ISAIAH 57:2 - Edisana ñwed Abasi Ibom

² Enye eyeduk ke ifure: mmɔ eyeduɔk odudu ke mkpana mmɔ, kpa owo eke eneŋerede asaŋa.

ISAIAH 57:2 ပူးပေါင်းရင်းမြစ်များ

GENESIS 17:1

NDIEN adaŋa emi Abram osimde isua anaŋ ye efurenaŋ, Jehovah owut Abram idem esie, ete enye, Ami ndi Abasi Ibom, saŋa ke iso mi, nyuŋ fɔn ma.

2 CHRONICLES 16:14

Ndien mmɔ ebuk enye ke udi esiemɔ, emi enye okotibide ɔnɔ idem esie ke obio David, enyuŋ enim enye ke bed emi kpukpru oruk ufuɔŋkpɔ abuahade ke usɔ ubuak-ufuɔŋkpɔ ɔyɔhɔde ke esit; ndien mmɔ efɔp ŋkpɔ eti-eti enɔ enye.

ŊWED JOB 3:17

Do ke mme idiɔk-owo etre afanikɔŋ; do ke mme akpa-mba enyuŋ eduɔk odudu:

ŊWED MME PSALM 37:37

Tiŋ enyin ke owo eke ɔfɔnde ama, nyuŋ se edinen owo: koro (eti) utit anade ɔnɔ owo emem.

ECCLESIASTES 12:7

Ndien ntan eyefiak ke ntan, kpa nte ekedide: spirit eyefiak etiene Abasi emi ɔkɔnɔde enye.

ISAIAH 14:18

Kpukpru ndidem mme idut, kpukpru mmɔ, ena ke ubɔŋ, kiet kiet ke ufɔk mmɔ:

ISAIAH 26:7

Usuŋ edinen owo enenen: Afo Edinen eyediɔŋ ɔkpɔ-usuŋ edinen owo.

JEREMIAH 6:16

Ntem ke Jehovah ɔdɔhɔ ete, Mbufo eda ke mme usuŋ, enyuŋ ese, enyuŋ ebup ebaŋa mme ɔkpɔ-usuŋ eset, ete, Eti usuŋ, enye? ndien mbufo esaŋa ke esit, enyuŋ ekut nduɔk-odudu ukpɔŋ mbufo. Edi mmɔ edɔhɔ ete, “Nnyin idisaŋake.”

EZEKIEL 32:25

Mmɔ enim bed enɔ enye ye ofuri otu owo esie ke otu mmɔ emi ekewotde: mme udi esie ekan enye ekuk: kpukpru mmɔ edi mbon edut emi ekekimde ke ofut: koro enamde owo edikhe mmɔ ke isɔŋ mme odu uwem, ndien mmɔ eyebiom esuene mmɔ ye mmɔ emi esuhɔrede ke obube: enim enye ke otu mmɔ emi ekewotde.

DANIEL 12:13

Edi afo ka okuo tutu osim ke utit: ndien afo eyeduɔk odudu, onyuŋ ada ke udeme fo ke utit mme usen.

MATTHEW 25:21

Ɔbɔŋ esie ete, Omotim anam, afo eti asaŋutom ye owo akpanikɔ: akanam akpanikɔ ke se miwakke; nyenim fi ekpeme ediwak ŋkpɔ; duk ke idara ɔbɔŋ fo.

LUKE 1:6

Mmɔ mbiba enyuŋ edi edinen ke enyin Abasi, esaŋa ke kpukpru mbet ye mme ewuhɔ Jehovah, enana ndo.

LUKE 16:22

Ekem ebeŋe-ebeŋe oro akpa, ndien mme angel emen enye ekonim ke ikpanesit Abraham. Owo inyene oro onyuŋ akpa ŋko, ndien ebuk enye.

LUKE 2:29

Ke emi, O; Obɔŋ, Afo ke ayak owo Fo ɔnyɔŋ ke ifure, Nte Afo ɔkɔdɔhɔde;

LUKE 7:50

Edi Jesus ɔdɔhɔ ŋwan oro ete, Mbuɔtidem fo ama anyaŋa fi; nyɔŋ, koduk ke emem.

2 ŊWED CORINTH 5:1

KORO nnyin imɔfiɔk ite, edieke ataya eke idaŋde ke esit ke isɔŋ emi owurede, imenyene ufɔk eke Abasi ɔnɔde, eke midaha ubɔk owo ibɔp, eke ebigide ke nsinsi ke heaven.

2 ŊWED CORINTH 5:8

Ŋkɔm ikokop isɔŋ-esit, onyuŋ odu nnyin ke udɔŋ akan ndidaha ŋkpɔŋ ikpɔhidem ŋkodu ye Ɔbɔŋ.

ŊWED MBON PHILIPPI 1:23

Ekikere asiaha mi iba; ɔdɔŋ mi ndidaha nnyɔŋ ŋkodu ye Christ, koro edi oro otim ɔfɔn akan:

ERIYARARE 14:13

Ekem ŋkop uyo emi otode ke heaven ɔdɔhɔ ete, Wet ete, Ɔfɔfɔn ɔnɔ mme akpa-mkpa emi ekpade ke Ɔbɔŋ, ɔtɔŋɔde ke ini emi: Spirit ete, Edi ntre; man mmɔ eduɔk odudu ke ɔkpɔsɔŋ utom mmɔ; koro se mmɔ ekenamde etiene mmɔ ke edem.