ISAIAH 61:1 - Edisana ñwed Abasi Ibom

¹ SPIRIT Ɔbɔŋ Jehovah odoro mi: koro, Jehovah emeyet mi aran onim, man mbuk eti mbuk nnɔ mbon nsuk-esit; ɔmɔdɔŋ mi, ete mbɔp mmɔ eke esit mmɔ ɔbuŋɔde, ŋkwɔrɔ uwɔrɔ-ufin nnɔ mbuot ekɔŋ, ŋkwɔrɔ nsana-nyak nnɔ mmɔ eke ekɔbide;

ISAIAH 61:1 ပူးပေါင်းရင်းမြစ်များ

ŊWED MME PSALM 102:20

ete ikop mmum owo ŋkpɔkɔbi; inyuŋ isana nditɔ mkpa iyak.

ŊWED MME PSALM 147:3

Edi enye ɔkɔk mmɔ eke esit mmɔ anuahade, onyuŋ ofuk mmɔ unan.

ŊWED MME PSALM 149:4

Koro ikɔt Jehovah enemde enye esit: enye ada erinyaŋa abana mbon nsuk-esit.

ŊWED MME PSALM 2:6

Ndien edi ami mmonim edidem mi ke enyɔŋ Zion edisana obot mi.

ŊWED MME PSALM 22:26

Mbon nsukidem eyedia eyuhɔ: mmɔ eke eyomde Jehovah eyetoro Enye: yak esit mbufo odu uwem ke nsinsi.

ŊWED MME PSALM 25:9

Enye eyenam mbon nsukidem esaŋa ke erinen: onyuŋ eteme mbon nsukidem usuŋ esiemɔ.

ŊWED MME PSALM 34:18

Jehovah emekpere mmɔ eke esit ɔbuŋɔde mmɔ; onyuŋ anyaŋa mmɔ eke esit ɔduɔde.

ŊWED MME PSALM 45:7

Afo ama se inende, onyuŋ asua se ikwaŋade; oro esin Abasi, kpa Abasi fo, ada aran idara eyet fi, akan mme ufan fo.

ŊWED MME PSALM 51:17

Mme uwa emem Abasi edi spirit eke ɔbuŋɔde: O Abasi, afo usinke edibuŋɔ ye edinuaha esit ke ndek.

ŊWED MME PSALM 68:7

O Abasi, ke ini afo ekebemde ikɔt fo iso ɔwɔrɔ, ke ini afo asaŋade ke wilderness. [Selah.]

ŊWED MME PSALM 69:32

Mbon nsukidem ekut enyuŋ edaresit: ndien yak esit mbufo emi eyomde Abasi, akam odu uwem.

EXODUS 28:41

Nyuŋ da mmɔ sine Aaron eyen-uka, ye nditɔ esie ŋko ke idem; ndien yet mmɔ aran ke idem, nyuŋ yɔhɔ mmɔ ubɔk, nyuŋ nam mmɔ esana man eda oku mi.

EXODUS 29:7

Ndien da aran nyere tɔhɔ enye ke ibuot, yet enye ntem.

ISAIAH 29:19

Ndien mbon nsukesit eyemana edara Jehovah, mme ubuene ke otu owo eyenyuŋ edara Edisana Abasi Israel.

ISAIAH 30:19

Koro mbio ke Zion eyeduŋ ke Jerusalem: afo udutuaha eyet: enye eyetua fi mbɔm ke uyo eseme fo; ke ini enye okopde, enye eyebɔrɔ fi.

ISAIAH 30:26

Ndien uŋwana ɔfiɔŋ eyebiet uŋwana utin, uŋwana utin eyenyuŋ aka iso utim ikatiaba, ebiet uwemeyo itiaba, ke usen eke Jehovah edibɔpde unan ikɔt esiemɔ, edinyuŋ ɔkɔkde ufen eke emiade mmɔ.

ISAIAH 32:7

Ndien ama edi afam, ŋkpɔ utom esie ediɔk: enye aduak uduak ŋkari, ete isobo mbon ukut ke ikɔ nsu, kpa ke adaŋemi eyen ubuene ɔdɔhɔde se inende.

