ISAIAH 66:4 - Edisana ñwed Abasi Ibom

⁴ Ami ŋko nyemek ndutuhɔ mmɔ, nnyuŋ nda se mmɔ edikhede ntiene mmɔ: koro ami ŋkokotde, ndien baba owo kiet eke eyerede iduhe; ŋkɔdɔhɔ, edi mmɔ ikopke: mmɔ enyuŋ enam idiɔk ke enyin mi, enyuŋ emek se mmemmaŋa.

ISAIAH 66:4 ပူးပေါင်းရင်းမြစ်များ

2 NDIDEM 21:2

Enyiŋ eka esie onyuŋ ekere Hephzi-bah. Ndien enye anam idiɔk ke iso Jehovah, ekem ye mbubiam mme idut oro Jehovah okosiode efep ke iso nditɔ Israel.

2 NDIDEM 21:6

Enye onyuŋ anam eyen esie ebe oduk ke ikaŋ, onyuŋ ebre idiɔŋ ikpa-enyɔŋ, ye idiɔŋ urukikɔt, onyuŋ onim mme ebre-idiɔŋ ekpo, ye mme ɔfiɔkŋpɔ owo: enye awak ndinam se idiɔkde ke iso Jehovah, onyuŋ ayat enye esit,

ŊWED MME PSALM 81:12

Ndien nyak mmɔ nnɔ nsɔŋesit mmɔ: mmɔ esaŋa ke uduak idem mmɔ.

MME ŊKE 1:24

Koro ami ŋkokotde, ndien mbufo esin; ŋkanyan ubɔk mi, ndien baba owo kiet eke esede iduhe;

MME ŊKE 10:24

Se idiɔk owo efehede, oro edisim enye: edi eyenɔ se nti owo eyomde.

ISAIAH 50:2

Nsinam baba owo kiet miduhe ke ini ŋkedide? Nsinam ŋkotde, ndien baba owo kiet miyereke? Nte ubɔk mi amakabare ɔmuhɔ akan nte ŋkemede ndifak? Nte baba odudu iduhe mi ke idem, eke mmeŋkemeke ndinyaŋa? Sese, nyenam inyaŋ asat ke nduari mi, nnyuŋ ŋkabare mme akpa mmɔŋ edi wilderness: iyak mmɔ eyetebe, koro mmɔŋ miduhe, enyuŋ ekpaŋa ke nsat-itɔŋ.

ISAIAH 59:15

Ndien akpanikɔ anana; owo eke akabarede ɔkpɔŋ idiɔk onyuŋ onim idem esie ke ŋkpɔ mbume. Ndien Jehovah okut, ndien ɔdiɔk enye ke enyin, koro edinen ikpe miduhe.

ISAIAH 59:7

Ukot mmɔ efeŋe enam se idiɔkde; enyuŋ ewara ndiduɔk iyip owo eke miduehe: ekikere mmɔ edi ekikere ibak; nsobo ye nwure edu ke ɔkpɔ-usuŋ mmɔ.

ISAIAH 65:12

mmen mbufo nnim nnɔ ofut, kpukpru mbufo eyenyuŋ enuhɔ enɔ afai: koro ami ŋkotde, edi mbufo iyereke; ndɔhɔ, edi mbufo ikopke; mbufo enyuŋ enam se idiɔkde mi ke enyin, enyuŋ emek se mme-mmaŋa.

ISAIAH 65:2

Ke ofuri usen ke nnyanare ubɔk mi nnɔ mbon nsɔŋ-ibuot, emi esaŋade ke usuŋ eke mifɔnke, ebine ekikere idem mmɔ;

ISAIAH 65:3

mbio emi eyatde mi esit aŋwa-aŋwa kpukpru ini; eke ewade uwa ke iŋwaŋ-esa, enyuŋ efɔpde incense ke mme brick:

ISAIAH 65:7

koro mmɔ ekefɔpde ŋkpɔ ke enyɔŋ ikpɔ obot, enyuŋ esuenede mi ke enyɔŋ ŋkpri obot: mmɔdo ndidomode akpa utom mmɔ nsin mmɔ ke ikpanesit.

JEREMIAH 35:17

mmɔdo ntem ke Jehovah Abasi mme udim Abasi Israel ɔdɔhɔ, ete, Sese, ami mmɔŋ nda ofuri idiɔk ŋkpɔ emi ŋkɔdɔhɔde mbaŋa mmɔ, ntiene Judah ye kpukpru mme andiduŋ Jerusalem: koro mma ndɔhɔ ye mmɔ, ndien mmɔ ikopke: mma nnyuŋ ŋkot mmɔ, ndien mmɔ iyereke.

JEREMIAH 7:13

Ndien ke emi ke Jehovah ɔdɔhɔ, ete, Koro mbufo enamde kpukpru ŋkpɔ emi, ndien ami ŋkɔdɔhɔ ye mbufo, mbabak ndɔhɔ, ndien mbufo ikopke; ŋkonyuŋ ŋkot mbufo, ndien mbufo iyereke;

JEREMIAH 7:30

Koro nditɔ Judah enamde idiɔk ke enyin mi, Jehovah ɔdɔhɔ: mmɔ emen ŋkpɔ mbubiam mmɔ esin ke ufɔk emi ekerede enyiŋ mi, enyuŋ esabare enye.

EZEKIEL 11:8

Mbufo ke ebak ofut; ndien ami nyeda ofut ntiene mbufo: emi edi uyo Ɔbɔŋ Jehovah.

EZEKIEL 14:4

Neme ye mmɔ ndien, nyuŋ dɔhɔ mmɔ, ete, Ntem ke Ɔbɔŋ Jehovah ɔdɔhɔ, ete, Kpukpru owo ufɔk Israel eke edimende ibɔk mmɔ ewuk ke esit mmɔ, enyuŋ edade ŋkpɔ iduɔ idiɔk ido mmɔ enim ke iso mmɔ, ndien edi ke ɔtɔ prophet; ami Jehovah nyebɔrɔ mmɔ ke esit, nte ekemde ye ediwak ibɔk mmɔ;

EZEKIEL 20:25

Ndien ŋko ami nnɔ mmɔ mme ewuhɔ eke mifɔnke, ye mme item eke mmɔ mikemeke ndidu uwem ke esit;

MATTHEW 24:24

Koro mme christ nsu ye mme prophet nsu eyedaha eda, enyuŋ ewut ikpɔ mme idiɔŋɔ ye mme utibe-ŋkpɔ man, edieke mmɔ ekpekemede, eda ndimek ikɔt Abasi ewaha ekpɔŋ usuŋ.

1 SAMUEL 8:19

Edi mbon oro inyimeke ndikop uyo Samuel; ndien mmɔ edɔhɔ ete, Ih ih: kam yak edidem akara nnyin;