ISAIAH 52:1 - Edisana ñwed Abasi Ibom

¹ DEMERE, demere, sine odudu fo ke idem, O Zion; sine edisine-ŋkpɔ uyai fo, O Jerusalem, edisana obio: koro owo edut ye ndek miditɔŋɔke aba ntak iduk fi ke esit.

ISAIAH 52:1 ပူးပေါင်းရင်းမြစ်များ

1 CHRONICLES 16:29

Mbufo enɔ Jehovah ubɔŋ enyiŋ esie: emen uwa edi enye ke iso: etuak ibuot enɔ Jehovah ke uyai edisana ido.

NEHEMIAH 11:1

NDIEN mbɔŋ obio eduŋ ke Jerusalem: mbio-obio eken enyuŋ esin afia, ete ida owo kiet ke itie duop idinim eduŋ ke Jerusalem edisana obio, ye mbak usukkiet ke mme obio eŋwen.

ŊWED MME PSALM 110:3

Ikɔt fo edi enɔ ima-esit ke usen odudu fo, ke edisana mbanaoto ke idibi usiere, afo emenyene mbara uyen fo.

EXODUS 28:2

Nyuŋ nam edisana edisine-ŋkpɔ ubɔŋ ye uyai nɔ Aaron eyen-uka.

EXODUS 28:40

Nyuŋ nam frock ubɔŋ ye uyai nɔ nditɔ Aaron, nyuŋ nam ubɔp-isin nɔ mmɔ,

ISAIAH 1:21

Anam didie obio akpanikɔ akabare edi akpara! se inende ɔkɔyɔhɔ ke esit; eti ido ɔkɔduŋ ke esit; edi ke emi mme owot-owo.

ISAIAH 1:26

nnyuŋ nnam mme ebierikpe fo efiak kpa nte ke akpa, ye mbon item fo, kpa nte ke eritɔŋɔ: ndien ke ŋkpɔ emi ebede, eyekot fi, ete, Obio eti ido, obio akpanikɔ.

ISAIAH 26:2

Mbufo eberede mme itim, man edinen idut emi onimde akpanikɔ oduk.

ISAIAH 35:8

Ndien ɔkpɔ-usuŋ eyedu do, ye usuŋ, ndien enye eyekere usuŋ edinen owo; baba edidehe ŋkpɔ kiet idinyuŋ isaŋake ke esit ibe; ndien eyedi eke mmɔ; mbon isaŋ, idem mme anana ibuot, ididuehe.

ISAIAH 4:3

Ndien ama ekem, owo eke ɔsuhɔde ke Zion, eke enyuŋ ekpɔŋde ke Jerusalem, eyekere edisana, kpa kpukpru owo emi ewetde enim enɔ uwem ke Jerusalem.

ISAIAH 48:2

Koro edade edisana obio esio idem mmɔ enyiŋ, enyuŋ ebuɔtde idem mmɔ ye Abasi Israel; Jehovah mme udim edi enyiŋ esie.

ISAIAH 49:18

Menere enyin fo kanare kuk, nyuŋ se; kpukpru mmɔ esop idem, edi ke ɔtɔ fo. Jehovah ɔdɔhɔ ete, Ma uwem mi, afo udutreke ndisine mmɔ kpukpru, nte ŋkpɔ mbana, nnyuŋ mbɔbɔ mmɔ ke idem nte ŋwan ndɔ.

ISAIAH 51:17

Demere, demere, daha ke enyɔŋ, Jerusalem, emi ɔkɔbɔde Jehovah cup iyaresit esie ke ubɔk ɔŋwɔŋ; afo ɔkɔŋwɔŋ bowl, kpa cup ufum, ɔkɔrɔde.

ISAIAH 51:9

Demere, demere, sine odudu, O ubɔk Jehovah; demere, kpa nte ke eyo oko, ke emana eset. Nte idige afo edi enye emi okokpokde Rahab mbio-mbio, okonyuŋ owotde dragon?

ISAIAH 60:1

DAHA ke enyɔŋ! yama! koro uŋwana fo emedi, ubɔŋ Jehovah omonyuŋ asiaha ɔnɔ fi,

ISAIAH 60:21

Ndien ikɔt fo kpukpru eyedi edinen; mmɔ eyenyene isɔŋ ke nsinsi, ŋkpɔ emi ntɔde, utom ubɔk mi, man nda ubɔŋ.

ISAIAH 61:10

Nyedat esit eti-eti ke Jehovah, ukpɔŋ mi eyebre abaŋa Abasi mi: koro enye emesine mi edisine-ŋkpɔ erinyaŋa ke idem, amada ekura edinen ido ofuk mi, kpa nte ɔdɔ-ŋwan ayarade anyanya esiemɔ, ye nte ŋwan ndɔ esinede ŋkpɔ mbana esie ke idem.

ISAIAH 61:3

ete, nnim nnɔ nditɔ Zion eke etuade, nnɔ mmɔ anyanya ke ibuot ntɔŋ, aran idaresit ke ibuot ntuaŋa, ɔfɔŋ-idem itoro ke ibuot mkpa-esit; ndien mmɔ eyekere ete, Ofriyo eti ido emi Jehovah ɔkɔtɔde, man ada ukpono ke esit.

ISAIAH 64:10

Ndisana obio fo emekabare edi wilderness, Zion edi wilderness, Jerusalem edi ndon.

