ISAIAH 61:3 - Edisana ñwed Abasi Ibom

³ ete, nnim nnɔ nditɔ Zion eke etuade, nnɔ mmɔ anyanya ke ibuot ntɔŋ, aran idaresit ke ibuot ntuaŋa, ɔfɔŋ-idem itoro ke ibuot mkpa-esit; ndien mmɔ eyekere ete, Ofriyo eti ido emi Jehovah ɔkɔtɔde, man ada ukpono ke esit.

ISAIAH 61:3 ပူးပေါင်းရင်းမြစ်များ

ESTHER 8:15

Ndien Mordecai oto ke iso edidem ɔwɔrɔ, esine ɔfɔŋidem ubɔŋ, awawa ye afia, onyuŋ ayara akamba anyanya o-gold, esine ekura eti linen ye purple. Ntre ke obio Shushan osio mkpo idara.

ESTHER 9:22

ke usen emi mme Jew ekebɔhɔde mme asua mmɔ eduɔk odudu, ye ke ɔfiɔŋ emi ukut akabarede ɔnɔ mmɔ ke idara, ye eseme ke eti usen: ete enim mmɔ ke usen udia ye idara, ye eke owo enɔde enɔ esɔk mbɔhɔiduŋ mmɔ, ye eke efɔnde ido ye mme ubuene.

ŊWED MME PSALM 104:15

Wine onyuŋ enem owo esit, anam iso esie ayama akan aran, uyo onyuŋ anam esit ɔsɔŋɔ owo.

ŊWED MME PSALM 149:4

Koro ikɔt Jehovah enemde enye esit: enye ada erinyaŋa abana mbon nsuk-esit.

ŊWED MME PSALM 23:5

Afo eyebri okpokoro ɔnɔ mi ke iso mme asua mi: eyeda aran eyet mi ke ibuot; cup mi ɔyɔhɔ ɔduɔi.

ŊWED MME PSALM 30:11

Afo amakabare itie-ikpo ɔnɔ mi esin ke unek: amatat mi ɔfɔŋ ikpo, omonyuŋ ada idaresit okune mi;

ŊWED MME PSALM 30:12

man ubɔŋ ɔkwɔ fi, okunyuŋ odop. O Jehovah Abasi mi, nyetoro fi ke nsinsi.

ŊWED MME PSALM 45:7

Afo ama se inende, onyuŋ asua se ikwaŋade; oro esin Abasi, kpa Abasi fo, ada aran idara eyet fi, akan mme ufan fo.

ECCLESIASTES 9:8

Yak edisine-ŋkpɔ fo edi edisana kpukpru ini; kunyuŋ uyak ibuot fo anana aran.

ISAIAH 12:1

NDIEN afo eyedɔhɔ ke usen oro, ete, Nyekɔm fi, O Jehovah; koro afo akayatde esit ye ami; iyaresit fo amakabare ndien afo ke ɔdɔŋ mi esit.

ISAIAH 26:2

Mbufo eberede mme itim, man edinen idut emi onimde akpanikɔ oduk.

ISAIAH 44:23

O enyɔŋ, mbufo ekwɔ: koro Jehovah amanam: isɔŋ ke idak, sio mkpo: ikpɔ obot, mbufo ebumere ekwɔ; mbufo, akai ye kpukpru eto emi edude ke esit: koro Jehovah afakde Jacob, eyenyuŋ ada ubɔŋ ke Israel.

ISAIAH 46:13

mmada eti ido nsaŋa ŋkpere; enye idiyomke usuŋ, erinyaŋa mi idinyuŋ ibigike nyenyuŋ nnim erinyaŋa mi ke Zion, nnɔ Israel ubɔŋ mi.

ISAIAH 52:1

DEMERE, demere, sine odudu fo ke idem, O Zion; sine edisine-ŋkpɔ uyai fo, O Jerusalem, edisana obio: koro owo edut ye ndek miditɔŋɔke aba ntak iduk fi ke esit.

ISAIAH 61:10

Nyedat esit eti-eti ke Jehovah, ukpɔŋ mi eyebre abaŋa Abasi mi: koro enye emesine mi edisine-ŋkpɔ erinyaŋa ke idem, amada ekura edinen ido ofuk mi, kpa nte ɔdɔ-ŋwan ayarade anyanya esiemɔ, ye nte ŋwan ndɔ esinede ŋkpɔ mbana esie ke idem.

