ISAIAH 66:1 - Edisana ñwed Abasi Ibom

¹ NTEM ke Jehovah ɔdɔhɔ, ete, Enyɔŋ edi ebekpo mi, isɔŋ onyuŋ edi udorukot mi: nso ufɔk ke mbufo edibɔp enɔ mi? Nso ebiet ke mbufo edinim ke nduɔk-odudu mi ŋko?

ISAIAH 66:1 ပူးပေါင်းရင်းမြစ်များ

1 NDIDEM 8:27

Nte Abasi eyeduŋ ke isɔŋ ndien ke akpanikɔ? Sese, enyɔŋ ye ata enyɔŋ ikemke fi, kpaŋ ɔfiɔk ufɔk emi ŋkɔbɔpde.

1 CHRONICLES 28:2

Ndien David edidem adaha ke enyɔŋ ada ke ukot esie, onyuŋ ɔdɔhɔ, ete, Mbufo nditɔ-ete mi, ye ikɔt mi, ekop uyo mi: ami ŋkekere ke esit mi ndibɔp ufɔk nduɔk-odudu nnɔ ekebe ediomi Jehovah, ye ke udorukot Abasi nnyin, mma nnyuŋ ntim ŋkpɔ ubɔp ufɔk:

2 CHRONICLES 2:5

Ndien ufɔk eke mbɔpde okpon: koro Abasi nnyin omokpon akan kpukpru abasi.

2 CHRONICLES 6:18

Nte Abasi edidu ye owo ke isɔŋ ke akpanikɔ? Sese, enyɔŋ ye ata enyɔŋ ikemke fi; ŋwaŋwa ediso ufɔk emi mbɔpde!

ŊWED MME PSALM 11:4

Jehovah odu ke edisana temple esie, ebekpo Jehovah odu ke enyɔŋ; enyin esie ese, mkpɔk eyin esie edomo nditɔ owo.

ŊWED MME PSALM 132:7

Yak nnyin ika ke iduŋ esie: yak nnyin ituak ibuot ke ɔtɔ udorukot esie.

ŊWED MME PSALM 99:9

Mbufo ekpono Jehovah Abasi nnyin, enyuŋ etuak ibuot ke edisana obot esie; koro Jehovah Abasi nnyin edide edisana.

ISAIAH 57:15

Koro emi edi uyo Enye emi okoŋde, onyuŋ emenerede ke enyɔŋ, emi oduŋde ke nsinsi, enyiŋ esie onyuŋ edi edisana, ete, Ami nyeduŋ ke edikoŋ ye edisana ebiet, nyenyuŋ nduŋ ye enye emi otukde onyuŋ ɔsuhɔrede spirit esiemɔ, nte ndemere spirit mmɔ eke esuhɔrede idem mmɔ enim, nnyuŋ ndemere esit mmɔ eke etukde idem mmɔ.

ISAIAH 60:13

Ubɔŋ Lebanon eyedi ke ɔtɔ fo, cypress, ye plane, ye box, eyedi ini kiet, man eda mmɔ ebana edisana ebiet mi: ndien nyekpono ebiet ukot mi.

JEREMIAH 23:24

Jehovah ɔdɔhɔ ete, Nte owo ekeme ndidibe ke ndibe ebiet eke ami mmendikwe enye? Jehovah ɔdɔhɔ, ete, Nte ami nyɔhɔke ke ofuri enyɔŋ ye isɔŋ?

MALACHI 1:11

Koro enyiŋ mi eyekpon ke otu mme idut ɔtɔŋɔde ke edem usiaha-utin tutu osim ke edem usop; ndien mmɔ eyefɔp incense ye edisana uwa enɔ enyiŋ mi ke kpukpru ebiet: koro enyiŋ mi eyekpon ke otu mme idut, Jehovah mme udim ɔdɔhɔ.

MATTHEW 12:6

Edi ndɔhɔ mbufo nte, Owo emi okponde akan temple odu mi.

MATTHEW 24:2

Edi Enye ɔbɔrɔ mmɔ ete, Nte mbufo ikwe kpukpru ŋkpɔ emi? Ke akpanikɔ ke ndɔhɔ mbufo, Idikpɔŋke itiat kiet ke enyɔŋ itiat efen eke mididorokere enye iduɔk.

UTOM MME APOSTLE 17:24

Abasi, emi okobotde ererimbot ye kpukpru se idude ke esit, sia Enye edide Ɔbɔŋ enyɔŋ ye isɔŋ, iduŋke ke mme temple eke ubɔk owo enamde;