ISAIAH 53:9 - Edisana ñwed Abasi Ibom

⁹ Mmɔ enim udi esie ye mme idiɔk owo, edi enye odu ye owo inyene ke mkpa esie; koro enye mikanamke baba afai, abiaŋa mikonyuŋ iduhe enye ke inua.

ISAIAH 53:9 ပူးပေါင်းရင်းမြစ်များ

1 ŊWED CORINTH 15:4

enyuŋ enam Enye eset ke mkpa ke ɔyɔhɔ usen ita, nte asaŋade ekekem ye se ŋwed Abasi ɔdɔhɔde:

2 ŊWED CORINTH 5:21

Abasi akanam Enye emi mikɔfiɔkke idiɔk-ŋkpɔ akabare edi idiɔk-ŋkpɔ ke ntak nnyin; man nnyin ikabare idi edinen ido Abasi ke Enye.

MME HEBREW 4:15

Koro nnyin minyeneke Akwa Oku eke mikemeke nditiene nnyin ŋkut mmem-idem nnyin; edi Akwa Oku emi okokutde idomo ke kpukpru nde kpa nte nnyin, edi minyeneke idiɔk-ŋkpɔ.

MME HEBREW 7:26

Emi edi oruk Akwa Oku emi ekemde ye nnyin, emi asanade, minyeneke ŋkari, minyuŋ iduehe, emi misaŋake ye mme anam-idiɔk, emi ema enyuŋ emen enim okoŋ akan mme heaven;

1 PETER 2:22

Enye ikanamke idiɔk-ŋkpɔ, akanam inyuŋ ikwe Enye abiaŋa ke inua.

1 JOHN 3:5

Ndien mbufo efiɔk ete ekesio Enye enim, man emen mme idiɔk-ŋkpɔ efep; ndien idiɔk-ŋkpɔ iduhe Enye ke idem.