ISAIAH 57:5 - Edisana ñwed Abasi Ibom

⁵ Ke efiop idem mbufo ke otu mme ofriyo, ke idak kpukpru awawa eto, ke ewot nditɔ-ɔwɔŋ ke mme ebedeŋ ke idak nsiaha ikpɔ itiat?

ISAIAH 57:5 ပူးပေါင်းရင်းမြစ်များ

1 NDIDEM 14:23

Ndien mmɔ enyuŋ enam edikoŋ ebiet ŋko-ŋko, ye mme adaha, ye eto mkpe, ke enyɔŋ kpukpru ŋkokoŋo obot, ye ke idak kpukpru awawa eto.

2 NDIDEM 17:10

mmɔ enyuŋ ewuk, adaha ke idem mmɔ, ye eto-mkpe, ke enyɔŋ kpukpru ŋkokoŋo obot, ye ke idak kpukpru awawa eto:

2 NDIDEM 17:7

Edikem, koro nditɔ Israel ediɔkde ye Jehovah Abasi mmɔ, emi okosiode mmɔ ke isɔŋ Egypt, ye ke idak ubɔk Pharaoh edidem Egypt, ɔdɔk, enyuŋ ebak abasi eŋwen,

2 NDIDEM 23:10

Enye onyun asabara Topheth, emi odude ke ebedeŋ nditɔ Hinnom, man owo baba kiet okunam eyen-eren esie, ye eyen esie aŋwan ebe oduk ke ikaŋ ɔnɔ Molech.

2 CHRONICLES 28:3

Enye onyuŋ ɔfɔp uwa ke itihere eyen Hinnom, onyuŋ ɔfɔp nditɔ esie ke ikaŋ, ekem ye mbubiam ido mme idut oro Jehovah ekebinde ke iso nditɔ Israel efep.

EXODUS 32:6

Ndien mkpɔŋ mmɔ ebak edemere, ekewa edifɔp uwa, enyuŋ eda uwa emen edi; ndien kpukpru owo esuhɔre etie, edia ŋkpɔ enyuŋ eŋwɔŋ, ndien edaha ke enyɔŋ ekebre mbre.

ISAIAH 1:29

Koro mmɔ eyeda but ebaŋa ofriyo emi enemde mbufo esit; mbufo eyenyuŋ ekop esuene ebaŋa iŋ-waŋ esa emi mbufo emekde.

JEREMIAH 17:2

ke ini nditɔ mmɔ etide mme itie-uwa mmɔ, ye mme eto-mkpe mmɔ, ekpere awawa eto, ye ke enyɔŋ ikpɔ obot.

JEREMIAH 2:20

Koro ŋkobuŋde fi ɔkpɔnɔ tutu ko, ŋkonyuŋ ŋkibide fi ŋkpɔkɔbi: ndien afo ɔdɔhɔ ete Ndinamke ŋkpɔ; koro afo ɔsuhɔrede ana nte akpara ke enyɔŋ kpukpru edikoŋ obot, ye ke idak kpukpru awawa eto.

JEREMIAH 3:13

Diɔŋɔ idiɔk ido fo ikpɔŋ-ikpɔŋ: koro afo emedue Jehovah Abasi fo, onyuŋ asuan usuŋ fo ɔnɔ isen owo ke idak kpukpru awawa eto, mbufo inyuŋ ikopke uyo mi, Jehovah ɔdɔhɔ.

JEREMIAH 3:6

Ndien Jehovah ɔdɔhɔ mi ke eyo Josiah edidem, ete, Nte afo omokut se Israel ama-mfiakedem anamde? Enye asaŋa ke enyɔŋ kpukpru ŋkokoŋo obot, ye ke idak kpukpru awawa eto, onyuŋ anam use do.

JEREMIAH 32:35

Mmɔ enyuŋ ebɔp edikoŋ ebiet Baal oro odude ke itihere eyen Hinnom, enyuŋ enam nditɔ-iren mmɔ ye nditɔ-iban mmɔ ebe eduk ke esit ikaŋ enɔ Molech, eke mme ŋkowukke mmɔ, enye mikonyuŋ idukke mi esit: mmɔ enam ido mbubiam emi, man esin Judah enam idiɔk.

