ISAIAH 66:12 - Edisana ñwed Abasi Ibom

¹² Koro ntem ke Jehovah ɔdɔhɔ, ete, Sese, ami mmɔŋ nnyanare emem nnɔ enye nte akpa mmɔŋ, ye ubɔŋ mme idut nte idim mmɔŋ eke eyɔhɔde ada mben: ndien mbufo eyewap eba, eyekɔhɔ ke ŋkaŋ, owo eyenyuŋ etem mbufo ke edɔŋ.

ISAIAH 66:12 ပူးပေါင်းရင်းမြစ်များ

ISAIAH 14:2

Ndien mbio-obio eyemen mmɔ eda edi ke ebiet mmɔ: ufɔk Israel eyenyuŋ ada mmɔ enyene ke isɔŋ Jehovah, onim ke ifin iren ye ifin iban: ntre ke mmɔ editaŋ mme mmɔ emi eketaŋde mmɔ efep; enyuŋ ekara mme mmɔ emi eketukde mmɔ.

ISAIAH 26:3

Ama edi esit eke eberede (Fi), afo eyekpeme enye ke emem emem: koro enye ɔbuɔtde idem esie ye afo.

ISAIAH 33:21

Koro do ke Jehovah edidi ɔkpɔsɔŋ ke edem nnyin, ebiet akpa mmɔŋ, ye eke akwa inyaŋ; ubom eke awatde udeŋ mbakara idisaŋake ke esit, ɔkpɔsɔŋ ubom ekɔŋ idinyuŋ iwatke ke esit ibe.

ISAIAH 45:14

Emi edi uyo Jehovah mme udim. Ntem ke Jehovah ɔdɔhɔ, ete, Utom Egypt ye udori Ethiopia, ye eke mme Sabean, nyan owo, eyebe etiene fi, enyuŋ enyene fi: eyetiene fi eka; ke ŋkpɔkɔbi ke mmɔ edibe, enyuŋ enuhɔ enɔ fi, enyuŋ ekpe fi ubɔk, ete, Abasi odu ke otu mbufo ikpɔŋ: efen inyuŋ iduhe, Abasi iduhe.

ISAIAH 48:18

Afo akpakam akpaŋ utɔŋ ke mbet mi! ndien emem fo ekpebiet akpa mmɔŋ, edinen ido fo ekpebiet mbufut inyaŋ.

ISAIAH 54:13

Jehovah eyenyuŋ eteme kpukpru nditɔ fo; ndien emem nditɔ fo okpon.

ISAIAH 54:3

koro afo eyesiaha ke nnasia ye ke ufien; ubon fo eyenyuŋ eda mme idut enyene, enyuŋ eda ndiwure obio eduŋ.

ISAIAH 59:19

Ndien owo eyeto ke edem usop-utin edibak enyiŋ Jehovah, eto ke edem usiaha edibak ubɔŋ esie. Ke ini usua odukde nte akpa mmɔŋ, spirit Jehovah eyemenere banner ke enyɔŋ abaŋa enye.

ISAIAH 60:16

Ndien afo eyewap mmɔŋ eba mme idut, onyuŋ awap eba ndidem: ndien eyefiɔk ete ke ami Jehovah ndi andinyaŋa fi, ye andifak fi, Ɔkpɔsɔŋ Abasi Jacob.

ISAIAH 61:6

Ndien mbufo eyekere mme oku Jehovah; eyenyuŋ edɔhɔ ebaŋa mbufo, ete, Mme anam-ŋkpɔ Abasi nnyin: mbufo eyedia inyene mme idut, enyuŋ ebɔ mmɔ ubɔŋ eda ke idem mbufo.

ISAIAH 66:11

man mbufo ewap eba ndɔŋesit esie eyuhɔ: man mbufo enyimi uyuhɔ ubɔŋ esie enyuŋ edat esit.

ISAIAH 9:6

Koro eyen amanade ɔnɔ nnyin, enɔ nnyin eyen-eren: ubɔŋ onyuŋ odoro enye ke afara; enyuŋ esio enye enyiŋ, Utibe, Ɔnɔ-item, Ɔkpɔsɔŋ Abasi, Nsinsi Ete, Ɔbɔŋ Emem.

ISAIAH 9:7

Ubɔŋ ye emem ididopke ndikɔri ke ebekpo David, ye ke itie ubɔŋ esie, man onim enye, onyuŋ ɔsɔŋ owuk enye ke ikpe ye ke edinen ido, ke emi ye ke nsinsi. Ufup Jehovah mme udim eyenam ŋkpɔ emi.

JEREMIAH 33:6

Sese, ami nyeda ibɔk ukure unan ndian enye, nyenyuŋ ŋkɔk mmɔ, nnyuŋ nyarare uwak emem ye akpanikɔ nnɔ mmɔ.

HAGGAI 2:9

Jehovah mme udim ɔdɔhɔ, ete, Ubɔŋ ekperedem ufɔk eyekpon akan eke akpa: ndien ke ebiet emi ke ndinɔ emem, Jehovah mme udim ɔdɔhɔ.