ISAIAH 52:2 - Edisana ñwed Abasi Ibom

² Keŋ ntan ke idem fo fep; daha ke enyɔŋ neŋere tie, O Jerusalem: kpɔhɔre ŋkpɔkɔbi itɔŋ fo, O adiaha Zion emi etaŋde efep.

ISAIAH 52:2 ပူးပေါင်းရင်းမြစ်များ

ISAIAH 10:27

Ndien ama ekem ke usen oro, eyebiomore fi mbiomo esie ke afara efep, ye ɔkpɔnɔ esie ke itɔŋ, nte ɔkpɔnɔ abiarade efep ke iso (enaŋ) ubom.

ISAIAH 14:25

ndinuak Asshur ke isɔŋ emi, ndien nyedigi enye ke enyɔŋ ikpɔ obot mi: ndien ɔkpɔnɔ esie eyekibe mmɔ ke idem efep, mbiomo esie eyenyuŋ obiomore mmɔ ke afara.

ISAIAH 29:4

Ndien afo eyesuhɔre, eyetie ke isɔŋ ɔdɔhɔ, ikɔ fo eyena ke ntan osuk uyo; uyo fo eyenyuŋ oto ke isɔŋ, kpa nte eke ekpo, ikɔ fo eyenyuŋ oto ke ntan onun.

ISAIAH 3:26

Ndien mme inua-otop esie eyeseme enyuŋ etuaŋa; ndien enye eyetie ke isɔŋ ukpɔk.

ISAIAH 49:21

Ndien afo eyedɔhɔ ke esit fo, ete, Anie akaman mme mmɔ emi ɔnɔ mi, ndien ami ŋkanana nditɔ, nnyuŋ ndi ada, ndi ibuot-ekɔŋ, ye owo eke etaŋde efep? Anie ɔkɔbɔk mme mmɔ emi? Sese, ami nsuk ikpɔŋ ke idem mi: mme mmɔ emi eto mmɔŋ?

ISAIAH 51:14

Ndien iyaresit owo utuk oro odu mmɔŋ? Owo eke ɔnuhɔde awara ndikpɔhɔre, enye idikpaha ke obube, idinyuŋ inanake udia esie.

ISAIAH 51:23

edi nda enye nsin ke ubɔk mmɔ emi etuhɔde fi: emi ekedɔhɔde ukpɔŋ fo, ete, Nuhɔ, man nnyin isaŋa ibe: ndien afo ama onim edem fo nte isɔŋ, ye nte efak ɔnɔ mmɔ eke esaŋade ebe.

ISAIAH 60:1

DAHA ke enyɔŋ! yama! koro uŋwana fo emedi, ubɔŋ Jehovah omonyuŋ asiaha ɔnɔ fi,

ISAIAH 61:1

SPIRIT Ɔbɔŋ Jehovah odoro mi: koro, Jehovah emeyet mi aran onim, man mbuk eti mbuk nnɔ mbon nsuk-esit; ɔmɔdɔŋ mi, ete mbɔp mmɔ eke esit mmɔ ɔbuŋɔde, ŋkwɔrɔ uwɔrɔ-ufin nnɔ mbuot ekɔŋ, ŋkwɔrɔ nsana-nyak nnɔ mmɔ eke ekɔbide;

ISAIAH 9:4

Koro afo omobuŋ ɔkpɔnɔ mbiomo esie, ye eto afara esie, ye esaŋ andifik enye, kpa nte akanamde ke usen Midian.

JEREMIAH 51:45

O ikɔt mi, mbufo ewɔŋɔ enye ke esit, mbufo kpukpru kiet kiet enyuŋ enyaŋa uwem mbufo, mbak ikaŋ iyaresit Jehovah.

JEREMIAH 51:50

Mbufo emi ebɔhɔde ofut edaŋa, ekutuak eda: mbufo etie ke anyan idut eti Jehovah, eyak Jerusalem onyuŋ oduk mbufo ke esit.

JEREMIAH 51:6

Mbufo eto ke ufɔk Babylon efeŋe, enyuŋ ebɔhɔ kiet kiet ke uwem mbufo: mbufo ekutak ke idiɔk ido esie; koro ini usiene Jehovah edi emi; Enye eyenɔ enye utip.

EZEKIEL 34:27

Ndien eto ikɔt eyenɔ mfri esie, isɔŋ eyenyuŋ oŋwum ŋkpɔ esie, ndien mmɔ eyedu ke isɔŋ mmɔ ke ifure, eyenyuŋ efiɔk ete ke ami ndi Jehovah, ke ini ndibuŋde eto ɔkpɔnɔ mmɔ, nnyuŋ nsiode mmɔ ke ubɔk mmɔ emi enimde mmɔ ke ifin.

ZECHARIAH 2:6

Ho, ho, mbufo eto ke isɔŋ edem edere efeŋe, ke edi uyo Jehovah: koro ŋkasuande mbufo nte mme ofum heaven mbinaŋ; ke edi uyo Jehovah.

ZECHARIAH 2:7

Ho Zion, emi oduŋde ye adiaha Babylon, nyaŋa idem fo.

LUKE 21:24

Ndien mmɔ eyeduɔŋɔ ke iso ofut, eyenyuŋ etaŋ mmɔ nte mbuot-ekɔŋ eka ke kpukpru mme idut; ndien mme Gentile eyedigi Jerusalem ke ikpat, tutu ini mme Gentile ɔyɔhɔ.

LUKE 4:18

Spirit Jehovah odoro Mi ke idem, Koro Enye emeyet Mi aran onim, ete, ŋkwɔrɔ eti mbuk nnɔ nditɔ-ubuene: Enye ɔmɔdɔŋ Mi, ete, ŋkwɔrɔ uwɔrɔ-ufin nnɔ mbuotekɔŋ, Nnyuŋ ŋkwɔrɔ erikut usuŋ nnɔ mme nnan, Nnyuŋ nsana mmɔ emi efikde nyak,

ERIYARARE 18:4

Ndien ŋkop uyo eŋwen nte otode ke heaven ete, Mbufo ikɔt Mi, ewɔŋɔ ke esit, mbak mbufo edibuana ke idiɔk-ŋkpɔ esie, edinyuŋ etiene ebɔ mme ufen esie;