ISAIAH 61:8 - Edisana ñwed Abasi Ibom

⁸ Koro ami Jehovah mmama ikpe, nsasua se edade ke ŋwo; ndien ami nyenɔ mmɔ ŋkpɔ eyen-utom mmɔ ke akpanikɔ, nnyuŋ ndiomi nsinsi ediomi ye mmɔ.

ISAIAH 61:8 ပူးပေါင်းရင်းမြစ်များ

GENESIS 17:7

Nyenyuŋ nnam ediomi mi ɔsɔŋɔ ada ye afo, ye ubon fo eke editienede fi ke emana mmɔ, ke nsinsi ediomi, nte ndi Abasi fo, ye eke ubon fo eke editienede fi.

2 SAMUEL 23:5

Koro nte ufɔk mi itiehe ntem ye Abasi? Koro enye amanam nsinsi ediomi ye ami, emi ediɔŋde ke kpukpru ŋkpɔ, enyuŋ enimde: koro nte enye idinamke ofuri erinyaŋa mi ye ima esit mi etibe?

ŊWED MME PSALM 105:10

onyuŋ anam enye ɔsɔŋɔ ada ɔnɔ Jacob ke ewuhɔ, ɔnɔ Israel ke nsinsi ediomi; ete,

ŊWED MME PSALM 11:7

Koro edinen Jehovah amade se inende: iso esie ese edinen owo.

ŊWED MME PSALM 32:8

Nyeteme fi, nnyuŋ ŋwut fi usuŋ eke afo edisaŋade: nyeteme fi, nyetiŋ fi enyin mi ke idem.

ŊWED MME PSALM 33:5

Enye amama eti ido ye edinen ikpe: ima Jehovah ɔyɔhɔ ke ererimbot.

ŊWED MME PSALM 37:28

Koro Jehovah amade edinen ikpe, ndien ikpɔŋke mbon-ima esie; eyekpeme mmɔ ke nsinsi: edi eyesibe ubon mme idiɔk owo efep.

ŊWED MME PSALM 45:7

Afo ama se inende, onyuŋ asua se ikwaŋade; oro esin Abasi, kpa Abasi fo, ada aran idara eyet fi, akan mme ufan fo.

ŊWED MME PSALM 50:5

“Mbufo ebon ikɔt ima mi enɔ mi, kpa mmɔ eke ekedade uwa ediomi ediomi ye ami.”

ŊWED MME PSALM 62:10

Mbufo ekubuɔt idem ke ufik, ekunyuŋ ebure ke mbume: ke ini inyene etɔtde, mbufo ekusin esit ke mmɔ.

ŊWED MME PSALM 99:4

Ndien odudu edidem ama ikpe; afo omowuk se inende, afo ekpe edinen ikpe ke Jacob.

MME ŊKE 3:6

Diɔŋɔ enye ke kpukpru usuŋ fo, ndien enye eyeneŋere usuŋ fo onim.

MME ŊKE 8:20

Nsasaŋa ke usuŋ eke enende, ke ufɔt ɔkpɔ-usuŋ ikpe;

ISAIAH 28:17

Ndien nyenim ikpe ke uruk udomo, nyenim se inende ke plummet: ndien edim itiat eyekpɔri ubɔhɔ nsu efep, mmɔŋ eyenyuŋ ɔtɔ ofuk ebiet udibe.

ISAIAH 30:18

Ndien oto oro Jehovah eyebet, man atua mbufo mbɔm, oto oro nko Enye eyedaha ke enyɔŋ, man ɔfɔn ido ye mbufo: koro Jehovah edide Abasi edinen ido: ɔfɔfɔn ɔnɔ kpukpru mmɔ eke ebetde enye.

ISAIAH 5:16

edi Jehovah mme udim okoŋ ke ikpe, enyuŋ ekut ete ke Abasi Ata Edisana asana ke edinen ido.

ISAIAH 54:10

Koro ikpɔ obot eyesehere, ŋkpri eyenyuŋ enyek: edi ima mi idisehekede ikpɔŋ fi, ediomi emem mi idinyuŋ inyekke; emi edi uyo Jehovah emi atuade fi mbɔm.

ISAIAH 55:3

Mbufo ekpaŋ utɔŋ mbufo, enyuŋ edi etiene mi: ekop, ndien ukpɔŋ mbufo eyedu uwem; ndien nyenam nsinsi ediomi ye mbufo, kpa ŋkpɔ ima David eke edide akpanikɔ.

ISAIAH 56:1

NTEM ke Jehovah ɔdɔhɔ ete, Mbufo enim ikpe, enyuŋ enam se inende: koro erinyaŋa mi emekpere ndidi, edinen ido mi omonyuŋ ekpere ndiyarare.

ISAIAH 66:22

Koro kpa nte mbufa enyɔŋ ye obufa isɔŋ, emi ndinamde, edade ke iso mi kpa ntre ke nditɔ mbufo ye enyiŋ mbufo edida: emi edi uyo Jehovah.

JEREMIAH 32:40

Nyenyuŋ nnim nsinsi ediomi ye mmɔ, nte ndikabakede ŋkpɔŋ mmɔ, ntre ndifɔn ye mmɔ; nyenyuŋ nda uteŋe mi nsin mmɔ ke esit, man ekukabare ekpɔŋ mi.

JEREMIAH 9:24

edi yak owo eke oburede, obure ke ŋkpɔ emi, ke eritim mfiɔk mi, koro ami Jehovah nnamde mfɔnido, ye ikpe, ye edinen ido ke ererimbot: koro ŋkpɔ emi enemde mi esit: uyo Jehovah edi emi.

EZEKIEL 16:60

Ndien ami nyeti ediomi mi ye afo ke mme usen uyen fo, nyenyuŋ nsɔŋɔ ŋwuk nsinsi ediomi ye afo.

EZEKIEL 34:25

Nyenyuŋ nnam ediomi emem nnɔ mmɔ, nnyuŋ nnam mme idiɔk unam etre ke isɔŋ: ndien mmɔ eyeduŋ ke wilderness ke ifure, enyuŋ ede idap ke akai.

MALACHI 1:13

Mbufo enyuŋ edɔhɔ, ete, Sese, ke efek owo didie! Mbufo enyuŋ ebat enye ke mbio, Jehovah mme udim ɔdɔhɔ; mbufo enyuŋ eda ŋkpɔ ŋkanubɔk, ye mbuŋɔ, ye se idɔŋɔde, edi, enyuŋ eda inuak-udia edi: nte nyenyime ndibɔ enye ke ubɔk mbufo? Jehovah ɔdɔhɔ.

MATTHEW 23:13

Edi eyedɔdiɔk ɔnɔ mbufo, mme scribe ye mme Pharisee, mbon mbubik! koro mbufo eberi Obio Ubɔŋ heaven ebaha owo: koro mbufo idukke ke idem mbufo, inyuŋ iyakke mmɔ emi eyomde ndiduk ebe eduk.

2 ŊWED THESSALONICA 3:5

Ɔbɔŋ akpakam onyuŋ ɔwɔŋɔre mbufo esit esin ke ima Abasi ye ime Christ.