ISAIAH 66:20 - Edisana ñwed Abasi Ibom

²⁰ Ndien mmɔ eyeda kpukpru nditɔ-ete mbufo ke kpukpru mme idut, edisɔk Jehovah ke enɔ, edoro ke horse, ye chariot, ye hammock, ye mule, ye dromedary, ke enyɔŋ edisana obot mi Jerusalem, (emi edi uyo Jehovah), kpa nte nditɔ Israel esinde enɔ ke edisana ŋkpɔ eda edi ke ufɔk Jehovah.

ISAIAH 66:20 ပူးပေါင်းရင်းမြစ်များ

ISAIAH 11:9

Mmɔ idinamke idiɔk, idinyuŋ ibiatke ŋkpɔ ke ofuri edisana obot mi: koro ifiɔk Jehovah eyeyɔhɔ ke ererimbot, kpa nte mmɔŋ ofukde inyaŋ.

ISAIAH 2:2

Ndien ama ekem ke utit eyo, obot ufɔk Jehovah eyewuhɔ ke enyɔŋ ikpɔ obot, onyuŋ okoŋ akan ŋkpri obot; ndien kpukpru mme idut eyebuŋɔ eduk ke esit.

ISAIAH 2:3

Ndien ediwak obio eyeka ekedɔhɔ, ete, Mbufo edi, nnyin idɔk ke obot Jehovah, ke ufɔk Abasi Jacob; ndien enye eyekpep nnyin ido esiemɔ, nnyin iyenyuŋ isaŋa ke usuŋ esie: koro mme ewuhɔ eyeto ke Zion, uyo Jehovah eyenyuŋ oto ke Jerusalem.

ISAIAH 43:6

nyedɔhɔ edem edere, nte, Yak nɔ: nyedɔhɔ usuk, nte, Kubaha: da nditɔ-iren mi ke anyan idut di, ye nditɔ-iban mi ke utit ererimbot;

ISAIAH 52:11

Mbufo edaŋa! edaŋa! ewɔŋɔ ke esit! ekutuk ŋkpɔ ndek: ewɔŋɔ enye ke ufɔt; mbufo emi ebiomde ŋkpɔ utom Jehovah, enam idem mbufo esana.

ISAIAH 54:3

koro afo eyesiaha ke nnasia ye ke ufien; ubon fo eyenyuŋ eda mme idut enyene, enyuŋ eda ndiwure obio eduŋ.

ISAIAH 56:5

Nyeda ŋkpɔ eriti ye enyiŋ eke efɔnde ekan eke nditɔ-iren ye nditɔ-iban, nnɔ mmɔ ke ufɔk mi, ye ke esit ibibene mi: nyenɔ mmɔ nsinsi-enyiŋ eke midisibeke ifep.

ISAIAH 56:7

nyeda mmɔ ndi ke edisana obot mi, nnyuŋ nnam mmɔ edat esit ke ufɔk akam mi: ndifɔp uwa mmɔ ye mme uwa emem mmɔ eyedi ŋkpɔ inem ke itie-uwa mi; koro ufɔk mi eyekere, ete, Ufɔk akam kpukpru mme idut.

ISAIAH 65:11

Edi ama edi mbufo emi ekpɔŋde Jehovah, enyuŋ efrede edisana obot mi, emi ebride okpokoro enɔ Gad, enyuŋ edade mbuaha esin enɔ Meni etɔhɔ;

ISAIAH 65:25

Wolf ye eyen-erɔŋ eyedia ŋkpɔ ɔtɔ kiet, lion eyenyuŋ ata nnyanyaŋa nte enaŋ: ndien ama edi urukikɔt, ntan eyedi udia esie, Owo idinamke idiɔk, idinyuŋ ibiatke ŋkpɔ ke ofuri edisana obot mi: uyo Jehovah edi emi.

DANIEL 11:45

Ndien enye eyewuk mme tent ebiet-iduŋ esie ke ufaŋ mme inyaŋ ke ediye ye edisana obot; ndien enye eyesim utit esie, baba owo kiet eke anyaŋade enye iduhe.

ZEPHANIAH 3:10

Mmɔ eke ekpede mi ubɔk, eyen-aŋwan ikɔt mi emi esuanade, eyeto ke edem mme akpa Ethiopia oko, ebiom utomo mi edi.

NUMBERS 7:3

eda enɔ mmɔ edi ke iso Jehovah, ukpat ŋkpɔ enyene awning itiokiet, ye enaŋ duopeba, mbɔŋ iba enɔ ukpatŋkpɔ kiet, ɔbɔŋ kiet ɔnɔ enaŋ kiet: ndien eda mmɔ edi ke iso ebiet-iduŋ.

NUMBERS 7:62

cup kiet ke shekel gold duop, ɔyɔhɔ incense: abak enaŋ kiet, ye okukim,

ŊWED MBON ROME 15:16

ŋkpedi asaŋa-utom Christ Jesus nnɔ mme Gentile, ŋkpe-nyuŋ ŋkama gospel nte oku Abasi, man oto do eriwa mme Gentile akpakabare edi se Abasi adarade ndibɔ, sia Edisana Spirit ama anam enye asana.

ŊWED MBON PHILIPPI 2:17

Edi edieke eŋwaŋade mi eduɔk ke enyɔŋ uwa eke mbuɔtidem mbufo adade ɔsɔk Abasi, ndat esit nnyuŋ ntiene kpukpru mbufo ndara;

1 PETER 2:5

eyeda mbufo nde, nte mme odu-uwem itiat, ebɔp esin ke ufɔk eke spirit, enyuŋ enam mbufo edi ndisana oku, ndiwa uwa spirit, eke Abasi adarade ndibɔ oto ke Jesus Christ.