ISAIAH 54:4 - Edisana ñwed Abasi Ibom

⁴ Kufehe: koro but midinamke fi; kunyuŋ uyak nsia oyomo fi: koro afo mudukwe esuene: koro afo eyefre but uyen fo; udunyuŋ utihi aba itie-ebe-akpa fo.

ISAIAH 54:4 ပူးပေါင်းရင်းမြစ်များ

ŊWED JOB 11:16

Koro afo eyefre ukut fo, onyuŋ eti enye nte mmɔŋ eke ekebede aka;

ISAIAH 25:8

Enye eyemen mkpa ke nsinsi; Ɔbɔŋ Jehovah onyuŋ ɔkwɔhɔre kpukpru iso mmɔŋ eyet efep; eyenyuŋ osio esuene ikɔt esiemɔ ke ofuri ererimbot efep: koro edi Jehovah ɔdɔhɔ.

ISAIAH 29:22

Mmɔdo ntem ke Jehovah, emi akafakde Abraham, ɔdɔhɔ ye ufɔk Jacob, ete, But idinamke aba Jacob, iso esie idinyuŋ ikabakede aba idi afai.

ISAIAH 4:1

NDIEN ke usen oro iban itiaba eyemum erenowo kiet, ete, Nnyin iyedia udia idem-nnyin, inyuŋ isine edisine-ŋkpɔ idem nnyin, edi yak eda enyiŋ fo ikpɔŋ esio nnyin: men nnyin but ke idem fep.

ISAIAH 41:10

Kudige, koro ami ndude ye afo: kunyek idem, koro ami ndide Abasi fo: nyesɔŋɔ fi idem; nditreke ndinyaŋa fi; nditreke ndimum fi ŋkama ke edinen ubɔk nnasia mi.

ISAIAH 41:14

Kufehe, afo Jacob utuŋ, ye mbufo mbio Israel; Jehovah ɔdɔhɔ ete, Ami mmaŋwam fi; ndien andifak fi edi Edisana Abasi Israel.

ISAIAH 50:7

Ndien Ɔbɔŋ Jehovah eyenyaŋa mi; mmɔdo nsia miyomoke mi: mmɔdo ŋkonimde iso mi nte itiat a fransi, ndien mmɔfiɔk nte ke but idinamke mi.

ISAIAH 51:7

Ekop uyo mi, mbufo emi efiɔkde eti ido, mbio emi mbet mi odude mmɔ ke esit; mbufo ekufehe esuene owo, nsia okonyuŋ oyomo mbufo abaŋa isuŋi mmɔ.

ISAIAH 54:14

Eti ido eyenam fi ɔsɔŋɔ ada: nyomo-nsia eyeyom usuŋ ye afo: koro afo mududikheke; afo eyeyom usuŋ ke akpakop ndik: koro enye midisaŋake ikpere fi. Sese, mmɔ eyesop idem, edi itoho ye ami.

ISAIAH 61:7

Ke ibuot but mbufo eyekut ikaba; ndien ke ibuot esuene mmɔ eyedara ke udeme mmɔ: mmɔdo ke isɔŋ mmɔ ke mmɔ edida ikaba enyene: nsinsi idaresit eyenyene mmɔ.

ISAIAH 65:16

eke owo eke edidiɔŋde idem esie ke isɔŋ edidade Abasi akpanikɔ ɔdiɔŋ; ye owo eke ediŋwɔŋɔde ke isɔŋ edidade Abasi akpanikɔ ɔŋwɔŋɔ; koro emefre akpa ndutuhɔ: koro mmɔ enyuŋ edibede mi ke enyin.

JEREMIAH 31:19

Ŋkɔm, ke adaŋemi ŋkabarede, ntua mkpɔfiɔk: ndien ke adaŋemi esiande mi, nyibi ifuhi mi: but ye ndutime enam mi: koro mbiomde esuene uyen mi.

ŊWED ESEME 1:1

OBIO emi akawakde owo anam didie etie ikpɔŋ! Enye emi okokponde ke otu mme idut akabare edi ebe-akpa! Ɔbɔŋ-aŋwan ke otu mme esien akabare otomo utomo!

EZEKIEL 16:22

Ndien ke kpukpru mbubiam ŋkpɔ fo, ye use fo, afo utihi mme usen uyen fo, ke ini afo ekedide iferi ye ikpikpu, onyuŋ amiaŋade ke iyip fo.

EZEKIEL 16:43

ntre ke ami nditie suŋ, ndinyuŋ nyatke aba esit. Koro afo mutihi usen uyen fo, edi ɔtɔhɔ ye ami ke kpukpru ŋkpɔ emi; ndien, sese, ami ŋko nyeda usuŋ fo ndori fi ke ibuot, Ɔbɔŋ Jehovah ɔdɔhɔ; ndien afo udunyuŋ unamke oburobut ido emi ukɔrɔ ke kpukpru mbubiam fo.

EZEKIEL 36:15

Ndinyuŋ nyakke aba fi okop esuene mme idut, udunyuŋ ubiomke aba isuŋi mme obio; mbio fo idinyuŋ iduɔhɔ aba. Uyo Ɔbɔŋ Jehovah edi emi.

JOEL 2:21

O isɔŋ, kufehe, mbufo edara enyuŋ ebre: koro Jehovah anamde ikpɔ ŋkpɔ.

ZEPHANIAH 3:11

Ke usen oro but idinamke fi ibaŋa kpu-kpru ido fo emi afo ekeduede mi: koro ke ini oro nyesio mbon iseri emi eburede mbure ke otu mbufo mfep: ndien afo udutɔŋɔke aba ntak utaŋ idem ke edisana obot mi.

ZECHARIAH 10:6

Nyenyuŋ nnam ufɔk Judah ɔsɔŋ, nnyuŋ nyaŋa ufɔk Joseph, nnyuŋ nyak mmɔ eduŋ: koro mmatua mmɔ mbɔm: ndien mmɔ eyetie kpa nte ŋkpɔ eke mmeŋkemenke mmɔ nduɔk: koro ami ndide Jehovah Abasi mmɔ, ami nyenyuŋ nyere mmɔ.

1 PETER 2:6

Koro ewet ntem ke Ŋwed Abasi, ete, Sese, mmonim akwa Itiat ke Zion, Edimek Itiat, ɔsɔŋ-urua Itiat inuk; Owo eke ɔbuɔtde idem ye Enye ididiaha but.