ISAIAH 6:5 - Edisana ñwed Abasi Ibom

⁵ Ndien ami ndɔhɔ, nte, Mbɔm mi! koro mmakpa: koro ami ndide owo edidehe mkpɔk-inua, nnyuŋ nduŋ ke otu mbon edidehe mkpɔk-inua: koro enyin mi okutde edidem, Jehovah mme udim.

ISAIAH 6:5 ပူးပေါင်းရင်းမြစ်များ

GENESIS 32:31

Ndien utin asiaha ɔnɔ enye nte enye ebede Penuel, enye onyuŋ ɔkɔk isaŋ ke ekikoi esie kiet.

ŊWED MME PSALM 24:10

Anie edi edidem ubɔŋ emi? Jehovah mme udim, enye edi edidem ubɔŋ. [Selah.]

EXODUS 24:10

ndien mmɔ ekut Abasi Israel: ndien ŋkpɔ odu enye ke idak ukot, esem nte ŋkpɔ eke enamde ke sapphire, onyuŋ asana nte idem enyɔŋ.

EXODUS 3:6

Enye onyuŋ ɔdɔhɔ ŋko ete, Ami ndi Abasi usɔ, Abasi Abraham, ye Abasi Isaac, ye Abasi Jacob. Ndien Moses ofuk iso esie: koro enye efehede Abasi ndise.

EXODUS 33:20

Ndien enye ɔdɔhɔ ete, Afo ukemeke ndikut mi iso: koro owo ndomo kiet mikwe mi iso idu uwem.

EXODUS 4:10

Ndien Moses ɔdɔhɔ Jehovah, ete, Mbɔk, Ɔbɔŋ mi, ami ndige owo udɔn-ikɔ, akananam, ye idem ini emi afo ɔdɔhɔde ye owo fo: koro ami ndobide inua, nnyuŋ ndobide edeme.

EXODUS 6:12

Ndien Moses ɔdɔhɔ ke iso Jehovah, ete, Sese, nditɔ Israel ikopke uyo mi; ndien Pharaoh edinam didie ikop uyo mi, emi ndide edut ke inua?

EXODUS 6:30

Ndien Moses ɔdɔhɔ ke iso Jehovah, ete, Sese ami ndi edut ke inua, ndien Pharaoh edinam didie okop ɔnɔ mi?

ISAIAH 24:16

Nnyin itie ke utit ererimbot ikop ikwɔ, ete “Nɔ eti owo ubɔŋ.” Edi ami ndɔhɔ nte, Ɔdiɔk mi, ɔdiɔk mi, ifɔnke fɔn inɔ mi! mbon ŋwo ke ewoŋwo: mbon ŋwo ke ewo ŋwo.

ISAIAH 29:13

Ndien Ɔbɔŋ ɔdɔhɔ ete, koro mbio-obio emi etienede mi ke inua mmɔ, enyuŋ ekponode mi ke mkpɔk-inua mmɔ, edi esit mmɔ ada nsan-nsan ye ami, uteŋe eke mmɔ eteŋede mi onyuŋ akabare edi item owo, ŋkpɔ eke etemede mmɔ: mmɔdo, sese,

ISAIAH 33:17

Enyin fo eyese edidem ke uyai esie; eyekut anyan idut.

ISAIAH 59:3

Koro iyip asabarede mbufo ubɔk, idiɔk ido onyuŋ asabare mbufo nnuenubɔk; mkpɔk-inua mbufo ededɔhɔ nsu, edeme mbufo etetiŋ ukwaŋ-ŋkpɔ.

ISAIAH 64:6

Nnyin kpukpru inyuŋ ibiet ŋkpɔ ndek, kpukpru nti ido nnyin enyuŋ ebiet edidehe ɔfɔŋidem; kpukpru nnyin inyuŋ iyemere nte ikɔŋ; mme idiɔk ido nnyin enyuŋ emen nnyin efep nte ofum.

JEREMIAH 1:6

Ndien ami ndɔhɔ, nte, Aha, Ɔbɔŋ Jehovah! sese, mfiɔkke nditiŋ ikɔ: koro ami ndide eyen-ɔwɔŋ.

JEREMIAH 51:57

Ndien nyenam mbɔŋ mmɔ, ye mme ɔfiɔkŋkpɔ owo mmɔ, ye mme etubom mmɔ, ye ikpɔ owo mmɔ, ye mbon uko mmɔ eŋwɔŋ ekpa: ndien mmɔ eyede nsinsi idap, idinyuŋ idemekede; emi edi uyo edidem, Jehovah mme udim edi enyiŋ esie.

EZEKIEL 12:2

Eyen owo, afo ke oduŋ ke otu ufɔk nsɔŋ-ibuot, emi enyenede enyin eke ekutde, ndien ikwe; enyuŋ enyenede utɔŋ eke ekopde, ndien ikopke: koro mmɔ edide ufɔk nsɔŋ-ibuot.

EZEKIEL 33:31

ndien mmɔ edi ke ɔtɔ fo, kpa nte mbio-obio edide, enyuŋ etie ke iso fo, kpa nte ikɔt mi etiede, mmɔ enyuŋ ekop ikɔ fo; edi inamke mmɔ: koro mmɔ enamde nte mbon-ima ke mkpɔk-inua mmɔ, edi esit mmɔ ebine udori mmɔ.

DANIEL 9:20

Ndien ke adaŋemi ami nsuk ndɔhɔde ikɔ, nnyuŋ mbɔŋ akam, nnyuŋ ntiŋ idiɔk ido mi, ye mme idiɔk ido oruk mi Israel, nnyuŋ nnim mkpe-ubɔk mi ke iso Jehovah Abasi mi, mbaŋa edisana obot Abasi mi:

HABAKKUK 3:16

Ŋkop, ndien nsia oyomo mi; uyom esin mkpɔk-inua mi enyek: mme ɔkpɔ mi etɔŋɔ ndiyap; nyek idem ke itie mi: koro nyetie suŋ mbet ini ukut, ini eke mmɔ emi edidide ekɔŋ ye nnyin edidɔkde edi.

NUMBERS 17:12

Ndien nditɔ Israel edɔhɔ Moses, ete, Sese, nnyin imɔŋ ikpaŋa, nnyin imɔŋ itak, kpukpru nnyin imɔŋ itak.

JUDGES 13:22

Ndien Manoah ɔdɔhɔ ŋwan esie, ete, Nnyin iditreke ndikpa:

JUDGES 6:22

Ndien adaŋemi Gideon okutde ke enye edi angel Jehovah, Gideon ɔdɔhɔ ete, Ahah! Ɔbɔŋ Jehovah! ami mmokut angel Jehovah iso ye iso.