ISAIAH 51:5 - Edisana ñwed Abasi Ibom

⁵ Edinen ido mi emekpere; erinyaŋa mi ɔmɔwɔrɔ, ubɔk mi eyenyuŋ ekpe ikpe mme idut; mme isuo eyebet mi, enyuŋ edori enyin ke ubɔk mi.

ISAIAH 51:5 ပူးပေါင်းရင်းမြစ်များ

ŊWED MME PSALM 110:6

Enye eyekpe ikpe ke otu mme idut, amanam mme okpo owo eyɔhɔ mmɔ; onyuŋ asuan ibuot ke akamba idut.

ŊWED MME PSALM 67:4

Yak mme obio edara enyuŋ ekwɔ: koro afo eyekpe ikpe mme idut nte enende, onyuŋ akama mme obio ke isɔŋ. [Selah.]

ŊWED MME PSALM 85:9

Erinyaŋa esie emekpere mmɔ eke ebakde enye ikpɔŋ-ikpɔŋ, man ubɔŋ oduŋ ke edem nnyin.

ŊWED MME PSALM 96:13

Koro enye edide; koro enye edide ndikpe ikpe ererimbot: enye eyekpe ekondo ke edinen ido, ye mme idut ke akpanikɔ esie.

ŊWED MME PSALM 98:9

ke iso Jehovah; koro enye edide ndikpe ererimbot: enye eyekpe ekondo ke eti ido, ye mme idut nte enende.

ISAIAH 11:11

Ndien ama ekem ke usen oro, Ɔbɔŋ eyetɔŋɔ ntak esin ubɔk afak nsuhɔ ikɔt esie, emi Asshur, ye Egypt, ye Pathros, ye Cush, ye Elam, ye Shinar, ye Hamath, ye mme isuo inyaŋ esuhɔde.

ISAIAH 24:15

Mbufo ke edem uŋwana ekpono ndien Jehovah, mbufo ke isuo inyaŋ ekpono enyiŋ Jehovah Abasi Israel.

ISAIAH 26:4

Mbufo ebuɔt idem ye Jehovah ke nsinsi; koro Jah Jehovah edide nsinsi itiat:

ISAIAH 33:2

O Jehovah, fɔn ido ye nnyin; nnyin imebet fi: di ubɔk mmɔ ke usenubɔk, ye erinyaŋa nnyin ŋko ke ini ukut.

ISAIAH 33:22

Koro Jehovah edide ebierikpe nnyin, Jehovah edi owuk-ewuhɔ nnyin, Jehovah edi edidem nnyin, enye eyenyaŋa nnyin.

ISAIAH 40:10

Sese, Ɔbɔŋ Jehovah eyeda odudu edi, ubɔk esie eyenyuŋ akara ɔnɔ enye: sese, utip esie odu ye enye, ŋkpɔ-eyen-utom onyuŋ odu enye ke iso.

ISAIAH 42:4

Esit ididuɔhɔ enye, idem idinyuŋ ikpaha enye, tutu enye onim ikpe ke ererimbot: mme isuo eyenyuŋ ebet mme ewuhɔ esie.

ISAIAH 46:13

mmada eti ido nsaŋa ŋkpere; enye idiyomke usuŋ, erinyaŋa mi idinyuŋ ibigike nyenyuŋ nnim erinyaŋa mi ke Zion, nnɔ Israel ubɔŋ mi.

ISAIAH 49:1

MBUFO mme isuo ekop uyo mi: mbufo mme idut nyom-usuŋ, ekpaŋ utɔŋ enɔ mi; Jehovah okokot mi ke itie-eyen; eketiŋ enyiŋ mi ke idibi eka mi.

ISAIAH 54:17

Baba ŋkpɔ ekɔŋ kiet eke ebotde ebaŋa fi idikwe unen; afo eyenyuŋ anam ikɔ otip kpukpru edeme eke edahade eda enam ikɔ ye afo. Jehovah ɔdɔhɔ ete, Emi edi udeme ikɔt Jehovah, edinen ido mmɔ onyuŋ oto ye ami.

