ISAIAH 56:3 - Edisana ñwed Abasi Ibom

³ Ndien kuyak eyen idut eke adiande idem ye Jehovah ɔdɔhɔ ete, Jehovah amadianare mi ke ikɔt esie efep; eunuch okunyuŋ ɔdɔhɔ ete, Sese, ami ndi edisat eto.

ISAIAH 56:3 ပူးပေါင်းရင်းမြစ်များ

2 CHRONICLES 6:32

Ndien ŋko, ama edi esen owo eke midige ikɔt fo Israel, edi oto ke anyan idut abaŋa akwa enyiŋ fo, ye ɔkpɔsɔŋ ita fo, ye edimenere ubɔk fo; mmɔ ema edi edibɔŋ akam ke ufɔk emi:

ESTHER 9:27

enyuŋ enim enɔ idem mmɔ, ye ubon mmɔ, ye kpukpru owo eke edidiande idem ye mmɔ, ete ekutre ndinim usen mbiba emi, nte asaŋade ke ŋwed mmɔ, ye ini emi mmɔ edoride kpukpru isua;

ISAIAH 14:1

KORO Jehovah eyedɔŋ Jacob esit, onyuŋ ɔtɔŋɔ ntak emek Israel, onyuŋ onim mmɔ ke isɔŋ mmɔ: ndien isen owo eyedian idem ye mmɔ, enyuŋ esop idem mmɔ ye ufɔk Jacob.

ISAIAH 39:7

Baba ŋkpɔ kiet idisuhɔke. Ndien mmɔ eyeda ndusuk nditɔ fo, eke editode fi ke idem, eke afo edibonde, efep; ndien mmɔ eyedi eunuch ke ufɔk edidem Babylon.

ISAIAH 56:5

Nyeda ŋkpɔ eriti ye enyiŋ eke efɔnde ekan eke nditɔ-iren ye nditɔ-iban, nnɔ mmɔ ke ufɔk mi, ye ke esit ibibene mi: nyenɔ mmɔ nsinsi-enyiŋ eke midisibeke ifep.

ISAIAH 56:6

Ndien ama edi nditɔ isen owo ŋko emi ediande idem ye Jehovah, enyuŋ enamde ŋkpɔ esie, enyuŋ emade enyiŋ Jehovah, enyuŋ edide ikɔt esie: kpukpru mmɔ eke enimde sabbath, mbak edibiat enye, enyuŋ emumde ediomi mi ekama:

JEREMIAH 50:5

Mmɔ eyebup ebaŋa Zion, ekabare iso esin ke usuŋ eke akade do, ete, Mbufo edi ndien nnyin iyedian idem ye Jehovah, ke nsinsi ediomi eke midifreke.

LEVITICUS 21:20

mme ekuŋ, mme isɔ-isɔ owo, mme odoro okpot, mme atak mfat, mme owo mkpɔk, mme anuaha nsen;

LEVITICUS 25:45

Ndien ama onyuŋ edi nditɔ mme oduduŋ eke eduŋde ye mbufo, mmɔ ke mbufo edidep, ye oruk mmɔ eke edude ye mbufo, eke mmɔ ekebonde ke isɔŋ mbufo: mmɔ edinyuŋ edi se mbufo edinyenede.

ZEPHANIAH 2:11

Jehovah enyene ndik akan mmɔ: koro enye eyesobo kpukpru mme abasi ererimbot; ndien kpukpru mme isuo mme idut eyetuak ibuot enɔ enye, kpukpru owo ke ebiet mmɔ.

NUMBERS 18:4

Ndien yak mmɔ edian idem ye afo enyuŋ ekpeme se ekpekpemede ke efe esop, ke ofuri utom efe oro: ndien esen owo okusaŋa ekpere mbufo.

NUMBERS 18:7

Edi afo ye nditɔ fo ŋko edikpeme ndinam utom idaha oku mbufo, ke kpukpru ŋkpɔ itie-uwa, ye ke edem ukara; mbufo enyuŋ enam ŋkpɔ: mmada idaha oku nnɔ mbufo ke utom enɔ: ndien esen owo eke asaŋade ekpere enyene ndikpa.

UTOM MME APOSTLE 10:34

Ndien Peter atat inua esie ete,

UTOM MME APOSTLE 17:4

Ndusuk owo enyime, enyuŋ edian idem ye Paul ye Silas; ekɔrɔ ye ediwak mme Greek emi ebakde Abasi ye ediwak ikpɔ iban.

UTOM MME APOSTLE 18:7

Ndien enye adaha ɔkpɔŋ mmɔ ekekpep ŋkpɔ ke ufɔk owo kiet emi ekerede Titus Justus emi onyuŋ abakde Abasi, ufɔk esie onyuŋ ada adiana synagogue.

ŊWED MBON ROME 15:16

ŋkpedi asaŋa-utom Christ Jesus nnɔ mme Gentile, ŋkpe-nyuŋ ŋkama gospel nte oku Abasi, man oto do eriwa mme Gentile akpakabare edi se Abasi adarade ndibɔ, sia Edisana Spirit ama anam enye asana.

1 ŊWED CORINTH 6:17

Edi owo eke adiande idem ye Ɔbɔŋ edi spirit kiet ye Enye.

ŊWED MBON EPHESUS 2:12

ete, mbufo ikasaŋake ŋkpɔ ye Christ ke ini oro, ikonyuŋ inyeneke udeme ke obio Israel, inyuŋ idi isen ye mme ediomi eke edade mme uŋwɔŋɔ Abasi edi; inyeneke idori-enyin, inyuŋ ifiɔkke Abasi ke ererimbot.

ŊWED MBON EPHESUS 2:22

Ke Enye ke ekobɔp mbufo nde esin do, ete edi itie-iduŋ Abasi ke Spirit.

DEUTERONOMY 23:9

Ke adaŋemi mbon ekɔŋ ewɔŋɔde eka ekɔŋ ye mme asua fo, kpeme idem fo ke kpukpru idiɔk.

1 PETER 1:1

PETER, emi edide apostle Jesus Christ, ewet ŋwed emi ɔnɔ esɔk mmɔ emi esuanade eduŋɔ ke Pontus ye Galatia ye Cappadocia ye Asia ye Bithynia;