ISAIAH 6:8 - Edisana ñwed Abasi Ibom

⁸ Ndien ŋkop uyo Ɔbɔŋ ɔdɔhɔde, ete, Anie ke ndidɔŋ utom? Anie edinyuŋ aka ŋkpɔ ɔnɔ nnyin? Ndien ndɔhɔ nte, Se mi, dɔŋ mi utom.

ISAIAH 6:8 ပူးပေါင်းရင်းမြစ်များ

GENESIS 1:26

Ekem Abasi ɔdɔhɔ, ete, eyak nnyin inam owo isin ke mbiet nnyin, etie nte nnyin: yak mmɔ enyuŋ ekara iyak ke akamba mmɔŋ, ye inuen ke enyɔŋ, ye ufene, ye ofuri isɔŋ, ye kpukpru mme andinyɔni eke enyɔnide ke isɔŋ.

GENESIS 11:7

Ekam eyak nnyin isuhɔre, inyuŋ itimere usem mmɔ do, man kiet okukop ikɔ kiet eken.

GENESIS 22:1

EDIKEM ke ŋkpɔ oro ama ekebe, Abasi odomo Abraham; ndien ɔdɔhɔ enye, ete, Abraham. Ndien enye ete,

GENESIS 22:11

Ndien angel Jehovah etie ke enyɔŋ okot enye, ete, Abraham, Abraham. Ndien enye ete, Se ami mi.

GENESIS 3:22

Ndien Jehovah Abasi ɔdɔhɔ ete, Sese, owo amakabare edi nte nnyin kiet, ke erifiɔk eti ŋkpɔ ye idiɔk: mmɔdo, mbak enye edinyan ubɔk esie, onyuŋ ada eto uwem ŋko adia, ndien odu uwem ke nsinsi:

2 SAMUEL 1:7

Ndien enye akabare iso ese mi, onyuŋ okot mi, ndien ami ndɔhɔ nte, Se mi mi.

1 NDIDEM 22:20

Ndien Jehovah ɔdɔhɔ enye ete, Anie editap Ahab, man enye ɔdɔk aka ɔkɔduɔ ke Ramoth-gilead? Ndien kiet ɔdɔhɔ ntem, kiet eken onyuŋ ɔdɔhɔ ntem.

ISAIAH 65:1

MMƆ eke mikebupke emebine mi; mmɔ eke mikoyomke mi emekut mi: mmɔdɔhɔ idut eke mikereke enyiŋ mi, nte, Se mi, se mi.

EZEKIEL 1:24

Ndien ŋkop uyo mba mmɔ nte uyom ediwak mmɔŋ, nte uyom Ata Ɔkpɔsɔŋ, ke ini mmɔ esaŋade, uyom mkpo ofut nte uyom nna-ekɔŋ; ke ini mmɔ etuakde eda, mmɔ esuhɔre mba mmɔ.

EZEKIEL 10:5

Ndien ekop uyom mba mme cherubim ke edem okure, ebiet uyo Ata Ɔkpɔsɔŋ Abasi ke ini enye ɔdɔhɔde.

EZEKIEL 9:1

NDIEN enye ofiori mi akwa uyo ke utɔŋ, ete, Yak mmɔ eke ekpemede obio esaŋa ekpere, kpukpru owo ye ŋkpɔ afai mmɔ ke ubɔk.

UTOM MME APOSTLE 20:24

Edi mbatke uwem mi ke ŋkpɔ, man ŋkeme ndifehe mbuba mi mma, nnyuŋ nnam utom oro Ɔbɔŋ Jesus ɔnɔde mi, ete ŋkwɔrɔ gospel mfɔn Abasi.

UTOM MME APOSTLE 22:21

Edi Enye ɔdɔhɔ mi ete, Daha: koro nyedɔŋ fi aka anyan usuŋ eketiene mme Gentile.

UTOM MME APOSTLE 26:19

Mmɔdo, O edidem Agrippa, ŋkɔsɔŋke ibuot ye ŋkukut emi otode ke heaven:

UTOM MME APOSTLE 9:4

ndien enye ɔduɔ ke isɔŋ, onyuŋ okop uyo nte ɔdɔhɔde ete, Saul, Saul, nsinam afo ɔkɔbɔde Mi?

ŊWED MBON EPHESUS 3:8

Ekenɔ mi, emi ŋkpride ŋkan ata andikpri ŋkan ke otu ikɔt Abasi, ufɔn emi, ete ŋkwɔrɔ nnɔ mme Gentile uwak inyene Christ, eke owo mikemeke ndiduŋɔre mma:

1 SAMUEL 3:4

ndien Jehovah okot Samuel: ndien enye ete, Se mi mi.