ISAIAH 66:5 - Edisana ñwed Abasi Ibom

⁵ Mbufo emi enyekde idem ke ikɔ esie, ekop ikɔ Jehovah: nditɔ-ete mbufo emi esuade mbufo, enyuŋ ebinde mbufo efep, ebaŋa enyiŋ mi, edɔhɔ ete, “Jehovah eyeda ukpono: nnyin iyenyuŋ ise idaresit mbufo;” ndien but eyenam mmɔ.

ISAIAH 66:5 ပူးပေါင်းရင်းမြစ်များ

1 NDIDEM 21:29

Ŋkɔm afo omokut nte Ahab osukde idem-esie ke iso mi? Koro enye osukde idem esie ke iso mi, ndidaha idiɔk-ŋkpɔ emi ndi ke eyo esie: edi ke eyo eyen esie nyeda idiɔk emi ntiene ufɔk esie.

2 NDIDEM 22:10

Shaphan andiwet ŋwed onyuŋ etiŋ ɔnɔ edidem, ete, Hilkiah oku ɔmɔnɔ mi ŋwed. Shaphan onyuŋ okot enye ke iso edidem.

2 CHRONICLES 34:27

afo onyuŋ osukde idem fo ke iso Abasi, ke ini afo okokopde ikɔ esie emi abaŋade ebiet emi, ye mme andiduŋ ke esit, onyuŋ osukde idem fo ke iso mi, onyuŋ awaide edisine ŋkpɔ fo, onyuŋ atuade eyet ke iso mi; Jehovah ɔmɔdɔhɔ, ete,

EZRA 9:4

Ndien kpukpru owo eke enyekde idem ebaŋa ikɔ Abasi Israel, ebaŋa idiɔk ido mbon ntaŋ-mfep, esop idem ke ɔtɔ mi; ndien ami ntie do ke mkpa-idem tutu osim ke ini uwa mbubreyo.

ŊWED MME PSALM 119:120

Ndik fo anam mi ndidien ke idem; ndien mfefehe mme ikpe fo.

ŊWED MME PSALM 38:20

Ndien mmɔ eke edade idiɔk esio usiene eti, esua mi, koro mbinede ŋkpɔ eke ɔfɔnde.

MME ŊKE 13:13

Owo eke esede ikɔ (Abasi) ke ndek eyebiat idem esie: edi owo eke efehede mbet eyetie ke emem.

IKWƆ SOLOMON 1:6

Mbufo ekuse mi ke ndek, koro mbirede, koro eyo ama ɔfɔp mi: nditɔ-eka mi ekeyat esit ye ami: mmɔ ekenim mi ete ŋkpeme iŋwaŋ-vine (mmɔ): ŋkekpemeke iŋwaŋ-vine okimmɔ.

ISAIAH 26:11

Jehovah, afo ememenere ubɔk fo; mmɔ ikwe enye; mmɔ eyekut, enyuŋ etimere ke ufup emi afo ofibede ɔnɔ ikɔt fo; idem ikaŋ eyeta mme asua fo.

ISAIAH 5:19

“Yak enye awara, yak ɔsɔp ubɔk anam utom esie, man nnyin ikut: yak uduak Edisana Abasi Israel onyuŋ asaŋa edikpere, man nnyin ifiɔk!”

ISAIAH 60:15

Utu ke ekpɔŋ fi enyuŋ esua fi, owo minyuŋ isaŋake ibe fi, nyenim fi ke nsinsi ubɔŋ, idara ediwak emana.

ISAIAH 65:13

Mmɔdo, ntem ke Ɔbɔŋ Jehovah ɔdɔhɔ, ete, Sese, ikɔt mi eyedia ŋkpɔ, edi biɔŋ eyedɔŋ mbufo: sese, ikɔt mi eyeŋwɔŋ, edi itɔŋ eyesat mbufo: sese, ikɔt mi eyedat esit, edi but eyenam mbufo: sese,

ISAIAH 66:2

Ndien Jehovah ɔdɔhɔ, ete, Ubɔk mi akanam kpukpru ŋkpɔ, ndien kpukpru mmɔ emi edu: ndien nyewuk enyin nse owo emi, kpa eyen ukut, emi esit onyuŋ ɔtuhɔde, emi onyuŋ enyekde abaŋa ikɔ mi.

JEREMIAH 36:16

Edikem adaŋemi mmɔ ekopde kpukpru ikɔ oro, kiet edikhe ye kiet, mmɔ enyuŋ edɔhɔ Baruch, ete, Nnyin iditreke nditiŋ kpukpru ikɔ emi nnɔ edidem.

HOSEA 11:10

Mmɔ eyesaŋa etiene Jehovah: enye eyekuni nte lion: koro enye edikunide, ndien nditɔ eyeto ke edem usop-utin esɔp edi;

MATTHEW 10:22

Ndien kpukpru owo eyesua mbufo ke abaŋa enyiŋ Mi: edi eyeŋyaŋa owo eke edimede ime tutu osim akpatre.

LUKE 13:17

Ndien ke ini Enye ɔdɔhɔde ikɔ emi, but anam kpukpru mme asua Esie: kpukpru mbio-obio enyuŋ edat esit ke kpukpru mme utibe ŋkpɔ eke Enye anamde.

JOHN 16:2

Mmɔ eyebin mbufo esio ke mme synagogue; ini ke onyuŋ edi eke owo ekededi eke ediwotde mbufo eyese ete imɔ inam ŋkpɔ inɔ Abasi.

JOHN 9:34

Mmɔ ebɔrɔ enye ete, Afo akamana ke idiɔk-ŋkpɔ ofuri-ofuri: nte afo ekpekpep nnyin ŋkpɔ ndien? Ntem ke mmɔ ebin enye eduɔk.

2 ŊWED THESSALONICA 1:12

man enyiŋ Ɔbɔŋ nnyin enyene ubɔŋ ke idem mbufo, mbufo enyuŋ enyene ubɔŋ ke Enye, oto ke mfɔn Abasi nnyin ye Ɔbɔŋ nnyin Jesus Christ.

TITUS 2:13

inyuŋ itie ibet eti idori-enyin ye eriyarare Ubɔŋ Akwa Abasi ye Andinyaŋa nnyin Christ Jesus;

MME HEBREW 9:28

kpa ntre ŋko Christ, ke ekewade Enye ini kiet ete obiom idiɔk ŋkpɔ ediwak owo, eyetɔŋɔ ntak ɔbiɔŋɔre; edi Enye ididige ndinyene mbubehe ye idiɔk-ŋkpɔ, edi edidi ndinyaŋa mmɔ emi etiede ebet Enye.

1 JOHN 3:13

Ekuyak idem akpa mbufo, nditɔ-ete, edieke ererimbot asuade mbufo.