ISAIAH 61:4 - Edisana ñwed Abasi Ibom

⁴ Ndien mmɔ eyebɔp ŋwure ebiet eset, eneŋere akani nsobo, eyenyuŋ ediɔŋ mme obio eke ebiarade, mme nsobo ediwak emana.

ISAIAH 61:4 ပူးပေါင်းရင်းမြစ်များ

EZRA 9:9

Koro nnyin idide ifin; edi Abasi nnyin ikɔkpɔŋke nnyin ke itie ufin nnyin, edi ama anyan ubɔk ɔnɔ nnyin ke iso ndidem Persia, onyuŋ edemere nnyin, man ineŋere ufɔk Abasi nnyin, inyuŋ idiɔŋ ŋwure esie, man enye onyuŋ ɔnɔ nnyin ibibene ke Judah, ye ke Jerusalem.

ŊWED MME PSALM 46:8

Mbufo edi edise se Jehovah anamde, emi esinde ŋwure ke ererimbot.

ŊWED MME PSALM 74:3

Menere ikpat fo di se nsinsi ŋwure; kpukpru se mme asua ebiatde ke edisana ufɔk.

ISAIAH 52:9

Mbufo mme ŋwure Jerusalem, ebumere ekwɔ uyo kiet: koro Jehovah ɔdɔŋde ikɔt esie esit:

ISAIAH 58:12

Ndien eyewɔrɔ ke ɔtɔ fo ebɔp ŋkani ndon: afo eyediɔŋ ŋwure, ediwak emana; ndien eyekot fi, ete, Andidiɔŋ ŋwure, Anditɔŋɔ ntak nnam ɔkpɔ-usuŋ man eduŋ.

MICAH 7:11

Ke usen eke edidiɔŋde ibibene fo, ke usen oro ke edinam adaŋa (fo) okpon.

ZECHARIAH 1:17

Tɔŋɔ ntak fiori ete, Ntem ke Jehovah mme udim ɔdɔhɔ ete, Mme obio mi eyesiaha nti ŋkpɔ; Jehovah eyenyuŋ osuk ɔdɔŋ Zion esit, onyuŋ emek Jerusalem.