ISAIAH 40:9

Afo Zion emi obukde eti mbuk, dɔk ke edikoŋ obot; O Jerusalem emi obukde eti mbuk, sɔŋɔ menere, uyo fo; menere, kudige; dɔhɔ mme obio Judah, ete, Se Abasi mbufo!

ISAIAH 42:1

SE owo mi; nyemum enye ŋkama: se edimek owo mi emi adatde mi esit; mmodori enye spirit mi ke idem: enye eyenam ikpe ɔwɔrɔ ɔnɔ mme idut.

ISAIAH 42:7

man atat enyin eke ekimde, onyuŋ osio mbon ŋkpɔkɔbi ke ufɔk ukwak, osio mmɔ eke etiede ke ekim efep ke ufɔk ebuka.

ISAIAH 48:16

Mbufo esaŋa ekpere mi, ekop ŋkpɔ emi: ŋkɔdɔhɔke ke ndibe ke eritɔŋɔ; toto nte enye okodu, ami ndu do; ndien ke emi Ɔbɔŋ Jehovah ɔmɔdɔŋ mi ye spirit esie.

ISAIAH 49:9

man afo ɔdɔhɔ mbon ŋkpɔkɔbi, ete, Mbufo ewɔŋɔ; ye mmɔ eke edude ke ekim, ete, Eyarare idem mbufo. Mmɔ eyeta mbiet ke ɔkpɔ-usuŋ, mbiet mmɔ eyenyuŋ odu ke kpukpru iferi obot.

ISAIAH 52:7

Ukot owo eti mbuk eye didie ke enyɔŋ ikpɔ obot! ukot owo eke ɔkwɔrɔde emem, eke obukde eti ŋkpɔ, eke ɔkwɔrɔde erinyaŋa; ɔdɔhɔ Zion, ete, Abasi fo ada ubɔŋ! (Kop!)

ISAIAH 52:9

Mbufo mme ŋwure Jerusalem, ebumere ekwɔ uyo kiet: koro Jehovah ɔdɔŋde ikɔt esie esit:

ISAIAH 57:15

Koro emi edi uyo Enye emi okoŋde, onyuŋ emenerede ke enyɔŋ, emi oduŋde ke nsinsi, enyiŋ esie onyuŋ edi edisana, ete, Ami nyeduŋ ke edikoŋ ye edisana ebiet, nyenyuŋ nduŋ ye enye emi otukde onyuŋ ɔsuhɔrede spirit esiemɔ, nte ndemere spirit mmɔ eke esuhɔrede idem mmɔ enim, nnyuŋ ndemere esit mmɔ eke etukde idem mmɔ.

ISAIAH 57:18

Mmokut ido esie, ndien nyekɔk enye: nnyuŋ nda enye usuŋ, nnyuŋ nda emem nnɔ enye ye nditɔ esie emi etuaŋade.

ISAIAH 59:21

Ndien Jehovah ɔdɔhɔ ete, Ama edi ami, emi edi ediomi mi ye mmɔ: spirit mi emi odorode fi ke idem, ye ikɔ mi emi nsinde fi ke inua, idikpɔŋke inua fo, ye inua nditɔ fo, ye inua nditɔ nditɔ fo, ke emi ye ke nsinsi: emi edi uyo Jehovah.

ISAIAH 66:2

Ndien Jehovah ɔdɔhɔ, ete, Ubɔk mi akanam kpukpru ŋkpɔ, ndien kpukpru mmɔ emi edu: ndien nyewuk enyin nse owo emi, kpa eyen ukut, emi esit onyuŋ ɔtuhɔde, emi onyuŋ enyekde abaŋa ikɔ mi.

JEREMIAH 34:8

Uyo emi okoto Jehovah osim Jeremiah ke adaŋemi edidem Zedekiah okodiomide ama ye kpukpru owo eke edude ke Jerusalem, ete ekwɔrɔ uwɔrɔ ufin enɔ mmɔ;

JEREMIAH 52:33

onyuŋ ɔkpuhɔre enye edisine-ŋkpɔ ufɔk ukwak; ndien enye adia ŋkpɔ ke iso esie kpukpru usen uwem esie.

DANIEL 9:24

Edori urua ata ye duop ebaŋa oruk fo, ye edisana obio fo, eke edinamde ndudue okure, edinyuŋ emade idiɔk ido, enyuŋ esiode isop ukwaŋ-ŋkpɔ efep, eke enyuŋ edade nsinsi edinen iso eduk, enyuŋ enimde seal ke ŋkukut ye prophecy, enyuŋ eyetde Ata Edisana ke aran.

