ISAIAH 60:2 - Edisana ñwed Abasi Ibom

² Koro, sese, ekim eyefuk ererimbot, ɔkpɔsɔŋ ekim eyenyuŋ ofuk mme idut: edi Jehovah eyesiaha ɔnɔ fi, eyenyuŋ ekut ubɔŋ esie eke odorode fi.

ISAIAH 60:2 ပူးပေါင်းရင်းမြစ်များ

1 NDIDEM 8:11

ndien obubit enyɔŋ oro iyakke mme oku eda enam ŋkpɔ: koro ubɔŋ Jehovah ɔyɔhɔde ke ufɔk Jehovah.

ŊWED MME PSALM 102:16

Koro Jehovah ɔdiɔŋde Zion; enye ɔmɔbiɔŋɔre ke ubɔŋ esie.

ŊWED MME PSALM 80:1

O ANDIBƆK Israel, emi adade Joseph usuŋ nte otu ufene, kpaŋ utɔŋ; emi etiede ke otu mme cherubim, yama.

ISAIAH 2:5

O ufɔk Jacob, mbufo edi, nnyin isaŋa ke uŋwana Jehovah.

ISAIAH 4:5

Ndien ke enyɔŋ ofuri iduŋ obot Zion, ye ke enyɔŋ mme esop esie, ke Jehovah edinam obubit enyɔŋ ye nsuŋikaŋ ke uwemeyo, ye edisak edemikaŋ ke okoneyo: koro ŋkpɔ eyefuhɔ ke ofuri ubɔŋ.

ISAIAH 58:10

afo ama onyuŋ osio ukpɔŋ fo ɔnɔ owo biɔŋ, onyuŋ ɔyuhɔ ukpɔŋ eke ɔtuhɔde; ndien uŋwana fo eyesiaha ke edim, mbubreyo fo eyebiet ufɔt uwem-eyo:

ISAIAH 58:8

Ndien uŋwana fo eyesiaha nte usiere, nsɔŋidem fo eyenyuŋ awara nditibe: ndien edinen ido fo eyebem fi iso; ubɔŋ Jehovah eyenyuŋ asaŋa fi ke edem.

ISAIAH 62:1

NDIDOPKE uyo mbaŋa Zion, ndinyuŋ nnaŋa suŋ mbaŋa Jerusalem, tutu edinen ido esie ɔwɔrɔ nte uyama, ye erinyaŋa esie nte utuenikaŋ eke asakde.

ISAIAH 66:11

man mbufo ewap eba ndɔŋesit esie eyuhɔ: man mbufo enyimi uyuhɔ ubɔŋ esie enyuŋ edat esit.

ISAIAH 8:22

Ndien mmɔ eyewuk enyin ese isɔŋ; ndien sese nnanenyin ye ekim, ekim ukut, eyenyuŋ ebin enye esin ke ɔkpɔsɔŋ ekim.

JEREMIAH 13:16

Mbufo enɔ Jehovah Abasi ubɔŋ, ke ebiet mika-ikimke kaŋa, ke ukot mbufo mika-ituahake ke obot okoneyo, ndien mbufo edori enyin ebet uŋwana, edi enye eyenam enye edi mfut mkpa, onyuŋ esin enye okim eti-eti.

EZEKIEL 10:4

Ndien ubɔŋ Jehovah ɔkpɔŋ cherub oro ɔdɔk ke enyɔŋ asaŋudɔk ufɔk; ndien obubit enyɔŋ ɔyɔhɔ ke ufɔk; uyama ubɔŋ Jehovah ɔyɔhɔ ke okure ŋko-ŋko.

LEVITICUS 9:23

Ndien Moses ye Aaron eduk ke efe esop, ndien ewɔŋɔ ekediɔŋ kpukpru owo ndien Jehovah ayarare ubɔŋ esie ɔnɔ kpukpru owo.

MALACHI 4:2

Ndien utin edinen ido asiaha ɔnɔ mmɔ: se inamde itɔŋ uwem ɔsɔŋɔ onyuŋ odu enye ke mba; ndien mbufo eyewɔŋɔ ekefrɔ nte nditɔ-enaŋ ŋkuhɔ.

