ISAIAH 66:23 - Edisana ñwed Abasi Ibom

²³ Ndien ama ekem, ke kpukpru ɔfiɔŋ, ye kpukpru sabbath, kpukpru obukidem eyedi edituak ibuot ke iso mi; uyo Jehovah edi emi.

ISAIAH 66:23 ပူးပေါင်းရင်းမြစ်များ

2 NDIDEM 4:23

Ndien ebe ɔdɔhɔ ete, Afo anam didie aka ɔtɔ esie mfin emi? Ke idige obufa ɔfiɔŋ, inyuŋ idige sabbath. Ndien enye ɔbɔrɔ ete, Ke ɔfɔfɔn.

ŊWED MME PSALM 22:28

Koro itie ubɔŋ enyenede Jehovah: enye onyuŋ akara ekondo.

ŊWED MME PSALM 65:2

Afo emi okopde akam, kpukpru obukidem eyetiene fi.

ŊWED MME PSALM 65:3

Ikɔ isop esɔŋɔ ekan mi: afo eyesio isop ndudue nnyin efep.

ŊWED MME PSALM 86:9

Kpukpru mme idut emi afo akanamde eyedi edituak ibuot ke iso fo, Ɔbɔŋ; eyenyuŋ ekpono enyiŋ fo.

ISAIAH 19:21

Ndien Jehovah eyenam Egypt efiɔk enye, nditɔ Egypt eyenyuŋ efiɔk Jehovah ke usen oro, ndien mmɔ eyewa uwa emem ye inuak-udia; enyuŋ ekaŋa akaŋa enɔ Jehovah, enyuŋ enam enye.

ISAIAH 19:23

Ke usen oro ɔkpɔ-usuŋ eyetɔŋɔ ke Egypt ana tutu osim ke Assyria, ndien Assyria eyeduk ke Egypt, Egypt eyenyuŋ oduk ke Assyria, ndien Egypt ye Assyria eyenam ŋkpɔ (Jehovah).

ISAIAH 2:2

Ndien ama ekem ke utit eyo, obot ufɔk Jehovah eyewuhɔ ke enyɔŋ ikpɔ obot, onyuŋ okoŋ akan ŋkpri obot; ndien kpukpru mme idut eyebuŋɔ eduk ke esit.

ISAIAH 27:13

Ama onyuŋ ekem ke usen oro, eyefuri akwa ukorowo, ndien mmɔ eke esopde ke isɔŋ Assyria, ye mmɔ eke esuanade ke isɔŋ Egypt, eyedi edituak ibuot enɔ Jehovah ke edisana obot ke Jerusalem.

ISAIAH 49:7

Ntem ke Jehovah, andifak Israel, Edisana Abasi esie, ɔdɔhɔ ye enye emi kpukpru owo esede ke ndek, ye enye emi obio asuade, ye ofin mbɔm, ete, Ndidem eyekut enyuŋ edaha ke enyɔŋ, mbɔŋ ŋko eyekut enyuŋ etuak ibuot: ebaŋa Jehovah emi anamde ŋkpɔ ke akpanikɔ, Edisana Abasi Israel emi ekemekde fi.

EZEKIEL 20:40

Koro Ɔbɔŋ Jehovah ɔdɔhɔde ete, Ke edisana obot mi, ke edikoŋ obot Israel, do ke ofuri ufɔk Israel, kpukpru mmɔ ke isɔŋ, edinam ŋkpɔ mi: do ke mmɔ edinem mi esit, do ŋko ke ndiyom edimenere uwa mbufo, ye akpa ŋkpɔ eke mbufo emende ke kpukpru edisana ŋkpɔ mbufo enɔ.

EZEKIEL 45:17

Ndien mme edifɔp uwa, ye inuak-udia, ye uwa ediŋwɔŋ-ŋkpɔ ke mme usɔrɔ, ye ke mbufa ɔfiɔŋ, ye ke mme sabbath, ke kpukpru esop ufɔk Israel, eyedoro ɔbɔŋ oro: enye eyetim uwa idiɔk ido, ye inuak-udia, ye edifɔp uwa, ye mme uwa emem, onyuŋ osio isop abaŋa nditɔ Israel.

EZEKIEL 46:1

NTEM ke Ɔbɔŋ Jehovah ɔdɔhɔ, ete, Yak ekɔbi usuŋ esa emi esede edem usiaha-utin, ke usen unam utom mbitiokiet; ndien yak ekpɔhɔre enye ke usen sabbath, enyuŋ ekpɔhɔre enye ke usen obufa ɔfiɔŋ.

EZEKIEL 46:6

Ndien ke usen obufa ɔfiɔŋ edidi abak-enaŋ, eyen ufene eke ɔfɔnde ama, ye nditɔ erɔŋ itiokiet, ye okukim erɔŋ, yak mmɔ efɔn ema.

ZECHARIAH 14:14

Ndien ŋko Judah eyeŋwana ye Jerusalem; ndien eyebin inyene kpukpru mme idut emi ekande ekuk, kpa gold, ye silver, ye edisine-ŋkpɔ ata ediwak.

ZECHARIAH 14:16

Ndien ama ekem kpukpru mbio kpukpru mme idut eke esuhɔde eke ekedide ekɔŋ ye Jerusalem, eyedɔk kpukpru isua ndituak ibuot nnɔ edidem, kpa Jehovah mme udim, nnyuŋ nnim usɔrɔ mme ataya.

ZECHARIAH 14:18

Ndien ubon Egypt midɔkke idi, baba edim ididepke mmɔ ke idem; edi mmɔ eyeda ufen emi Jehovah edimiade mme idut emi midɔkke idi idinim usɔrɔ mme ataya.

ZECHARIAH 14:19

Emi edidi ufen Egypt, ye ufen kpukpru mme idut eke mididɔkke idi idinim usɔrɔ mme ataya.

MALACHI 1:11

Koro enyiŋ mi eyekpon ke otu mme idut ɔtɔŋɔde ke edem usiaha-utin tutu osim ke edem usop; ndien mmɔ eyefɔp incense ye edisana uwa enɔ enyiŋ mi ke kpukpru ebiet: koro enyiŋ mi eyekpon ke otu mme idut, Jehovah mme udim ɔdɔhɔ.

JOHN 4:23

Edi ini ke edi, omonyuŋ ededi ama, eke ata mme andituak ibuot edituakde ibuot enɔ Ete ke spirit ye ke akpanikɔ: koro edi mmɔ eke etiede ntem ke Ete oyom ete etuak ibuot enɔ Imɔ.

ERIYARARE 15:4

Anie editre nditeŋe Fi, O Ɔbɔŋ, ndinyuŋ nnɔ enyiŋ Fo ubɔŋ? Koro Afo ikpɔŋ edi edisana; Kpukpru mme idut eyenyuŋ edi edituak ibuot ke iso Fo; Koro ndinen ikpe Fo ema eyarare ewut idem.