ISAIAH 51:9 - Edisana ñwed Abasi Ibom

⁹ Demere, demere, sine odudu, O ubɔk Jehovah; demere, kpa nte ke eyo oko, ke emana eset. Nte idige afo edi enye emi okokpokde Rahab mbio-mbio, okonyuŋ owotde dragon?

ISAIAH 51:9 ပူးပေါင်းရင်းမြစ်များ

ŊWED JOB 26:12

Enye ada odudu esie osuk inyaŋ ubɔk onyuŋ ada asian esie anuak mbon iseri.

ŊWED JOB 9:13

Abasi isioho iyaresit esie ifep, ndien mme aŋwam mbon-iseri enuhɔ enye ke idak.

ŊWED MME PSALM 21:13

Menere idem fo. O Jehovah, ke nsɔŋidem fo; nnyin iyekwɔ, inyuŋ itoro odudu fo.

ŊWED MME PSALM 44:1

O ABASI, nnyin imokop ke utɔŋ nnyin, mme ete nnyin ekemen ŋkpɔ oro afo akanamde ke ini mmɔ, ke ini eset, etiŋ enɔ nnyin.

ŊWED MME PSALM 44:2

Afo, kpa ubɔk fo, ekebin mme idut, ndien ada mmɔ (mme ete) ɔtɔ; afo akanuak mme obio oro edi anam mmɔ eken etɔt:

ŊWED MME PSALM 44:23

O Ɔbɔŋ, men idem, nsinam afo edede idap? Demere, kuduɔk nnyin ke nsinsi.

ŊWED MME PSALM 44:24

Nsinam afo odipde iso fo, onyuŋ efrede ukut nnyin ye ufik nnyin?

ŊWED MME PSALM 59:4

Idiɔk ido iduhe, ndien mmɔ efeŋe eka eketim idem mmɔ.

ŊWED MME PSALM 7:6

O Jehovah, daha ke enyɔŋ ke iyaresit fo, men idem fo ke otu ifuresit mme asua mi: nyuŋ demere baŋa mi: afo omonim ikpe.

ŊWED MME PSALM 77:5

Ŋkere ini eset, kpa mme isua eyo oko.

ŊWED MME PSALM 78:65

Ndien Ɔbɔŋ edemere nte owo eke edede idap, nte owo uko adatde esit ke wine.

ŊWED MME PSALM 87:4

Nyesiak Rahab ye Babylon nte mmɔ eke efiɔkde mi: sese, Philistia, ye Tyre, ye Ethiopia; owo emi akamana do.

ŊWED MME PSALM 89:10

Afo amanuak Rahab, nte owo eke akpade afai; ada ɔkpɔsɔŋ ubɔk fo asuan mme asua fo.

ŊWED MME PSALM 89:11

Enyɔŋ edi okuo, isɔŋ onyuŋ edi okuo: ama onyuŋ edi obot ye se iyɔhɔde ke esit, afo onyuŋ onim mmɔ ke itie.

ŊWED MME PSALM 93:1

JEHOVAH edi edidem, emesine ubɔŋ ke idem: Jehovah emesine odudu: ɔbɔbɔ ŋkpɔ ke idem. Ererimbot ɔmɔwuhɔ ŋko, idisehekede.

EXODUS 6:6

Dɔhɔ ndien ye nditɔ Israel, ete, Ami ndi Jehovah, nyenyuŋ nnam mbufo ewɔŋɔ ke idak mbiomo Egypt, nnyuŋ nsio mbufo ke ufin mmɔ, nnyuŋ mfak mbufo ke edinyanare ubɔk, ye ke ikpɔ ufen:

ISAIAH 27:1

KE usen oro Jehovah eyeda ofut esie emi ɔsɔŋde onyuŋ okponde, onyuŋ odobide, anam Leviathan, ɔsɔp-ukot uruk-ikɔt oro; anam Leviathan uruk-ikɔt emi awaŋade; onyuŋ owot kukubarakpa emi odude ke inyaŋ.

ISAIAH 30:7

Ndien eriŋwam emi Egypt aŋwamde eyewɔrɔ ikpikpu ye ukpɔk: oro esin nsiode enye emi enyiŋ, Mbon mbure, mmɔ etie suŋ.

ISAIAH 51:17

Demere, demere, daha ke enyɔŋ, Jerusalem, emi ɔkɔbɔde Jehovah cup iyaresit esie ke ubɔk ɔŋwɔŋ; afo ɔkɔŋwɔŋ bowl, kpa cup ufum, ɔkɔrɔde.

ISAIAH 51:5

Edinen ido mi emekpere; erinyaŋa mi ɔmɔwɔrɔ, ubɔk mi eyenyuŋ ekpe ikpe mme idut; mme isuo eyebet mi, enyuŋ edori enyin ke ubɔk mi.

ISAIAH 52:1

DEMERE, demere, sine odudu fo ke idem, O Zion; sine edisine-ŋkpɔ uyai fo, O Jerusalem, edisana obio: koro owo edut ye ndek miditɔŋɔke aba ntak iduk fi ke esit.

