ISAIAH 52:8 - Edisana ñwed Abasi Ibom

⁸ uyo mbon ukpeme fo! mmɔ emenere uyo, efiori uyo kiet: koro mmɔ eyekut enyin ke enyin, ke ini Jehovah afiakde ke Zion.

ISAIAH 52:8 ပူးပေါင်းရင်းမြစ်များ

ŊWED MME PSALM 102:22

ke ini mme idut esopde ke ɔtɔ kiet, ye mme obio, man enam ŋkpɔ Jehovah.

IKWƆ SOLOMON 3:3

Mbon-ukpeme emi ekanarede obio ekut mi. (Ndɔhɔ) nte “Mme mbufo ema ekut enye emi ukpɔŋ mi amade?”

IKWƆ SOLOMON 5:7

Mbon-ukpeme emi ekanarede obio, ekut mi, etɔ mi enɔ mi unan; mmɔ eke ekpemede ibibene ebɔ mi ufuhɔ-iso mi.

ISAIAH 24:14

Mmɔ eyemenere uyo mmɔ ke enyɔŋ, ekwɔ, ubom Jehovah eyesin mmɔ eke edude ke inyaŋ efiori.

ISAIAH 26:1

NDIEN ke usen oro mmɔ eyekwɔ ikwɔ emi ke isɔŋ Judah, ete, Nnyin imenyene ɔkpɔsɔŋ obio; Abasi onim erinyaŋa ke ibibene ye ɔkɔ ekɔŋ.

ISAIAH 27:2

Ke usen oro, mbufo ekwɔ ebaŋa vine ntem:

ISAIAH 30:26

Ndien uŋwana ɔfiɔŋ eyebiet uŋwana utin, uŋwana utin eyenyuŋ aka iso utim ikatiaba, ebiet uwemeyo itiaba, ke usen eke Jehovah edibɔpde unan ikɔt esiemɔ, edinyuŋ ɔkɔkde ufen eke emiade mmɔ.

ISAIAH 35:10

ndien mmɔ eke Jehovah akafakde eyefiak edi ke Zion ekwɔ ikwɔ, nsinsi idaresit onyuŋ ayara mmɔ ke ibuot: mbre ye idaresit eyesim mmɔ, mfuhɔ ye eseme eyefeŋe.

ISAIAH 40:9

Afo Zion emi obukde eti mbuk, dɔk ke edikoŋ obot; O Jerusalem emi obukde eti mbuk, sɔŋɔ menere, uyo fo; menere, kudige; dɔhɔ mme obio Judah, ete, Se Abasi mbufo!

ISAIAH 48:20

Mbufo eto ke Babylon ewɔŋɔ, ebɔhɔ ke otu mme Chaldean, esio mkpo idara, etiŋ emi, ebuk enye, ekwɔrɔ enye tutu osim ke utit ererimbot; mbufo edɔhɔ, ete, Jehovah amafak owo esie Jacob.

ISAIAH 56:10

Mbon ukpeme esie kpukpru edi nnan; ifiɔkke, kpukpru mmɔ edi ebua imum, ikemeke ndikpɔi; ke edaba ndap, ke esuhɔre ena, ke ema ndide idap.

ISAIAH 58:1

SIORO uyo ke itɔŋ fiori, kumum idem, menere uyo fo nte ukorowo, nyuŋ tiŋ idiɔk ido ikɔt mi nɔ mmɔ, tiŋ mme oburobut ido ufɔk Jacob nɔ mmɔ.

ISAIAH 62:6

Mmonim mbon-ukpeme ke enyɔŋ ibibene fo, O Jerusalem, mmɔ ididopke uyo baba ke ofuri uwemeyo, ye ke ofuri okoneyo, mbufo emi etide Jehovah ŋkpɔ, ekutie suŋ,

JEREMIAH 31:12

Ndien mmɔ eyedi edikwɔ ke obot Zion, enyuŋ ebuŋɔ edi ke mfɔn Jehovah: ebaŋa ibokpot ye obufa wine, ye aran, ye nditɔ ŋkpri ufene, ye nditɔ enaŋ: ndien ukpɔŋ mmɔ eyebiet iŋwaŋ eke ɔŋwɔŋde mmɔŋ; ndien mmɔ idiyemekede aba.

JEREMIAH 32:39

nyenyuŋ nnɔ mmɔ esit kiet ye usuŋ kiet, man ebak mi kpukpru ini, man ɔfɔn ye mmɔ ye nditɔ mmɔ emi editienede mmɔ ke edem.

