ISAIAH 50:2 - Edisana ñwed Abasi Ibom

² Nsinam baba owo kiet miduhe ke ini ŋkedide? Nsinam ŋkotde, ndien baba owo kiet miyereke? Nte ubɔk mi amakabare ɔmuhɔ akan nte ŋkemede ndifak? Nte baba odudu iduhe mi ke idem, eke mmeŋkemeke ndinyaŋa? Sese, nyenam inyaŋ asat ke nduari mi, nnyuŋ ŋkabare mme akpa mmɔŋ edi wilderness: iyak mmɔ eyetebe, koro mmɔŋ miduhe, enyuŋ ekpaŋa ke nsat-itɔŋ.

ISAIAH 50:2 ပူးပေါင်းရင်းမြစ်များ

ISAIAH 59:1

SESE, ubɔk Jehovah ikabakede imuhɔ ikan nte enye anyaŋade; utɔŋ esie inyuŋ idobike ikan nte enye okopde;

NUMBERS 11:23

Ndien Jehovah ɔdɔhɔ Moses, ete, Nte ubɔk Jehovah akabare ɔmuhɔ? Ke emi ke afo edikut mme ikɔ mi eyesu ɔnɔ fi, mme isuhɔ.

ISAIAH 66:4

Ami ŋko nyemek ndutuhɔ mmɔ, nnyuŋ nda se mmɔ edikhede ntiene mmɔ: koro ami ŋkokotde, ndien baba owo kiet eke eyerede iduhe; ŋkɔdɔhɔ, edi mmɔ ikopke: mmɔ enyuŋ enam idiɔk ke enyin mi, enyuŋ emek se mmemmaŋa.

JOSHUA 3:16

ndien mmɔŋ emi otode ke edere atuak ada, onyuŋ adaha ada nte ebok kiet ata anyan ebiet, tutu osim ke obio Adam, emi ekperede Zaretan; ndien mmɔŋ emi ɔsuhɔre aka Inyaŋ Una-isɔŋ, kpa Inyaŋ Inuŋ, ekpehe, onyuŋ asat: ndien mmɔ esaŋa ebe ekem ye Jericho.

GENESIS 18:14

ndide akani aŋwan? Nte ŋkpɔ ɔsɔŋ akan Jehovah? Ke ini emi enimde, nyefiak ntiene fi, ke ukabare isua, ndien Sarah eyenyene eyen.

HOSEA 11:7

Ndien ikɔt mi esuk ekɔbɔ ndifiak edem ŋkpɔŋ mi: ndien ekot mmɔ etiene Ata Edikoŋ, edi baba owo kiet itoroke enye.

MME ŊKE 1:24

Koro ami ŋkokotde, ndien mbufo esin; ŋkanyan ubɔk mi, ndien baba owo kiet eke esede iduhe;

JOHN 1:11

Enye ekedi ke ebiet Esiemɔ, edi mmɔ emi edide iman Esiemɔ idarake Enye.

NAHUM 1:4

Enye aduari inyaŋ ibom, onyuŋ anam enye asat, onyuŋ anam mmɔŋ okure ke kpukpru mme akpa: Bashan eyemere ye Carmel ŋko, nsehe Lebanon onyuŋ eyemere.

HOSEA 11:2

Mmɔ ekot mmɔ, ntem ke mmɔ edaha ekpɔŋ mmɔ: mmɔ ewa uwa enɔ Baal, enyuŋ efɔp ŋkpɔ enɔ ndisɔi mbiet.

DANIEL 3:29

Ami nnyuŋ ŋwuk ewuhɔ, nte ke eyeda idut, ye obio, ye usem eke etiŋde se minenke edian Abasi Shadrach ye Meshach ye Abednego, ekpok mmɔ mbak-mbak, enyuŋ enim ufɔk mmɔ ke ekwe: koro baba Abasi efen eke ekemede ndinyaŋa ntem miduhe.

DANIEL 3:15

Edi edieke mbufo enyimede ndien ndiduɔŋɔ ke isɔŋ nnyuŋ ntuak ibuot nnɔ owo o-gold emi ŋkowukde, ke adaŋemi mbufo edikopde uyo obukpoŋ, ye ifiom, ye harp, ye sacbut, ye psaltery, ye dulcimer, ye kpukpru oruk ndido, ɔfɔn: edi mbufo mituakke ibuot, ke ndo-ndo emi eyemen mbufo eduɔk ke akwa ikaŋ eke asakde; ndien ewe abasi odu eke edikemede ndinyaŋa mbufo nsio mi ke ubɔk?