ISAIAH 52:10

enye afak Jerusalem. Jehovah ɔmɔfuhɔre edisana ubɔk esie ke enyin kpukpru mme idut; kpukpru mme utit ererimbot eyenyuŋ ekut erinyaŋa Abasi nnyin.

ISAIAH 53:1

ANIE onim mbuk nnyin ke akpanikɔ? Ubɔk Jehovah onyuŋ ayarare ɔnɔ anie?

ISAIAH 62:8

Jehovah omotomo ubɔk nnasia esie, ye ubɔk odudu esie, ete, Ndidaha aba ibokpot fo nnɔ mme asua fo eta; nditɔ mme idut idinyuŋ iŋwɔŋke obufa wine fo, emi afo anamde utom ke esit

EZEKIEL 29:3

Dɔhɔ, ete, Ntem ke Ɔbɔŋ Jehovah ɔdɔhɔ, ete, Sese, ami mmɔŋ nnam ikɔ ye afo Pharaoh edidem Egypt, akamba fiom emi anade ke ufɔt mme akpa mmɔŋ esie, emi ɔdɔhɔde, ete, Akpa mi edi okimmɔ, ami ŋkonyuŋ nnam enye nnɔ idem mi.

MICAH 7:15

Kpa nte usen emi afo okotode ke Egypt ke ndiwut enye mme utibe ŋkpɔ.

HABAKKUK 2:19

Osuk ɔdɔdiɔk ɔnɔ owo eke ɔdɔhɔde eto, ete, Demere! men Idem! ɔdɔhɔ imum itiat, ete, Enye eyeteme! Sese, mmɔ ekubi enye gold ye silver;

HABAKKUK 3:13

Afo ɔkɔwɔrɔ ndinyaŋa ikɔt fo, ndinyaŋa mme mmɔ emi afo eyetde aran; afo akasuan ibuot emi otode ke ufɔk idiɔk owo; ke ayarare isɔŋ ibibene tutu osim itɔŋ owo. [Selah].

ZECHARIAH 10:11

Ndien enye eyesaŋa ke inyaŋ ukut ebe, onyuŋ amia odut ke inyaŋ, ndien kpukpru udem ke Nile eyesat: ndien enye eyesuhɔre iseri Assyria onim; mmɔnyɔ Egypt eyenyuŋ adaha.

ZECHARIAH 2:13

O ofuri obukidem, mbufo edop uyo ke iso Jehovah: koro edemerede enye ɔwɔrɔ ke edisana iduŋ esie.

LUKE 1:51

Enye akada ubɔk Esie ayarare odudu; Enye akasuan mbon ntaŋidem ke ekikere esit mmɔ.

JOHN 12:38

man ikɔ emi prophet Isaiah ɔkɔdɔhɔde osu ete, Ɔbɔŋ, anie okonim mbuk nnyin ke akpanikɔ? Ubɔk Jehovah ama onyuŋ ayarare ɔnɔ anie?

UTOM MME APOSTLE 7:7

Abasi onyuŋ ɔdɔhɔ ete, Nyekpe ikpe ye idut oro mmɔ edukde ufin enɔ mmɔ: ndien oro ama ebe, mmɔ eyewɔrɔ edinam ŋkpɔ enɔ Mi ke ebiet emi.

DEUTERONOMY 4:34

Mme Abasi akananam odomo ndika ŋkosio idut kiet ke idem esie ke ufɔt efen, ke ndomo, ye ke mme idiɔŋɔ, ye ke mme utibe ŋkpɔ, ye ke ekɔŋ, ye ke ɔkpɔsɔŋ ubɔk, ye ke edimenere ubɔk, ye ke ikpɔ ŋkpɔ ndik, nte kpukpru se Jehovah Abasi mbufo akanamde ye mbufo ke Egypt ke iso mbufo, edide?

ERIYARARE 11:17

Abasi, ete, Imɔkɔm Fi, O Ɔbɔŋ Abasi, Andikara kpukpru ŋkpɔ, emi odude-du, okonyuŋ odude-du; koro Afo amada akwa odudu Fo ada ubɔŋ.

ERIYARARE 12:9

Ndien esio akwa dragon eduɔk ke isɔŋ, kpa akani urukikɔt oro ekotde enye ete, andidori ikɔt Abasi ikɔ ye Satan, andibiaŋa ofuri ererimbot; esio enye eduɔk ke isɔŋ, enyuŋ esioŋo mme angel esie eduɔŋɔ ye enye.

JUDGES 6:13

Ndien Gideon ɔdɔhɔ enye, ete, O Ɔbɔŋ mi, edieke Jehovah odude ye nnyin, anam didie, ndien, kpukpru ŋkpɔ emi enam nnyin? Enye ŋko kpukpru mme utibe ŋkpɔ esie oro mme ete nnyin ekebukde enɔ nnyin, ete, Nte Jehovah ikadaha nnyin ke Egypt idɔk? Edi ke emi Jehovah ɔmɔkpɔŋ nnyin, onyuŋ ayak nnyin esin ke ubɔk Midian.