ISAIAH 56:1

NTEM ke Jehovah ɔdɔhɔ ete, Mbufo enim ikpe, enyuŋ enam se inende: koro erinyaŋa mi emekpere ndidi, edinen ido mi omonyuŋ ekpere ndiyarare.

ISAIAH 59:16

Ndien enye okut ete ke owo baba kiet iduhe, onyuŋ eyik koro baba esine-ufɔt miduhe: ndien ubɔk esie anyaŋa ɔnɔ enye: edinen ido esiemɔ onyuŋ omum enye akama.

ISAIAH 60:9

Koro mme isuo ke ebet mi, mme ubom mbakara Tarshish ebet ke mbemiso, man eda nditɔ mi ke anyan idut edi, silver mmɔ ye gold mmɔ ŋko, esɔk enyiŋ Jehovah Abasi fo, ye Edisana Abasi Israel; koro enye abanade fi.

ISAIAH 62:11

Sese, Jehovah ɔmɔkwɔrɔ osim utit ererimbot, ete, Mbufo edɔhɔ adiaha Zion, ete, Sese, erinyaŋa fo ke edi; sese, utip esie odu ye enye, ŋkpɔ-eyen-utom esie onyuŋ odu enye ke iso.

ISAIAH 63:5

Ndien ami ntiŋ enyin nse, nte ke owo eke aŋwamde iduhe; nnyuŋ nyik koro baba owo kiet eke omumde akama miduhe: ndien ubɔk mi anyaŋa ɔnɔ mi; ifuresit mi onyuŋ omum mi akama.

JOEL 3:12

Yak mme idut edemere enyuŋ edɔk edi ke ebedeŋ Jehoshaphat: koro nyetie do ŋkpe ikpe kpukpru mme idut emi ekande ekuk.

ZEPHANIAH 2:11

Jehovah enyene ndik akan mmɔ: koro enye eyesobo kpukpru mme abasi ererimbot; ndien kpukpru mme isuo mme idut eyetuak ibuot enɔ enye, kpukpru owo ke ebiet mmɔ.

MATTHEW 28:18

Edi Jesus asaŋa ekpere mmɔ, onyuŋ ɔdɔhɔ mmɔ ete, Enɔ Mi ofuri odudu ke heaven ye ke isɔŋ.

MATTHEW 3:2

Mbufo ekabare esit; koro Ubɔŋ Heaven ke ekpere.

MARK 16:15

Enye onyuŋ ɔdɔhɔ mmɔ ete, Eka ke ofuri ererimbot ekekwɔrɔ gospel enɔ kpukpru owo.

LUKE 24:47

enyuŋ enyene nditɔŋɔ ke Jerusalem ŋkwɔrɔ erikabare esit ye erifen mme idiɔk-ŋkpɔ ke enyiŋ Esie nnɔ kpukpru mme idut.

UTOM MME APOSTLE 17:31

koro Enye omonim usen eke Enye edikpede ikpe ɔnɔ ererimbot ke edinen ido, ke ubɔk Owo emi Enye ekemekde; Enye onyuŋ ada erinam emi Enye anamde Owo oro eset ke mkpa ayarare owut kpukpru owo ete edidi ntem.

ŊWED MBON ROME 2:16

ke usen eke Abasi edibierede ndibe ŋkpɔ owo ke ubɔk Jesus Christ, nte gospel mi owutde.

2 ŊWED CORINTH 5:10

Koro kpukpru nnyin inyene ndiwɔrɔ nyarare ke iso itie-ikpe Christ; man owo kiet kiet ɔbɔ utip eke ekemde ye se enye akanamde ke ikpɔhidem, ye ŋkpɔ oro edide eti, ye onyuŋ edide idiɔk.

DEUTERONOMY 30:14

Edi ikɔ emi emekpere fi eti-eti, ke inua fo, ye ke esit fo, man afo anam enye.

1 SAMUEL 2:10

Jehovah eyenuak mbon utɔk esie; enye etie ke enyɔŋ ada obuma esie ɔtɔ mmɔ: Jehovah eyekpe ikpe utit ererimbot; eyenyuŋ ɔnɔ edidem esie nsɔŋidem, onyuŋ emen nduk Messiah esie onim ke enyɔŋ.