ nnyin.

EZEKIEL 16:27

Ndien, sese, mmanyan ubɔk mi ndori fi ke idem; nnyuŋ nsuhɔre udeme fo, nnyuŋ nda fi nyak nnɔ esit mmɔ emi esuade fi, kpa nditɔ-iban mme Philistine emi enyenede but ke mme oburobut ido fo.

EZEKIEL 6:14

Ndien ami nyenyanare ubɔk mi ntuk mmɔ, nnyuŋ nnim isɔŋ ke nsobo, ye ke ndon ŋkan wilderness emi esede Diblah, ke kpukpru ebiet-iduŋ mmɔ; ndien mmɔ eyefiɔk ete ke ami ndi Jehovah.

HOSEA 7:10

Iseri Israel onyuŋ etiŋ abaŋa enye ke iso esie: ndien mmɔ ifiakke itiene Jehovah Abasi mmɔ, ofuri ŋkpɔ emi inyuŋ isinke mmɔ eyom enye.

AMOS 4:10

Ŋkɔdɔŋ idiɔk udɔŋɔ etiene mbufo, kpa nte ŋkanamde ke Egypt: ŋwot mkparawa mbufo ke ofut, nnyuŋ ntaŋ mme horse mbufo mfep; nnyuŋ nnam utebe nna-ekɔŋ mbufo ɔdɔk oduk mbufo ke ibuo: edi mbufo ifiakke edem itiene mi; uyo Jehovah edi emi.

AMOS 4:11

Ami nyut ndusuk mbufo ŋkabare nnim, kpasuk nte Abasi okoyutde Sodom ye Gomorrah, mbufo enyuŋ ekabare ebiet ifia eke edabarede ke ikaŋ: edi mbufo ifiakke edem itiene mi; uyo Jehovah edi emi.

AMOS 4:6

Jehovah ɔdɔhɔ, ete, Ami nnyuŋ nnɔ mbufo edisana edet ke kpukpru mme obio mbufo, ye unana uyo ke kpukpru mme ebiet mbufo: edi mbufo ifiakke edem itiene mi.

AMOS 4:8

Ndien obio iba mme obio ita eyɔrɔ ke obio kiet, man eŋwɔŋ mmɔŋ, edi iyuhɔke; edi mbufo ifiakke edem itiene mi. Uyo Jehovah edi emi.

AMOS 4:9

Ŋkada nda-eyo ye mfut mmia mbufo eti-eti; ŋkukuŋkpɔyɔriyɔ ata mbuŋwum iŋwaŋ-esa mbufo, ye iŋwaŋ-vine mbufo, ye fig mbufo, ye mme olive mbufo: edi mbufo ifiakke itiene mi; uyo Jehovah edi emi.

ZEPHANIAH 1:6

ye mmɔ eke ekpɔŋde Jehovah efiak edem; eke miyomke Jehovah ŋko, minyuŋ ibineke enye.

ZEPHANIAH 3:2

Enye ikopke uyo: ibɔhɔ item: ibuɔtke idem esie ye Jehovah; isaŋake ikpere Abasi esie.

DEUTERONOMY 31:17

Ndien iyaresit mi eyefiop ye mmɔ ke usen oro, ndien nyekpɔŋ mmɔ, nnyuŋ ndip mmɔ iso mi, ndien mmɔ eyedi se ediade, ediwak mkpɔsɔŋ mme idiɔk-ŋkpɔ eyenyuŋ enam mmɔ; ndien mmɔ eyedɔhɔ ke usen oro, ete, Nte idige koro Abasi nnyin miduhe ke otu nnyin esin mme idiɔk-ŋkpɔ emi esim nnyin: