ISAIAH 51:8 - Edisana ñwed Abasi Ibom

⁸ Koro ŋkpri unam eyeta mmɔ nte ɔfɔŋidem, ndɔŋ eyenyuŋ eta mmɔ nte idet erɔŋ: edi edinen ido mi eyedu ke nsinsi, erinyaŋa mi eyenyuŋ odu ke ofuri emana.

ISAIAH 51:8 ပူးပေါင်းရင်းမြစ်များ

ŊWED JOB 13:28

Ndien enye eyemere nte mbumbu ŋkpɔ, ye nte ɔfɔŋ-idem eke ekpri unam atade.

ŊWED JOB 4:19

Ŋwaŋwa ediso mme oduŋ ufɔk mbat, emi edorode ke ntan! Enuak mmɔ kpa nte ɔfɔŋekpo!

ISAIAH 14:11

Emeda ubɔŋ fo esuhɔre ke obio ekpo, uyom mme harp fo: emebri fi ndɔŋ ke idak, utuŋ onyuŋ ofuk fi ke idem.

ISAIAH 45:17

Jehovah anyaŋa Israel nsinsi erinyaŋa: but ye esuene idinamke mmɔ ke nsinsi-nsinsi.

ISAIAH 46:13

mmada eti ido nsaŋa ŋkpere; enye idiyomke usuŋ, erinyaŋa mi idinyuŋ ibigike nyenyuŋ nnim erinyaŋa mi ke Zion, nnɔ Israel ubɔŋ mi.

ISAIAH 50:9

Yak enye asaŋa ekpere mi. Sese, Ɔbɔŋ Jehovah eyenyaŋa mi; anie edinam ikpe otip mi? Sese, kpukpru mmɔ eyetaha nte ɔfɔŋidem: ŋkpri unam eyeta mmɔ.

ISAIAH 51:6

Mbufo emenere enyin mbufo ke enyɔŋ, enyuŋ ese isɔŋ ke idak; koro enyɔŋ eyesuana nte nsuŋikaŋ, isɔŋ eyenyuŋ ataha nte ɔfɔŋidem, ndien mme andiduŋ enye eyekpaŋa ŋko kpasuk ntre: edi erinyaŋa mi eyebigi ke nsinsi, eti ido mi idinyuŋ inuahake.

ISAIAH 54:9

Koro emi etiede nte mmɔŋ Noah ye ami: kpa nte ŋkɔŋwɔŋɔde, nte ke mmɔŋ Noah idiyɔhɔke aba ifuk isɔŋ; kpa ntre ke ŋkɔŋwɔŋɔ nte ke nditɔhɔke aba ye afo, ndinyuŋ nduarike aba fi.

ISAIAH 66:24

Ndien mmɔ eyewɔŋɔ, ekese okpo mmɔ emi ekesɔŋde ibuot ye ami: koro ndɔŋ mmɔ midikpaha, ikaŋ mmɔ midinyuŋ inimeke; ndien mmɔ eyedoro kpukpru obukidem ndidien.

DANIEL 9:24

Edori urua ata ye duop ebaŋa oruk fo, ye edisana obio fo, eke edinamde ndudue okure, edinyuŋ emade idiɔk ido, enyuŋ esiode isop ukwaŋ-ŋkpɔ efep, eke enyuŋ edade nsinsi edinen iso eduk, enyuŋ enimde seal ke ŋkukut ye prophecy, enyuŋ eyetde Ata Edisana ke aran.

HOSEA 5:12

Ndien ami mbiet uta-ŋkpɔ ye Ephraim, nnyuŋ mbiet ŋkarafaŋ ye ufɔk Judah.

LUKE 1:50

Mbɔm Esie onyuŋ ana ɔnɔ kpukpru emana, Ɔnɔ mmɔ emi ebakde Enye.