JEREMIAH 50:38

Eyo ada ke mmɔŋ esie, ndien mmɔ esat: koro enye edide isɔŋ ndisɔi mbiet, ndem ndik mmɔ enyuŋ esin mmɔ edama idat.

JEREMIAH 51:7

Babylon ekedi cup o-gold ke ubɔk Jehovah, eke esinde ofuri ererimbot eŋwɔŋ ekpa: mme idut ekeŋwɔŋ wine esie; mmɔdo mme idut edamade idat.

JEREMIAH 7:31

Mmɔ ema enyuŋ ebɔp ŋkokoŋo ebiet o-Topheth emi odude ke itihere eyen Hinnom, enyuŋ efɔp nditɔ-iren mmɔ ye nditɔ-iban mmɔ ke ikaŋ; emi mme -ŋkowukke mmɔ, mikonyuŋ idukke mi ke esit.

EZEKIEL 16:20

Afo onyuŋ ada nditɔ-iren fo ye nditɔ-iban fo emi afo akamande ɔnɔ mi, awa ɔnɔ mmɔ, ete edia. Nte use fo ama ekpri akan?

EZEKIEL 20:26

nnyuŋ nsabare mmɔ ke mme enɔ mmɔ, ke ini mmɔ edade kpukpru se isirerede itie-eyen esɔk mi, man mbiat mmɔ, kpaŋ mmɔ ekpefiɔk ete ke ami ndi Jehovah.

EZEKIEL 20:28

Ami nnyuŋ nda mmɔ nduk ke isɔŋ emi ŋkemenerede ubɔk mi, nte ke nyeda enye nnɔ mmɔ, ndien mmɔ ekut kpukpru edikoŋ obot, ye kpukpru mfuhɔ eto, ndien ewa mme uwa mmɔ do ndien do ke mmɔ enɔ enɔ mmɔ eke esinde iyaresit: enyuŋ enim do edinem utebe mmɔ, enyuŋ eŋwaŋa do ediŋwɔŋ uwa mmɔ.

EZEKIEL 20:31

Ndien ke ini mbufo emende enɔ mbufo esɔk mi, ke erinam nditɔ mbufo ebe eduk ke ikaŋ, mbufo esabare idem mbufo ke kpukpru ibɔk mbufo tutu ɔsim mfin emi: ndien nte ndiyak ebup mi ŋkpɔ enɔ mbufo, O ufɔk Israel? Ɔbɔŋ Jehovah ɔdɔhɔ, ete, Ma uwem mi, ndiyakke ebup mi enɔ mbufo.

EZEKIEL 6:13

Ndien mbufo eyefiɔk ete ke ami ndi Jehovah, ke adaŋemi owo mmɔ emi ekpaŋade enade ke ufɔt mme ibɔk mmɔ, ekan mme itie-uwa mmɔ ekuk, ke enyɔŋ kpukpru ŋkokoŋo obot, ke ibuot kpukpru ikpɔ obot, ye ke idak kpukpru awawa eto, ye ke idak kpukpru edibaŋ ofriyo, ebiet emi mmɔ ekefɔpde edinem incense do enɔ kpukpru mme ibɔk mmɔ.

LEVITICUS 18:21

Kunyuŋ uda ubon fo unɔ Molech man ebe oduk (ke ikaŋ), kunyuŋ ubiat enyiŋ Abasi fo: ami ndi Jehovah.

NUMBERS 25:6

Ndien, sese, owo Israel kiet ada ŋwan a Midian kiet etiene nditɔ ete esie ke iso Moses, ye ke iso ofuri esop nditɔ Israel, emi etuaŋade eyet ke enyin-usuŋ efe esop.

DEUTERONOMY 12:2

Mbufo etim esobo kpukpru ebiet eke mme idut emi mbufo edidade, enamde ido mme abasi mmɔ, ke enyɔŋ ŋkokoŋo obot, ye ke enyɔŋ ŋkpri obot, ye ke idak kpukpru awawa eto:

ERIYARARE 18:3

koro kpukpru mme idut ekeŋwɔŋ wine ifuresit use esie; ndidem isɔŋ ekenyuŋ enam use ye enye, mbon-urua isɔŋ ema enyuŋ ekabare eforo oto ke uwak edinem ido esie.