JEREMIAH 35:15

Ami ŋko nnyuŋ ndɔŋ kpukpru ikɔt mi mme prophet utom ke ɔtɔ mbufo, mbabak ndɔŋ, nte, Mbɔk, mbufo kpukpru ekabare ekpɔŋ idiɔk usuŋ mbufo, enyuŋ ekabare ido mbufo enam ɔfɔn, ekunyuŋ ebine mme abasi efen ndinam ŋkpɔ nnɔ mmɔ, ndien mbufo eyeduŋ ke isɔŋ emi ŋkɔnɔde mbufo ye mme ete mbufo: ndien mbufo ikpaŋke utɔŋ mbufo, inyuŋ ikopke inɔ mi.

ISAIAH 65:12

mmen mbufo nnim nnɔ ofut, kpukpru mbufo eyenyuŋ enuhɔ enɔ afai: koro ami ŋkotde, edi mbufo iyereke; ndɔhɔ, edi mbufo ikopke; mbufo enyuŋ enam se idiɔkde mi ke enyin, enyuŋ emek se mme-mmaŋa.

ISAIAH 59:16

Ndien enye okut ete ke owo baba kiet iduhe, onyuŋ eyik koro baba esine-ufɔt miduhe: ndien ubɔk esie anyaŋa ɔnɔ enye: edinen ido esiemɔ onyuŋ omum enye akama.

ISAIAH 43:16

Emi edi uyo Jehovah emi ɔnɔde usuŋ ke inyaŋ, ye ɔkpɔ-usuŋ ke mkpɔsɔŋ mmɔŋ.

ISAIAH 42:15

Nyesobo ikpɔ obot ye ŋkpri, nnyuŋ nnam kpukpru ikɔŋ mmɔ asat; nnyuŋ ŋkabare mme akpa mmɔŋ edi isuo, nnyuŋ nnam mkpɔdiɔhɔ-mmɔŋ esat.

EXODUS 14:21

Ndien Moses emenere ubɔk esie ke enyɔŋ inyaŋ; ndien Jehovah anam inyaŋ asaŋa ke ofim ikɔrabak, ke ofuri okoneyo oro, onyuŋ esin inyaŋ asat, ndien mmɔŋ abahare.

EXODUS 7:21

Ndien iyak emi edude ke akpa ekpaŋa; akpa onyuŋ aŋwaha, ndien nditɔ Egypt ikwe nte enwɔŋde mmɔŋ ke akpa; iyip onyuŋ odu ke ofuri isɔŋ Egypt.

EXODUS 7:18

Ndien iyak emi edude ke akpa eyekpaŋa, akpa eyenyuŋ etebe; ndien Egypt eyesua ndiŋwɔŋ mmɔŋ ke akpa.

JOHN 3:19

Ndien emi edi ke ererimbot, edi owo emama ekim ekan uŋwana; koro utom mmɔ ɔdiɔkde.

MARK 4:39

Ndien Enye edemere asua ɔnɔ ofim, onyuŋ ɔdɔhɔ inyaŋ ete, Dobo, na suŋ. Ndien ofim odobo, mmɔŋ onyuŋ ana suŋ-ŋ.

DANIEL 6:20

Ndien adaŋemi enye osimde obube oro, enye ada uyo mbɔm eseme okot Daniel. Edidem ɔbɔrɔ onyuŋ ɔdɔhɔ Daniel, ete, O Daniel, owo Abasi uwem, nte Abasi fo emi afo anamde ŋkpɔ esie kpukpru ini, emekeme ndinyaŋa fi mbɔ mme lion?

JEREMIAH 5:1

MBUFO ekanare mme efak Jerusalem, enyuŋ ese, enyuŋ efiɔk, enyuŋ eyom ke mme aŋwa esie, Mbufo ema ekut owo, owo eke anamde edinen ido, onyuŋ oyomde akpanikɔ, ama odu, ndien nyedahado nnɔ enye.

ISAIAH 63:13

emi akadade mmɔ usuŋ ke udem, ebiet horse ke wilderness, mmɔ ididuɔhɔ?

ISAIAH 51:10

Nte idige afo edi enye emi akanamde akamba mmɔŋ, kpa mmɔŋ akwa inyaŋ asat? emi ekesinde udem akwa mmɔŋ edi usuŋ, eke mmɔ eke ekefakde mmɔ ekpesaŋade ebe?

ISAIAH 41:28

Ndien nyese, edi owo iduhe; ye ke otu mme mmɔ emi, ndien baba ɔnɔ-item kiet iduhe; ndien nyebup mmɔ, ndien mmɔ eyebɔrɔ ikɔ.

ISAIAH 36:20

Mme anie ke otu kpukpru mme abasi mme idut emi edu eke ekesiode isɔŋ mmɔ ke ubɔk mi, eke Jehovah okposiode Jerusalem ke ubɔk mi?

ISAIAH 19:5

Ndien mmɔŋ eyesat ke inyaŋ, akpa mmɔŋ eyenyuŋ asat okure.

ŊWED MME PSALM 107:33

Enye anam mme akpa-mmɔŋ ekabare edi wilderness, anam mme idim ekabare edi edisat isɔŋ;

2 CHRONICLES 32:15

Mbufo, ndien, ekuyak Hezekiah abiaŋa mbufo, ekunyuŋ eyak enye esin mbufo enam ntem, mbufo ekunyuŋ enim uyo esie ke akpanikɔ: koro baba abasi idut ekededi, mme eke obio ekededi akanam mikemeke ndisio ikɔt mmɔ ke ubɔk mi, ye ke ubɔk mme ete mi: ŋwaŋwa ediso Abasi mbufo idikemeke ndisio mbufo ke ubɔk mi?

EXODUS 14:29

Edi nditɔ Israel esaŋa ke edisat isɔŋ ke ufɔt inyaŋ ebe; mmɔŋ onyuŋ ada mmɔ nte ibibene ke ubɔk nnasia ye ke ubɔk ufien.

JEREMIAH 8:6

Ŋkakpaŋ utɔŋ ŋkop, mmɔ idɔhɔke se inende: baba owo kiet ituaha mkpɔfiɔk ke idiɔk ido esie, ete, Ŋkanam nso? Kpukpru mmɔ ekabare eduk ke mbuba mmɔ, kpa nte horse obumerede oduk ke ekɔŋ.

ŊWED MME PSALM 106:9

enye onyuŋ ada mmɔ asaŋa ke udem, kpa nte ke wilderness.

DANIEL 6:27

Enye anyaŋa onyuŋ osio, onyuŋ anam mme idiɔŋɔ ye mme utibe ŋkpɔ ke enyɔŋ ye ke isɔŋ, emi akanyaŋade Daniel osio ke ubɔk mme lion.

JEREMIAH 7:13

Ndien ke emi ke Jehovah ɔdɔhɔ, ete, Koro mbufo enamde kpukpru ŋkpɔ emi, ndien ami ŋkɔdɔhɔ ye mbufo, mbabak ndɔhɔ, ndien mbufo ikopke; ŋkonyuŋ ŋkot mbufo, ndien mbufo iyereke;

ISAIAH 11:15

Ndien Jehovah eyesobo edeme inyaŋ Egypt; onyuŋ ofuŋ ubɔk esie ke enyɔŋ Akpa ke edifiop ofum esie, onyuŋ ɔtɔ enye esin ke idim itiaba, ndien ayak owo esaŋa ebe ke ikpat ukot.

ISAIAH 23:11

Enye ekemenere ubɔk esie ke enyɔŋ inyaŋ, enyeŋe mme idut: Jehovah ama ɔnɔ uyo abaŋa Canaan, ete ebiat mkpɔsɔŋ obio esie.

ISAIAH 44:27

emi ɔdɔhɔde inyaŋ ibom, ete, Sat, nyenyuŋ nnam mme akpa mmɔŋ fo asat:

ISAIAH 54:6

Koro Jehovah okotde fi, kpa nte ŋwan eke owo ɔduɔkde, eke esit onyuŋ ɔduɔde enye, ye nte ŋwan eyen, ke esiode enye, Abasi fo ɔdɔhɔ.

JEREMIAH 7:27

Dɔhɔ mmɔ ndien kpukpru ikɔ emi; edi mmɔ idikokpe uyo fo: nyuŋ fiori kot mmɔ: edi mmɔ idiyereke fi.

JEREMIAH 14:9

Nsinam afo ebietde owo mkpa-idem, ebiet ɔkpɔsɔŋ owo eke mikemeke ndinyaŋa? Ndien afo odu ke otu nnyin, O Jehovah, nnyin inyuŋ ikereke enyiŋ fo; kukpɔŋ nnyin.

JEREMIAH 35:14

Ke enim uyo Jonadab eyen Rechab emi enye eketemede nditɔ esie, ete ekuŋwɔŋ wine; ndien mmɔ iŋwɔŋke tutu osim mfin emi; koro mmɔ ekopde ewuhɔ ete mmɔ. Edi ami ŋkɔdɔhɔ mbufo, mbabak ndɔhɔ; ndien mbufo ikopke uyo mi.

HABAKKUK 3:8

Nte Jehovah ofiop esit ye mme akpa mmɔŋ? Nte iyaresit fo omosim mme akpa mmɔŋ? Nte ifuresit fo anam inyaŋ ibom, koro afo odorode ke mme horse fo ye ke mme chariot erinyaŋa fo?

ISAIAH 64:6

Nnyin kpukpru inyuŋ ibiet ŋkpɔ ndek, kpukpru nti ido nnyin enyuŋ ebiet edidehe ɔfɔŋidem; kpukpru nnyin inyuŋ iyemere nte ikɔŋ; mme idiɔk ido nnyin enyuŋ emen nnyin efep nte ofum.