ISAIAH 51:6 - Edisana ñwed Abasi Ibom

⁶ Mbufo emenere enyin mbufo ke enyɔŋ, enyuŋ ese isɔŋ ke idak; koro enyɔŋ eyesuana nte nsuŋikaŋ, isɔŋ eyenyuŋ ataha nte ɔfɔŋidem, ndien mme andiduŋ enye eyekpaŋa ŋko kpasuk ntre: edi erinyaŋa mi eyebigi ke nsinsi, eti ido mi idinyuŋ inuahake.

ISAIAH 51:6 ပူးပေါင်းရင်းမြစ်များ

ŊWED MME PSALM 103:17

Edi ima Jehovah ebigi ke nsinsi-nsinsi ye mmɔ eke ebakde enye, edinen ido esie onyuŋ ebigi ye nditɔ nditɔ;

ŊWED MME PSALM 111:3

Utom esie edi ubom ye ubɔŋ: edinen ido esie onyuŋ ebigi ke nsinsi.

ISAIAH 13:13

Mmɔdo nyesin ikpa-enyɔŋ enyek, eyenyuŋ enyeŋe isɔŋ esio ke ebiet esie efep, ke iyaresit Jehovah mme udim, ye ke usen ikaŋ iyaresit esie.

ISAIAH 33:6

Ndien Enye eyedi ifure eyo fo, odudu erinyaŋa, ye ɔniɔŋ, ye ifiɔk: uteŋe Jehovah eyedi inyene esie.

ISAIAH 34:4

Ndien ofuri udim enyɔŋ eyeyemere, ikpa-enyɔŋ eyenyuŋ eŋwine nte ikpa-ŋwed: ndien ofuri udim mmɔ eyekeŋe kpa nte ikɔŋ ekeŋede ke vine, ye nte nyemere ikɔŋ ekeŋede ke eto fig.

ISAIAH 40:26

Emenere enyin mbufo ke enyɔŋ, enyuŋ ese! Anie okobot mme mmɔ emi? Anie ada otu mmɔ ɔwɔrɔ ke ibat mmɔ? Enye osio kpukpru mmɔ enyiŋ: koro nsɔŋidem esie okponde, enye onyuŋ ɔsɔŋ odudu; baba owo mmɔ kiet isopke.

ISAIAH 45:17

Jehovah anyaŋa Israel nsinsi erinyaŋa: but ye esuene idinamke mmɔ ke nsinsi-nsinsi.

ISAIAH 50:9

Yak enye asaŋa ekpere mi. Sese, Ɔbɔŋ Jehovah eyenyaŋa mi; anie edinam ikpe otip mi? Sese, kpukpru mmɔ eyetaha nte ɔfɔŋidem: ŋkpri unam eyeta mmɔ.

ISAIAH 51:8

Koro ŋkpri unam eyeta mmɔ nte ɔfɔŋidem, ndɔŋ eyenyuŋ eta mmɔ nte idet erɔŋ: edi edinen ido mi eyedu ke nsinsi, erinyaŋa mi eyenyuŋ odu ke ofuri emana.

ISAIAH 54:10

Koro ikpɔ obot eyesehere, ŋkpri eyenyuŋ enyek: edi ima mi idisehekede ikpɔŋ fi, ediomi emem mi idinyuŋ inyekke; emi edi uyo Jehovah emi atuade fi mbɔm.

ISAIAH 54:9

Koro emi etiede nte mmɔŋ Noah ye ami: kpa nte ŋkɔŋwɔŋɔde, nte ke mmɔŋ Noah idiyɔhɔke aba ifuk isɔŋ; kpa ntre ke ŋkɔŋwɔŋɔ nte ke nditɔhɔke aba ye afo, ndinyuŋ nduarike aba fi.

DANIEL 9:24

Edori urua ata ye duop ebaŋa oruk fo, ye edisana obio fo, eke edinamde ndudue okure, edinyuŋ emade idiɔk ido, enyuŋ esiode isop ukwaŋ-ŋkpɔ efep, eke enyuŋ edade nsinsi edinen iso eduk, enyuŋ enimde seal ke ŋkukut ye prophecy, enyuŋ eyetde Ata Edisana ke aran.

MATTHEW 24:35

Enyɔŋ ye isɔŋ eyebe efep, edi ikɔ Mi idibehe ifep.

JOHN 5:24

Ke akpanikɔ ke ndɔhɔ mbufo, Owo eke ekopde uyo Mi, onyuŋ ɔbuɔtde idem ye Enye emi ɔkɔdɔŋde Mi, enyene nsinsi uwem, inyuŋ idukke ke ikpe, edi ama oto ke mkpa ebe oduk ke uwem.

DEUTERONOMY 4:19

mbak afo edinyuŋ emenere enyin fo ese enyɔŋ, onyuŋ okut utin, ye ɔfiɔŋ, ye ntantafiɔŋ, kpa ofuri udim enyɔŋ, ndien enuk fi awaha akatuak ibuot ɔnɔ mmɔ, onyuŋ anam ŋkpɔ ɔnɔ mmɔ emi Jehovah Abasi fo ama ekedeme ɔnɔ kpukpru mme idut ke idak enyɔŋ.

2 ŊWED THESSALONICA 2:16

Ndien Ɔbɔŋ nnyin Jesus Christ, ke Idem Esie, ye Abasi Ete nnyin, emi akamade nnyin, onyuŋ ɔnɔde nnyin nsinsi ndɔŋesit ye eti idori-enyin ke mfɔn,

MME HEBREW 5:9

ndien ke ema ekenam Enye ɔfɔn ama, Enye akabare edi ntak nsinsi erinyaŋa ɔnɔ kpukpru owo emi ekopde uyo Esie;

MME HEBREW 9:12

Enye inyuŋ idaha iyip ebot ye enaŋ isaŋa ibe iduk, edi ada iyip Esiemɔ oduk ke Edisana ebiet ini kiet kpɔt, ke Enye ama ɔkɔbɔ nsinsi ufak ɔnɔ owo.

MME HEBREW 9:15

Ke ntak emi Enye onyuŋ edi esine-ufɔt obufa ediomi, man, sia kiet ama akakpa ndifak owo nsio ke mme ndudue eke mmɔ ekesinede ke idak akpa ediomi edue, mmɔ emi ekekotde ekpɔbɔ uŋwɔŋɔ nsinsi udeme.

ERIYARARE 20:11

Ekem ŋkut akamba afia ebekpo, ye Enye emi etiede ke esit, emi isɔŋ ye ikpa-enyɔŋ efeŋede ekpɔŋ iso Esie, inyuŋ ikwe ufaŋ inɔ mmɔ aba.