ISAIAH 51:7 - Edisana ñwed Abasi Ibom

⁷ Ekop uyo mi, mbufo emi efiɔkde eti ido, mbio emi mbet mi odude mmɔ ke esit; mbufo ekufehe esuene owo, nsia okonyuŋ oyomo mbufo abaŋa isuŋi mmɔ.

ISAIAH 51:7 ပူးပေါင်းရင်းမြစ်များ

ŊWED MME PSALM 37:31

Mbet Abasi esie edu enye ke esit; ikpat esie idiwahake.

ŊWED MME PSALM 40:8

Mmama ndinam se afo amade, O Abasi mi, mbet fo enyuŋ edu mi ke esit.

ISAIAH 25:8

Enye eyemen mkpa ke nsinsi; Ɔbɔŋ Jehovah onyuŋ ɔkwɔhɔre kpukpru iso mmɔŋ eyet efep; eyenyuŋ osio esuene ikɔt esiemɔ ke ofuri ererimbot efep: koro edi Jehovah ɔdɔhɔ.

ISAIAH 33:22

Koro Jehovah edide ebierikpe nnyin, Jehovah edi owuk-ewuhɔ nnyin, Jehovah edi edidem nnyin, enye eyenyaŋa nnyin.

ISAIAH 37:6

Ntem ke mbufo edidɔhɔ ete mbufo, ete, Ntem ke Jehovah ɔdɔhɔ, ete, Kufehe ubaŋa ikɔ oro afo okokopde, emi ikɔt edidem Assyria edade esuene mi.

ISAIAH 51:1

MBUFO eke ebinede eti ido eyom Jehovah, ekop uyo mi: ese akwa itiat eke ekesɔide mbufo, ye inua obube eke eketibide mbufo esio.

ISAIAH 54:4

Kufehe: koro but midinamke fi; kunyuŋ uyak nsia oyomo fi: koro afo mudukwe esuene: koro afo eyefre but uyen fo; udunyuŋ utihi aba itie-ebe-akpa fo.

JEREMIAH 1:17

Afo, ndien, bɔbɔ mbɔbɔ ke isin fo, nyuŋ daha da, nyuŋ nam kpukpru se ami nditemede fi tiŋ nɔ mmɔ: kuyak esit ɔduɔ fi ubaŋa mmɔ, mbak ami ndinam esit ɔduɔ fi ke iso mmɔ.

EZEKIEL 2:6

Afo, ŋko, eyen owo, kufehe mmɔ, kunyuŋ udikhe ubaŋa ikɔ mmɔ koro akpap ye ŋkukim ŋkpɔ edude ye afo, afo onyuŋ oduŋ ke otu scorpion: kufehe ubaŋa ikɔ mmɔ, kunyuŋ udikhe ubaŋa iso mmɔ, koro mmɔ edide ufɔk nsɔŋ-ibuot.

MATTHEW 10:28

Ekunyuŋ efehe mmɔ emi ewotde ikpɔhidem, edi mikemeke ndiwot ukpɔŋ: edi ekam efehe Enye emi ekemede ndisobo ukpɔŋ ye ikpɔhidem ke hell.

MATTHEW 5:11

Ɔfɔfɔn ɔnɔ mbufo ke adaŋemi owo edisuŋide mbufo, enyuŋ enam mbufo isin-enyin, enyuŋ etiŋ kpukpru oruk idiɔk-ŋkpɔ ke nsu edian mbufo kabaŋa Mi.

LUKE 6:22

Ɔfɔfɔn ɔnɔ mbufo ke ini owo edisuade mbufo, edinyuŋ edianarede mbufo ke idem mmɔ efep, ediyuŋ esuŋide mbufo, enyuŋ esin enyiŋ mbufo nte idiɔk ŋkpɔ kabaŋa Eyen Owo.

UTOM MME APOSTLE 5:41

Ntre ke mmɔ oro ewɔrɔ ekpɔŋ esop, edara koro ebatde ete mmɔ emedot ndibɔ esuene kabaŋa enyiŋ Jesus.

2 ŊWED CORINTH 3:3

Ana aŋwa-aŋwa ete mbufo edi ŋwed Christ emi nnyin ikamade isaŋa, ŋwed emi mikewetke ke mmɔŋ-ŋwet, edi ewetde ke Spirit Abasi uwem; emi miwetke ke ŋkpɔ-uwet-ŋwed eke edade itiat enam, edi ewet ke ŋkpɔ-uwet-ŋwed eke edide esit owo.

DEUTERONOMY 6:6

Ndien yak mme ikɔ emi ami ntemede fi mfin emi, edu fi ke esit:

ŊWED MBON PHILIPPI 3:10

Man ŋkpɔfiɔk Enye ye odudu eriset Esie ke udi, ye nsaŋa ke ndutuhɔ Esie, nnyuŋ ŋkabare ŋkpa mkpa eke ebietde mkpa Esie;

ŊWED MBON PHILIPPI 3:8

Ke akpanikɔ mbat kpukpru ŋkpɔ ke ntak-urua, man mbɔ akan ifiɔk Christ Jesus Ɔbɔŋ mi: emi ŋkayakde kpukpru ŋkpɔ atak kabaŋa Enye, mmonyuŋ nsin mmɔ ke mbio,

MME HEBREW 10:16

Jehovah ete, Emi edi ediomi eke ndidiomide ye mmɔ Ke mme usen oro ema ebe; Nyesin mbet Mi ke esit mmɔ, Nyenyuŋ ŋwet mbet Mi ke ɔwɔŋ-esit mmɔ;

1 PETER 4:14

Edieke esuenede mbufo kabaŋa enyiŋ Christ, ɔfɔfɔn ɔnɔ mbufo; koro Spirit ubɔŋ ye Spirit Abasi odoro mbufo ke idem.

1 PETER 4:4

ndien idem akpa mmɔ oro, ke emi mbufo minyimeke aba ndisaŋa ye mmɔ nduk ke ɔkpɔsɔŋ otime uwem oro, mmɔ enyuŋ esuŋi mbufo.