JEREMIAH 31:13

Ndien eyen-aŋwan eyebre ke unek, ye mkparawa ye mbiowo ke ɔtɔ kiet: ndien nyeda inem ŋkpuhɔre eyet mmɔ, nnyuŋ ndɔŋ mmɔ esit, nnyuŋ nnam mmɔ edat esit ke ini ubaha mmɔ okurede.

EZEKIEL 34:29

Ndien nyenam se etɔde ɔkɔri ɔnɔ mmɔ ɔwɔrɔ etop, ndien mmɔ iditakke aba ke biɔŋ ke isɔŋ, idinyuŋ ibiomke aba esuene mme idut.

EZEKIEL 47:7

Ndien ke adaŋemi enye akadade mi afiak, sese, ata ediwak eto edu ke mben akpa ke edem mbiba.

ZECHARIAH 3:5

Ndien ndɔhɔ nte, Yak mmɔ eyare enye edisana mitre ke ibuot. Ndien mmɔ eyara enye edisana mitre oro ke ibuot, enyuŋ esine enye edisine-ŋkpɔ. Ndien angel Jehovah ada do.

MATTHEW 15:13

Edi Enye ɔbɔrɔ ete, Kpukpru se etɔde, eke midige Ete Mi ke heaven ɔkɔtɔ, eyedibere. Esana mmɔ eyak: mmɔ edi nnan mme ada-usuŋ.

MATTHEW 5:16

Kpa ntre yak uŋwana mbufo ayama ke iso owo, man mmɔ ekut nti utom mbufo, enyuŋ etoro Ete mbufo emi odude ke Heaven.

LUKE 15:22

Edi Ete ɔdɔhɔ ikɔt esie ete, Ewara eda ata eti ɔfɔŋidem oro edisine enye; enyuŋ esine enye mkpanuen ke ubɔk ye ikpa-ukot ke ukot:

JOHN 15:8

Ete Mi ada ubɔŋ ke eriŋwum emi mbufo eŋwumde mfri ekese: ntem ke mbufo edidi mbet Mi.

JOHN 16:20

Ke akpanikɔ ke ndɔhɔ mbufo nte, mbufo eyetuaŋa enyuŋ eseme, edi ererimbot eyedara: mbufo eyefuhɔ, edi mfuhɔ mbufo eyekabare edi idara.

1 ŊWED CORINTH 3:9

Koro nnyin isaŋa ikpat kiet idi mme anam-utom Abasi; mbufo edi iŋwaŋ eke Abasi ɔkɔtɔde, edi ufɔk eke Abasi ɔkɔbɔpde.

1 ŊWED CORINTH 6:20

Mbufo inyuŋ idige eke mbufo. Ekedep mbufo ke ekɔm-urua; mmɔdo enɔ Abasi ubɔŋ ke ikpɔhidem mbufo.

ŊWED MBON PHILIPPI 1:11

enyuŋ eyɔhɔ ye mbuŋwum eti ido, emi otode Jesus Christ, enɔ Abasi ubɔŋ ye itoro.

2 ŊWED THESSALONICA 1:10

edibɔ ufen nsinsi nsobo, ke ini Enye edidide ndida ubɔŋ ke idem nti ikɔt Esie, ndinyuŋ nnyene owo ndyɔ ke idem kpukpru mmɔ emi enimde ke akpanikɔ ke usen oro; koro mbufo ema enim ikɔ ntiense nnyin ke akpanikɔ.

MME HEBREW 1:9

Afo amama se inende, onyuŋ asua se ikwaŋade; Mmɔdo Abasi, kpa Abasi Fo, adade aran idaresit eyet fi akan mme nsaŋa Fo.

1 PETER 2:9

Edi mbufo edi ubon eke emekde; edi mme oku edidem, edi edisana obio, edi ikɔt eke Abasi onimde ɔnɔ Idem Esie, man mbufo eka ekataŋa mme utibe erinam Esie, emi okokotde mbufo osio ke ekim, esin ke utibe uŋwana esie;

1 PETER 4:14

Edieke esuenede mbufo kabaŋa enyiŋ Christ, ɔfɔfɔn ɔnɔ mbufo; koro Spirit ubɔŋ ye Spirit Abasi odoro mbufo ke idem.