JEREMIAH 31:23

Ntem ke Jehovah mme udim Abasi Israel ɔdɔhɔ, ete, Mmɔ eyesuk edɔhɔ ikɔ emi ke isɔŋ Judah, ye ke mme obio esie, ke ini ndidade mmɔ ke itie-mbuot-ekɔŋ mfiak ndi, ete, Jehovah osuk ɔdiɔŋ fi, O iduŋ eti ido, O edisana obot.

EZEKIEL 44:9

Ntem ke Ɔbɔŋ Jehovah ɔdɔhɔ, ete, Kuyak baba eyen esen owo kiet eke minaŋa mbobi esit, minyuŋ inaŋa mbobi obukidem, oduk ke edisana ebiet mi; baba eyen esen owo kiet eke odude ke otu nditɔ Israel.

DANIEL 10:9

Ndien ŋkop uyo ikɔ esie: ndien ke ini ŋkopde uyo ikɔ esie, ami ndede ɔkpɔsɔŋ idap, ŋkubi iso mi ke isɔŋ.

JOEL 3:17

Ndien mbufo eyefiɔk ete ke ami ndi Abasi mbufo, ke nduŋ ke Zion, edisana obot mi: ndien Jerusalem eyedi edisana, isen owo idinyuŋ isaŋake aba ke esit ibe.

NAHUM 1:15

Sese, ukot enye emi adade eti mbuk edi, emi ɔkwɔrɔde emem, edu ke ikpɔ obot! O Judah, nim ederi fo, sio mme akaŋa fo: koro oburobut owo miditɔŋɔke aba ntak isaŋa fi ke esit: emesibe enye efep ema.

HAGGAI 2:4

Edi ke emi Jehovah ɔdɔhɔ ete, O Zerubbabel, sɔŋ esit; O Joshua eyen Jehozadak, akwa oku, sɔŋ esit ŋko; ofuri mbio-obio, mbufo enyuŋ esɔŋ esit ŋko-ŋko; ke edi uyo Jehovah; mbufo enyuŋ enam utom, koro ami ndude ye mbufo; ke edi uyo Jehovah mme udim:

ZECHARIAH 3:4

Ndien enye ɔbɔrɔ onyuŋ ɔdɔhɔ mmɔ oro edade enye ke iso, ete, Mbufo esio enye ndek-ndek ɔfɔŋidem oro ke idem. Ndien enye ɔdɔhɔ enye, ete, Sese, mmosio fi idiɔk ido fo ke idem mfep, nyenyuŋ nda edisine-ŋkpɔ ubɔŋ nsine fi ke idem.

MATTHEW 4:5

Ekem Satan ada Enye oduk ke edisana obio, emen Enye odori ke edikoŋ ebiet temple, onyuŋ ɔdɔhɔ Enye ete,

LUKE 15:22

Edi Ete ɔdɔhɔ ikɔt esie ete, Ewara eda ata eti ɔfɔŋidem oro edisine enye; enyuŋ esine enye mkpanuen ke ubɔk ye ikpa-ukot ke ukot:

ŊWED MBON ROME 13:14

Emen Ɔbɔŋ Jesus Christ esine, ekunyuŋ ebeŋe ŋkpɔ enim enɔ idiɔk udɔŋ obukidem.

ŊWED MBON ROME 3:22

edi edinen ido eke Abasi, emi otode ke mbuɔtidem ke Jesus Christ, osim kpukpru owo emi enimde ke akpanikɔ. Koro ubahare iduhe ke otu owo:

ŊWED MBON EPHESUS 4:24

emi ebotde ebiet Abasi ke edinen ido ye edisana ido akpanikɔ.

ŊWED MBON EPHESUS 5:14

koro sededi eke eyararede akabare edi uŋwana. Mmɔdo ɔdɔhɔde ete, Demere, afo emi edede idap, Nyuŋ set ke mkpa, Ndien Christ eyeyama ɔnɔ fi.

ŊWED MBON EPHESUS 6:10

Nte akpatre ikɔ, esɔŋɔ idem ke Ɔbɔŋ ye ke ɔkpɔsɔŋ odudu Esie.

ERIYARARE 11:2

Edi sio okure emi odude ke edem temple fep, kunyuŋ udomo enye oro, koro ema eyak enye enɔ mme idut; mmɔ eyenyuŋ edigi edisana obio ke ikpat ke ɔfiɔŋ aba ye iba.

ERIYARARE 19:14

Ndien udim ekɔŋ emi edude ke heaven edoro ke mfia enaŋ-mbakara etiene Enye ke edem, mmɔ esine ediye linen emi afiade onyuŋ asanade.

ERIYARARE 19:8

Enyuŋ enɔ enye ndisine ediye linen eke asanade onyuŋ esemde; Koro ediye linen oro edi edinen ido nti ikɔt Abasi.

ERIYARARE 21:2

Ndien ŋkut edisana obio, Obufa Jerusalem, nte otode ke Abasi ɔsuhɔre ke heaven edi, ema enyuŋ etim enye idem nte ŋwan-ndɔ emi ebanade ebeŋe ebe.

ERIYARARE 21:27

Edi baba ŋkpɔ ndek kiet ididukke ke esit, ye owo eke anamde mbubiam ido onyuŋ osude nsu; ke mibɔhɔke mmɔ ikpɔŋ-ikpɔŋ emi ewetde enyiŋ mmɔ ke ŋwed uwem Eyen-erɔŋ.