ISAIAH 61:7 - Edisana ñwed Abasi Ibom

⁷ Ke ibuot but mbufo eyekut ikaba; ndien ke ibuot esuene mmɔ eyedara ke udeme mmɔ: mmɔdo ke isɔŋ mmɔ ke mmɔ edida ikaba enyene: nsinsi idaresit eyenyene mmɔ.

ISAIAH 61:7 ပူးပေါင်းရင်းမြစ်များ

2 NDIDEM 2:9

Edikem ke adaŋemi mmɔ ema ekebe, Elijah ɔdɔhɔ Elisha, ete, Siak se ndinamde nnɔ fi, ke mika-imenke mi kaŋa ibɔ fi. Ndien Elisha ɔdɔhɔ ete, Mbɔk, yak nnyene udeme spirit fo iba.

ŊWED JOB 42:10

Ndien Jehovah osio Job ke itie mbuot ekɔŋ afiak edi, ke ini enye anamde mkpe-ubɔk ɔnɔ mme ufan esie: Jehovah onyuŋ ɔtɔŋɔ ntak ɔnɔ Job kpukpru se enye ekenyenede utim ikaba.

ŊWED MME PSALM 126:5

Mmɔ eke etɔde ŋkpɔ ke mmɔŋeyet eyekpeŋe ke idara. Owo eke obiomde akpan mkpasip, aka atua eyet,

ŊWED MME PSALM 16:11

Afo eyewut mi usuŋ uwem: uyuhɔ idaresit ke iso fo; ŋkpɔ inemesit ke ubɔk nnasia fo ke nsinsi.

ISAIAH 35:10

ndien mmɔ eke Jehovah akafakde eyefiak edi ke Zion ekwɔ ikwɔ, nsinsi idaresit onyuŋ ayara mmɔ ke ibuot: mbre ye idaresit eyesim mmɔ, mfuhɔ ye eseme eyefeŋe.

ISAIAH 40:2

Edɔhɔ ye Jerusalem ufan-ufan, enyuŋ ekwɔrɔ enɔ enye, ete, Ke ekɔŋ esie ɔmɔyɔhɔ, ke emefen idiɔk ido esie: ke enye ɔmɔbɔ Jehovah ke ubɔk utim ikaba abaŋa kpukpru mme idiɔk ido esie.

ISAIAH 51:11

Ndien mmɔ eke Jehovah afakde eyefiak edi ke Zion ye mkpo; nsinsi idaresit eyedu mmɔ ke ibuot: mbre ye idaresit eyesim mmɔ; mfuhɔ ye eseme eyefeŋe.

ISAIAH 54:4

Kufehe: koro but midinamke fi; kunyuŋ uyak nsia oyomo fi: koro afo mudukwe esuene: koro afo eyefre but uyen fo; udunyuŋ utihi aba itie-ebe-akpa fo.

ISAIAH 60:15

Utu ke ekpɔŋ fi enyuŋ esua fi, owo minyuŋ isaŋake ibe fi, nyenim fi ke nsinsi ubɔŋ, idara ediwak emana.

ISAIAH 60:21

Ndien ikɔt fo kpukpru eyedi edinen; mmɔ eyenyene isɔŋ ke nsinsi, ŋkpɔ emi ntɔde, utom ubɔk mi, man nda ubɔŋ.

ISAIAH 65:13

Mmɔdo, ntem ke Ɔbɔŋ Jehovah ɔdɔhɔ, ete, Sese, ikɔt mi eyedia ŋkpɔ, edi biɔŋ eyedɔŋ mbufo: sese, ikɔt mi eyeŋwɔŋ, edi itɔŋ eyesat mbufo: sese, ikɔt mi eyedat esit, edi but eyenam mbufo: sese,

ZEPHANIAH 3:19

Sese, ke ini oro ami nyenam kpukpru mmɔ eke etukde fi; nyenyuŋ nnyaŋa enye emi edide mbuŋɔ, nnyuŋ ntaŋ owo emi mmɔ ekebinde enye efep ndi; nyuŋ nim mmɔ ke itoro ye ke etop ke kpukpru mme idut esuene mmɔ.

ZECHARIAH 8:12

Koro mkpasip eyetɔt; vine eyenɔ mfri esie, isɔŋ eyenyuŋ ɔnɔ mbuŋwum esie, ikpa-enyɔŋ eyenyuŋ ɔnɔ mbara esie; ndien nyenam mbio emi esuhɔde eda kpukpru ŋkpɔ emi enyene.

ZECHARIAH 9:12

Mbufo mbon ŋkpɔkɔbi idori-enyin, efiak edi ke ɔkpɔsɔŋ ebiet: kpa mfin emi ke ndɔhɔ nte ke ndinɔ fi utim ikaba.

MATTHEW 25:46

Ekem mmɔ oro eyedaha ekoduk ke nsinsi ufen; edi ndinen owo eyeduk ke nsinsi uwem.

2 ŊWED CORINTH 4:17

Koro mfefere ukut nnyin, emi midibigike bigi, ɔdɔdiɔŋ anam nnyin inyene nsinsi ubɔŋ, eke okponde odobi;

DEUTERONOMY 21:17

edi yak enye ɔdiɔŋɔ eyen aŋwan usua ke akpan, ke erinɔ enye udeme kpukpru inyene esie mbiba: koro enye edide akpa odude esie; itie akpan enyene enye.

2 ŊWED THESSALONICA 2:16

Ndien Ɔbɔŋ nnyin Jesus Christ, ke Idem Esie, ye Abasi Ete nnyin, emi akamade nnyin, onyuŋ ɔnɔde nnyin nsinsi ndɔŋesit ye eti idori-enyin ke mfɔn,