JEREMIAH 33:11

ke eyekop uyom idara, ye uyom mbre, ye uyo ɔdɔ ŋwan, ye uyo ŋwan ndɔ, ye uyo mmɔ eke edɔhɔde, ete, “Mbufo etoro Jehovah mme udim: koro Jehovah ɔfɔnde; koro ima esie ebigide ke nsinsi”: ye eke mmɔ emi edade ekɔm edi ke ufɔk Jehovah. Koro ami nyeda nditɔ isɔŋ emi eketaŋde efep mfiak ndi, kpa nte akpa; ke edi Jehovah ɔdɔhɔ.

JEREMIAH 33:7

Nyenyuŋ nda nditɔ Judah ye nditɔ Israel emi eketaŋde efep mfiak ndi, nnyuŋ mbɔp mmɔ kpa nte akpa.

JEREMIAH 6:17

Ami ŋkonyuŋ ndemere mbon-ukpeme eke esede mbufo, nnim, nte, Mbufo ekpaŋ utɔŋ enɔ uyo ukorowo.

EZEKIEL 3:17

kop ndien ikɔ emi otode mi ke inua, nyuŋ da uyo mi teme mmɔ.

EZEKIEL 33:7

Ke ntre, eyen owo, mmonim fi ke owo eke ekpemede, nnɔ ufɔk Israel; kop ndien ikɔ eke otode mi ke inua, nyuŋ sian mmɔ nɔ mi.

ZEPHANIAH 3:9

Koro ke ini oro nyekabare edisana mkpɔk-inua nnɔ mme idut: man kpukpru mmɔ ekot enyiŋ Jehovah, man enam ŋkpɔ enɔ enye ke esit kiet.

ZECHARIAH 12:8

Ke usen oro Jehovah eyekpeme mme andiduŋ Jerusalem; ndien mmeme-mmeme owo ke otu mmɔ eyebiet David ke usen oro; ufɔk David eyenyuŋ ebiet Abasi, ebiet angel Jehovah ke iso mmɔ.

UTOM MME APOSTLE 2:1

EKEM ke ini osimde usen Pentecost, kpukpru mmɔ edu ɔtɔ kiet.

UTOM MME APOSTLE 4:32

Edi otu mmɔ emi enimde ke akpanikɔ enyene esit kiet ye spirit kiet: baba owo mmɔ kiet inyuŋ idɔhɔke ite ŋkpɔ ekededi eke imɔ inyenede edi eke imɔ; edi mmɔ ebabuana kpukpru ŋkpɔ.

1 ŊWED CORINTH 1:10

Edi mmada enyiŋ Ɔbɔŋ nnyin Jesus Christ ŋkpe mbufo ubɔk, nditɔ-ete, nte mbufo kpukpru enyene ikɔ-inua kiet, ubahare okunyuŋ odu ke otu mbufo; edi mbufo etɔŋɔ ntak ekabare efɔn ema ke erinyene esit kiet ye ekikere kiet.

1 ŊWED CORINTH 13:12

Idahemi nnyin imokut ŋkpɔ ntre ntimere-ntimere, nte owo okutde ŋkpɔ ke ukuriso: edi adaŋoro iyekut ŋkpɔ iso ye iso; idahemi mmɔfiɔk ŋkpɔ ubak-ubak, edi adaŋoro nyefiɔk ɔyɔhɔ-ɔyɔhɔ, kpa nte efiɔkde mi.

MME HEBREW 13:17

Ekop uyo mme andida mbufo usuŋ, enyuŋ esuk ibuot enɔ mmɔ; koro mmɔ ekpemede eyom ufɔn ukpɔŋ mbufo, nte mmɔ emi enyenede ndinɔ Abasi ibat; man mmɔ enam utom ke idara, ekunam ke mfuhɔ; koro emi midorike udori inɔ mbufo.

ERIYARARE 18:20

Edara ebaŋa enye O heaven, ye mbufo nti ikɔt Abasi ye mme apostle ye mme prophet, koro Abasi ama ekpe ikpe ibuot mbufo ye enye.

ERIYARARE 19:4

Ekem mbiowo edip ye inaŋ ye ŋkpɔ-uwem inaŋ oro eduɔ ke isɔŋ etuak ibuot enɔ Abasi emi etiede ke ebekpo, ete, Amen; Hallelujah.