ISAIAH 6:4 - Edisana ñwed Abasi Ibom

⁴ Ndien uyo oro okotde enyeŋe udori-asaŋa-udɔk, nsuŋikaŋ edinyuŋ ɔyɔhɔ ke ufɔk.

ISAIAH 6:4 ပူးပေါင်းရင်းမြစ်များ

2 CHRONICLES 5:13

edikem adaŋemi mme andifuri ye mme andikwɔ, nte owo kiet, enamde uyom ke uyo kiet, ekɔm enyuŋ etoro Jehovah; ke ini mmɔ enyuŋ emenerede uyo edian ye ukorowo, ye cymbal, ye ŋkpɔ-ikwɔ, enyuŋ etorede Jehovah, koro enye ɔfɔnde, koro ima esie edide nsinsi: ndien obubit enyɔŋ ɔyɔhɔ ke ufɔk, kpa ufɔk Jehovah.

ŊWED MME PSALM 18:8

Nsuŋikaŋ oto Enye ke ibuo ɔdɔk, ikaŋ onyuŋ ɔwɔrɔ enye ke inua, ata ŋkpɔ;

EXODUS 40:34

Ndien obubit enyɔŋ ofuk efe esop, ubɔŋ Jehovah onyuŋ ɔyɔhɔ ke ebiet-iduŋ.

EZEKIEL 1:24

Ndien ŋkop uyo mba mmɔ nte uyom ediwak mmɔŋ, nte uyom Ata Ɔkpɔsɔŋ, ke ini mmɔ esaŋade, uyom mkpo ofut nte uyom nna-ekɔŋ; ke ini mmɔ etuakde eda, mmɔ esuhɔre mba mmɔ.

EZEKIEL 10:5

Ndien ekop uyom mba mme cherubim ke edem okure, ebiet uyo Ata Ɔkpɔsɔŋ Abasi ke ini enye ɔdɔhɔde.

EZEKIEL 41:16

ye mme asaŋudɔk, ye mme window eke miberekede, ye mme gallery emi ekande ekuk ke mme deck mmɔ mbita ekem ye asaŋudɔk emi enamde ke obukpɔk ekan ekuk, onyuŋ ɔtɔŋɔde ke isɔŋ tutu osim ke mme window, ndien mme window efuhɔ;

EZEKIEL 44:4

Ekem enye ada mi oduk ke usuŋ edem edere edi ke iso ufɔk, ndien ŋkut, ndien, sese, ubɔŋ Jehovah ɔyɔhɔ ke ufɔk Jehovah: ndien nduɔ ke isɔŋ ŋkubi iso mi.

AMOS 9:1

ŊKOKUT Ɔbɔŋ adade ke edem itie-uwa: ndien enye ɔdɔhɔ mi, ete, Yibi mbuot adaha man mme asaŋ-udɔk enyek, nyuŋ nuak mmɔ duɔk kpukpru ke ibuot; ndien nyewot mme ekpere-edem mmɔ ke ofut: baba owo mmɔ kiet eke otibede itɔk idifeheke: baba owo mmɔ kiet eke eyomde ndibɔhɔ idinyuŋ ibɔhɔke.

ERIYARARE 11:19

Ekem eberere temple Abasi emi odude ke heaven; enyuŋ ekut ekebe ediomi Esie ke temple Esie; ndien emireŋ-mireŋ, ye mme uyo, ye obuma, ye unyek-isɔŋ, ye ɔkpɔsɔŋ edim-itiat etibe.

ERIYARARE 15:8

Ndien temple ɔyɔhɔ ye nsuŋikaŋ eke otode ke ubɔŋ Abasi ye odudu Abasi; baba owo kiet inyuŋ ikemeke ndiduk ke esit temple, tutu ufen itiaba emi angel itiaba oro ekamade ekure.