ISAIAH 8:8 - Edisana ñwed Abasi Ibom

⁸ ndien enye eyebe oduk ke Judah: eyetɔ onyuŋ asaŋa ebe, eyesim ke itɔŋ; ndien eritara mba esie eyedi se iyɔhɔde ubom isɔŋ fo, O Immanuel.

ISAIAH 8:8 ပူးပေါင်းရင်းမြစ်များ

2 NDIDEM 17:3

Shamaneser edidem Assyria ɔdɔk aka ekɔŋ ye enye; ndien Hoshea akabare edi owo esie, onyuŋ otomo enye utomo.

2 CHRONICLES 12:4

Ndien enye ada obio ibibene eke edude ke Judah, onyuŋ osim ke Jerusalem.

ISAIAH 10:6

Nyedɔŋ enye utom ke oburobut idut, nnyuŋ ntobo enye etop nnɔ mbio iyaresit mi, nte enye obume mbume, onyuŋ owo ŋwo, onyuŋ onim mmɔ ke se edigide nte mbat efak.

ISAIAH 30:28

Ndien ibifik esie ebiet akpa mmɔŋ eke ɔyɔhɔde, enye eyebahare osim kpa ke itɔŋ, man enye asak mme idut ke usak-ŋkpɔ nsu: uruk eke anamde mmɔ edue eyenyuŋ eyire mme idut ke mbaŋ:

ISAIAH 43:2

Ke ini afo edisaŋade ke mmɔŋ ebe, ami nyedu ye afo; ye ke mme akpa mmɔŋ, mmɔ idifukke fi: ke ini afo edisaŋade ke ikaŋ udufɔbɔke; edemikaŋ idinyuŋ itaha fi.

ISAIAH 7:14

Mmɔdo Ɔbɔŋ ke idem esie ɔnɔde mbufo idiɔŋɔ: sese, eyenɔwɔŋ aŋwan oyomo, onyuŋ aman eyen eren, onyuŋ osio enye enyiŋ IMMANUEL.

ISAIAH 7:17

Jehovah eyeda oruk usen emi akananam midige toto ke usen oro Ephraim akadahade ɔkpɔŋ Judah, etiene fi, ye ikɔt fo, ye ufɔk usɔ, kpa edidem Assyria.

ISAIAH 8:10

Mbufo eduak uduak, ndien eyekpu: edɔhɔ ikɔ, ndien ididaha: koro Abasi odude ye nnyin.

JEREMIAH 47:2

Ntem ke Jehovah ɔdɔhɔ ete, Sese, mmɔŋ oto ke edere ɔdɔk, onyuŋ akabare ebiet akamba ɔtɔ, ndien eyetɔ emen isɔŋ ye se iyɔhɔde ke esit, ye obio ye mme andiduŋ enye, ndien owo eyeseme, kpukpru mme andiduŋ isɔŋ eyenyuŋ efiori.

JEREMIAH 48:40

Koro ntem ke Jehovah ɔdɔhɔ, ete, Sese, enye efefe nte ntrukpom, onyuŋ atat mba esie ofuk Moab.

JEREMIAH 51:42

Inyaŋ ibom ɔmɔdɔk osim Babylon: akwa odut esie ofuk enye.

EZEKIEL 17:3

Ntem ke Ɔbɔŋ Jehovah ɔdɔhɔ ete, Akwa ntrukpom emi mba okponide, ntaŋ mba enyuŋ eniɔŋide, ntaŋ enyuŋ eyɔhɔde enye ke idem, emi ewerede nsio-nsio, aka Lebanon akada nsom cedar:

EZEKIEL 26:19

Koro ntem ke Ɔbɔŋ Jehovah ɔdɔhɔ ete, Ke ini eke nnimde fi ke obio eke abiarade, ebiet obio eke owo miduŋke ke esit; ke ndinamde inyaŋ ɔdɔk osim fi, ikpɔ mmɔŋ edinyuŋ efukde fi;

DANIEL 11:10

Ndien nditɔ esie eyedemere, enyuŋ ebon ediwak otu mbon-ekɔŋ: ndien owo kiet iditreke ndidi, nnyuŋ nyɔhɔ nte mmɔŋ, nnyuŋ nsaŋa mbe. Ndien enye eyefiak edem, onyuŋ emen idem tutu osim ke ɔkpɔsɔŋ ebiet esie.

MICAH 1:9

Koro unan esie odorode ufiɔn; koro enye osimde Judah: enye omoduk ke inua-otop ikɔt mi, kpa ke Jerusalem.

MICAH 5:5

Ndien emem eyedu ndien. Adaŋemi Assyria edidukde ke edem nnyin; adaŋemi enye onyuŋ edigide ikpɔ ufɔk nnyin, ndien nnyin iyedemere mme ekpemerɔŋ itiaba ye mbɔŋ eke eyetde mmɔ aran itiaita, ete eŋwana ye enye:

MATTHEW 1:23

Sese, eyenɔwɔŋ aŋwan eyeyomo, onyuŋ aman eyeneren; Enyeyuŋ esio enye enyiŋ Immanuel, oro ɔwɔrɔ ete, Abasi ke ododu ye nnyin.