HOSEA 6:1

MBUFO edi, nnyin inyɔŋ itiene Jehovah: koro edi enye akawai, ndien enye eyekɔk nnyin: edi enye okoyibi, ndien enye eyebɔp nnyin.

LEVITICUS 7:35

Emi edi udeme Aaron, ye udeme nditɔ esie, eke otode ke mme uwa ikaŋ Jehovah, ke usen eke edade mmɔ esɔk Jehovah, ete eda oku;

MICAH 3:8

Edi odudu emi otode spirit Jehovah, ye ikpe ye uko eyɔhɔ mi ke idem, man ŋwut Jacob idiɔk ido esie, nnyuŋ ŋwut Israel ukwaŋ-ŋkpɔ esie.

MATTHEW 11:5

mme nnan ekut usuŋ, mbon mbuŋɔ esana, enam mbon akpa-mfia esana, mme inan ekop ikɔ, enam mme akpa-mkpa eset, enyuŋ ekwɔrɔ eti mbuk enɔ mme ubuene.

MATTHEW 3:16

Ekem John onyime ɔnɔ Enye. Edi ke ini Jesus akanade baptism ama, kpa idaha oro Enye ɔwɔrɔ ke mmɔŋ ɔdɔk: ndien sese, enyɔŋ eberere ɔnɔ Enye, Enye onyuŋ okut Spirit Abasi ɔsuhɔrede nte ibiom edidoro Enye ke idem;

LUKE 7:22

Ndien Enye ɔbɔrɔ mme isuŋutom oro ete, Eka ekobuk enɔ John se mbufo ekekutde enyuŋ ekopde; ete, mme nnan ekut usuŋ, mbon mbuŋɔ esaŋa, enam mbon akpa-mfia esana, mme inan ekop ikɔ, enam mme akpa-mkpa eset, enyuŋ ekwɔrɔ eti mbuk idaresit enɔ mme ubuene.

JOHN 1:41

Enye ebem iso okut eyen-eka esiemɔ Simon, onyuŋ ɔdɔhɔ enye ete, Nnyin imokut Messiah (oro ɔwɔrɔ ete, Christ).

JOHN 3:34

Koro Enye emi Abasi okosiode ɔdɔŋ etiŋ ikɔ Abasi: koro Abasi idomoke domo Spirit inɔ Enye.

UTOM MME APOSTLE 10:38

Abasi okonim Jesus eyen Nazareth ke Edisana Spirit ye odudu, man enye asaŋa ke ebiet ke ebiet anam ufɔn ɔnɔ owo, onyuŋ anam kpukpru mmɔ emi Satan ɔtuhɔrede ekop nsɔŋidem; koro Abasi odude ye Enye.

UTOM MME APOSTLE 26:18

nte atat mmɔ enyin, man mmɔ ekabare ewɔŋɔ ke ekim, eduk ke uŋwana, ekpɔŋ odudu Satan, etiene Abasi, man mmɔ ebɔ erifen mme idiɔk-ŋkpɔ ye udeme ke otu mmɔ emi enamde mmɔ esana oto ke mbuɔtidem mmɔ ye ami.

UTOM MME APOSTLE 4:27

Koro ke akpanikɔ ke obio emi, Herod ye Pontius Pilate, ye mme Gentile ye mbon Israel, esop idem ɔtɔ kiet ndiŋwana ye Edisana Owo Fo Jesus, emi Afo okonimde ete edi Christ Fo,

2 ŊWED CORINTH 3:17

Edi Ɔbɔŋ edi Spirit; ndien ɔtɔ nte Spirit Ɔbɔŋ odude, ubɔhɔ-ufin etiene odu do ŋko.

2 ŊWED CORINTH 7:6

Edi Abasi emi ɔdɔŋde mbon nsuk-idem esit, ada eridi Titus ɔdɔŋ nnyin esit;

MME HEBREW 1:9

Afo amama se inende, onyuŋ asua se ikwaŋade; Mmɔdo Abasi, kpa Abasi Fo, adade aran idaresit eyet fi akan mme nsaŋa Fo.