ISAIAH 6:6 - Edisana ñwed Abasi Ibom

⁶ Ndien owo mme seraphim kiet efe etiene mi, ye mbubek ikaŋ eke enye akadade ufat-ikaŋ osio ke itie-uwa, ke ubɔk esie:

ISAIAH 6:6 ပူးပေါင်းရင်းမြစ်များ

EXODUS 25:38

(Nyuŋ nam) mme udiɔŋ utuenikaŋ esie, ye usin udiɔŋ utuenikaŋ esie, ke ata eti gold.

ISAIAH 6:2

Mme seraphim eda enye ke enyɔŋ: kiet-kiet enyene mba itiokiet-itiokiet; ada iba ofuk iso esie, ada iba ofuk ukot esie, onyuŋ ada iba efe.

JEREMIAH 1:9

Ndien Jehovah anyanare ubɔk esie otuk mi inua. Jehovah onyuŋ ɔdɔhɔ mi, ete, Sese, mmesin fi ikɔ mi ke inua.

EZEKIEL 10:2

Ndien enye eneme ye owo oro esinede linen, onyuŋ ɔdɔhɔ enye, ete, Duk ke ufɔt mme wheel emi esinede ke idak cherub, nyuŋ wobi ebok ikaŋ ke ufɔt mme cherubim yɔhɔ ke ubɔk, sio kasuan ke enyɔŋ obio. Ndien enye adaha ke iso mi aka.

LEVITICUS 16:12

Ndien enye ɔwɔhɔre ebok ikaŋ ke itie-uwa ke iso Jehovah, esin ke ŋkpɔ ufɔp incense ɔyɔhɔ, ndien owobi edifuɔŋ incense eke enuakde emen ɔyɔhɔ ubɔk ada oduk ke edem ukara.

NUMBERS 16:46

Ndien Moses ɔdɔhɔ Aaron ete, Da censer kiet, nyuŋ sio ikaŋ ke itie-uwa sin ke esit, ndien sin incense, nyuŋ sɔp itɔk iwiwa, duk ke otu mbon esop, nyuŋ sio isop nɔ mmɔ: koro iyaresit ɔmɔwɔrɔ Jehovah ke iso: udɔŋɔ ɔmɔtɔŋɔ.

MATTHEW 3:11

Ami nda mmɔŋ nnim mbufo baptism, man ekabare esit: edi Enye emi etienede Mi ke edem enyene odudu akan mi, emi mmendotke ndikama ikpa-ukɔt Esie; Enye eyenim mbufo baptism ke Edisana Spirit ye ikaŋ.

UTOM MME APOSTLE 2:3

Mmɔ enyuŋ ekut mme edeme eke esakde ikaŋ, nte edemede idem edoro mmɔ ke ibuot, edeme kiet ke owo kiet, edeme kiet ke owo kiet.

MME HEBREW 1:14

Nte mmɔ kpukpru idige mme spirit emi esaŋade utom, emi esiode edɔŋ mmɔ ete, enam ŋkpɔ enɔ mmɔ emi edidade erinyaŋa enyene?

MME HEBREW 1:7

Enye onyuŋ ɔdɔhɔ abaŋa mme angel, ete, Enye anam mme angel Esie edi ofim, Onyuŋ anam mme asaŋutom Esie edi edeme-ikaŋ.

MME HEBREW 13:10

Nnyin imenyene itie-uwa eke mmɔ emi esaŋade utom ke Ataya minyeneke unen ndidia ŋkpɔ ke esit.