ISAIAH 57:3 - Edisana ñwed Abasi Ibom

³ Ama edi mbufo, nditɔ ŋwan idiɔŋ, ubon ŋwan efibe, ye eke akpara, esaŋa ekpere ken.

ISAIAH 57:3 ပူးပေါင်းရင်းမြစ်များ

GENESIS 3:15

eyenyuŋ adia ntɔŋ ke ofuri ini uwem fo: nyenyuŋ nsin usua ke ufɔt fo ye ŋwan, ye ke ufɔt ubon fo ye ubon esie: enye eyenuak fi ibuot, afo eyenyuŋ anuak enye nditiŋ-ikpat.

ISAIAH 1:21

Anam didie obio akpanikɔ akabare edi akpara! se inende ɔkɔyɔhɔ ke esit; eti ido ɔkɔduŋ ke esit; edi ke emi mme owot-owo.

ISAIAH 1:4

Ɔdiɔk ɔnɔ idut emi anamde idiɔk, mbio emi ebiomde idiɔk ido, ubon mme oburobut owo, nditɔ emi ekabarede ediɔk! Mmɔ emekpɔŋ Jehovah, emesin Edisana Abasi Israel ke ndek, emekabare efiak edem.

ISAIAH 45:20

Mbufo mbio mme idut eke ebɔhɔde, esop idem edi; esaŋa ɔtɔ kiet ekpere; mmɔ eke ebiomde eto edisɔi mbiet mmɔ, enyuŋ enamde mkpe ubɔk enɔ Abasi eke mikemeke ndinyaŋa, ifiɔkke ŋkpɔ.

ISAIAH 48:16

Mbufo esaŋa ekpere mi, ekop ŋkpɔ emi: ŋkɔdɔhɔke ke ndibe ke eritɔŋɔ; toto nte enye okodu, ami ndu do; ndien ke emi Ɔbɔŋ Jehovah ɔmɔdɔŋ mi ye spirit esie.

ISAIAH 57:7

Afo omonim mkpana fo ke enyɔŋ edikoŋ ye akamba obot: omonyuŋ ɔdɔk do aka ndiwa uwa.

ISAIAH 58:2

Ndien mmɔ eyeyom mi kpukpru usen, ifiɔk usuŋ mi eyenyuŋ enem mmɔ esit, nte idut eke anamde edinen ido, minyuŋ ikpɔŋke ikpe Abasi mmɔ. Mmɔ eyebeŋe mi mme ikpe eke enende: eritiene Abasi eyenem mmɔ esit.

JEREMIAH 3:6

Ndien Jehovah ɔdɔhɔ mi ke eyo Josiah edidem, ete, Nte afo omokut se Israel ama-mfiakedem anamde? Enye asaŋa ke enyɔŋ kpukpru ŋkokoŋo obot, ye ke idak kpukpru awawa eto, onyuŋ anam use do.

JEREMIAH 3:9

Ndien edikem enye asabare isɔŋ ke oburobut use esie, onyuŋ esin efibe ye itiat ye eto.

HOSEA 1:2

Eritɔŋɔ ikɔ emi ke Jehovah akada Hosea etiŋ. Ndien Jehovah ɔdɔhɔ Hosea, ete, Ka kada ŋwan efibe ye nditɔ efibe ke idem fo: koro isɔŋ emi esinde ata efibe onyuŋ ɔkpɔŋde Jehovah.

HOSEA 2:4

Ndinyuŋ ntuaha nditɔ esie mbɔm: koro mmɔ edide nditɔ use.

HOSEA 2:6

Mmɔdo, sese ami nyeda ŋkukim nsiri usuŋ fo, nnyuŋ mbɔp ibibene, ndien enye idikwe usuŋ esie.

MALACHI 3:5

Ndien ami nyesaŋa ŋkpere mbufo ke ikpe, nnyuŋ nnim owowo ntiense mbaŋa mbia-idiɔŋ ye mme esin efibe, ye mmɔ eke eŋwɔŋɔde nsu, ye mmɔ eke etukde anam-utom ke utip esie, etuk ebe-akpa ye eyen-akpa, emi enyuŋ efikde esen owo, ndien mibakke mi, Jehovah mme udim ɔdɔhɔ.

MATTHEW 12:34

Mbufo ubon urukikɔt, mbufo emi ediɔkde ekeme didie nditiŋ nti ŋkpɔ? Koro oto ke uyɔhɔ esit ke inua osio etiŋ.

MATTHEW 16:4

Emana eke ediɔkde enyuŋ esaŋade esin efibe eyom idiɔŋɔ; ndien idinɔŋɔ mmɔ baba idiɔŋɔ kiet, ibɔhɔke idiɔŋɔ Jonah. Ekem Enye ɔkpɔŋ mmɔ adaha.

MATTHEW 23:33

Mbufo mme urukikɔt, mbufo nditɔ ibɔm, edisaŋa didie ebɔhɔ ikpe hell?

MATTHEW 3:7

Edi ke ini enye okutde ediwak mme Pharisee ye mme Sadduccee edide edina baptism ke ubɔk esie, enye ete mmɔ, Mbufo nditɔ urukikɔt, anie eketeme mbufo efeŋe ebɔhɔ iyaresit eke edide?

LUKE 3:7

Ntre ke enye ɔdɔhɔ mme otu owo emi ewɔŋɔde edi edina baptism ke ubɔk esie, ete, Mbufo nditɔ urukikɔt, anie eketeme mbufo efeŋe ebɔhɔ iyaresit eke edide?

JAMES 4:4

Mbufo iban ŋka-owo, nte mbufo ifiɔkke ite, eridi ufan ye ererimbot edi eridi usua ye Abasi? mmɔdo owo ekededi eke oyomde ndidi ufan ye ererimbot anam idem usua ye Abasi.

1 JOHN 3:10

Eda emi eyarare efiɔk nditɔ Abasi ye nditɔ Satan; baba owo kiet eke minamke edinen ido idige eke Abasi, ndien edi ntre ye owo emi mimaŋa eyen-ete esie.