ISAIAH 7:16 - Edisana ñwed Abasi Ibom

¹⁶ Koro ke eyenɔwɔŋ oro mika-ifiɔkke kaŋa ndisin idiɔk, nnyuŋ mmek eti, owo eyekpɔŋ isɔŋ emi ndik edidem esie iba anamde fi.

ISAIAH 7:16 ပူးပေါင်းရင်းမြစ်များ

2 NDIDEM 16:9

Ndien edidem Assyria okop uyo esie: edidem Assyria onyuŋ ɔdɔk aka Damascus, akada enye, onyuŋ ataŋ mmɔ ɔnyɔŋ ke Kir, onyuŋ owot Rezin.

ISAIAH 8:14

Ndien enye eyedi se ufɔk Israel mbiba enimde ke edisana, ye itiat utuaha, ye akwa itiat eke esinde mmɔ eduɔŋɔ, ye afia ye mfine mme andiduŋ Jerusalem.

ISAIAH 8:4

Koro ke eyenɔwɔŋ emi mika-ifiɔkke nte okotde, ete, Ete mi, ye eka mi! mmɔ eyemen inyene Damascus, ye mbume Samaria, ebiom ke iso edidem Assyria.

ISAIAH 9:11

Ndien Jehovah ɔmɔŋ emenere mme asua Rezin ke enyɔŋ akan enye, onyuŋ edemere mme asua esie:

JEREMIAH 7:15

Nyenyuŋ mmen mbufo ke iso mi nduɔk, kpasuk nte ŋkɔduɔkde kpukpru nditɔ-ete mbufo, kpa ofuri ubon Ephraim.

HOSEA 5:3

Ami mmɔfiɔk Ephraim, Israel inyuŋ idibeke mi: koro ke emi ke afo anam use, O Ephraim, Israel onyuŋ edehe ŋko.

HOSEA 5:9

Ephraim eyedi nditaha ke usen ufen: mmasian mme esien Israel se miditreke ndidi.

JONAH 4:11

Nte ami ndien ŋkpenyeneke mbɔm ye Nineveh, akwa obio emi tɔsin owo itie ikie ye edip ye udori, emi midiɔŋɔke ubɔk nnasia mmɔ ye ufien mmɔ, ye ediwak ufene ŋko, edude ke esit.

DEUTERONOMY 1:39

Ama onyuŋ edi nditɔwɔŋ mbufo, emi mbufo ekedɔhɔde ete, Ke mmɔ eyedi ŋkpɔ mbume, ye nditɔ-iren mbufo emi mikefiɔkke se idide eti ye idiɔk, ke usen oro, mmɔ eyeduk do, nyenyuŋ nda enye nnɔ mmɔ, ndien mmɔ eyenyene enye.