NUMBERS 16:19

Korah onyuŋ obon kpukpru mbon esop, man enam ikɔ ye mmɔ, ke usuŋ efe esop: ndien kpukpru mbon esop ekut ubɔŋ Jehovah.

MATTHEW 15:14

Ndien nnan ama ada nnan usuŋ, mmɔ mbiba eyeduɔŋɔ ke ukpe.

MATTHEW 23:19

Mbufo mme nnan: koro ewe okpon akan mme edi enɔ, mme edi itie-uwa emi anamde enɔ edi ibet?

MATTHEW 23:24

Edi mbufo ekpanam mme ŋkpɔ emi, ikponyuŋ itreke ndinam mmɔ eken. Mbufo nnan mme eteme-usuŋ, emi eduhɔrede nsuŋ esio, enyuŋ emen camel.

JOHN 1:1

IKƆ okodu ke eritɔŋɔ, IKƆ okonyuŋ odu ye Abasi, IKƆ onyuŋ edi Abasi.

JOHN 1:14

Ndien IKƆ akabare edi obukidem onyuŋ oduŋ ye nnyin (nnyin inyuŋ ikut ubɔŋ Esie, utɔ ubɔŋ emi ikpɔŋ eyen ɔbɔde ke ubɔk ete) ɔyɔhɔ ye mfɔn ye akpanikɔ.

JOHN 1:18

Akanam baba owo kiet ikwe Abasi; ikpoŋ-ikpɔŋ Eyen emi Abasi obonde, emi odude ke ikpanesit Ete, kpa Enye amayarare Abasi.

JOHN 8:55

ndien mbufo ikɔfiɔkke Enye; edi Ami mmɔfiɔk Enye. Edieke ŋkpɔdɔhɔde nte, Mfiɔkke Enye, nyedi osu-osu nte mbufo: edi Ami mmɔfiɔk Enye, nnyuŋ nnim ikɔ Esie.

UTOM MME APOSTLE 14:16

Ke mme eyo eke ebede Enye akayak kpukpru mme idut esaŋa ke mme usuŋ idem mmɔ.

UTOM MME APOSTLE 17:23

mme andibak mme abasi eti-eti. Koro nte nsaŋade mbe nse mme ŋkpɔ eke mbufo ekponode, ŋkut itie-uwa kiet ŋkɔrɔ do, emi ewetde ke esit ete, EMI ENYENE ABASI EMI OWO MIFIƆKKE. Mmɔdo se mbufo etuakde ibuot enɔ ke unana-ifɔk, kpa oro ke ami ŋkwɔrɔ nnɔ mbufo.

UTOM MME APOSTLE 26:18

nte atat mmɔ enyin, man mmɔ ekabare ewɔŋɔ ke ekim, eduk ke uŋwana, ekpɔŋ odudu Satan, etiene Abasi, man mmɔ ebɔ erifen mme idiɔk-ŋkpɔ ye udeme ke otu mmɔ emi enamde mmɔ esana oto ke mbuɔtidem mmɔ ye ami.

2 ŊWED CORINTH 3:18

Edi kpukpru nnyin imada iso emi mikuihi, imum ubɔŋ Ɔbɔŋ ikama, nte ukuriso omumde ŋkpɔ; ntre ke nnyin ikpuhɔre ibe ikabare inyene mbiet Esie, ikɔrɔ ubɔŋ ke ubɔŋ, kpa nte Ɔbɔŋ emi edide Spirit anamde.

ŊWED MBON COLOSSAE 1:13

emi okosiode nnyin ke odudu ekim, esin ke Obio Ubɔŋ Eyen Ima Esie:

1 PETER 2:9

Edi mbufo edi ubon eke emekde; edi mme oku edidem, edi edisana obio, edi ikɔt eke Abasi onimde ɔnɔ Idem Esie, man mbufo eka ekataŋa mme utibe erinam Esie, emi okokotde mbufo osio ke ekim, esin ke utibe uŋwana esie;