ISAIAH 5:7 - Edisana ñwed Abasi Ibom

⁷ koro ufɔk Israel edide iŋwaŋ-vine Jehovah mme udim, mbio Judah enyuŋ edi mkpuk ŋkpɔ emi enemde enye: ndien enye onim enyin ke ikpe, edi, sese, afai; onim enyin ke se inende, edi, sese, eseme.

ISAIAH 5:7 ပူးပေါင်းရင်းမြစ်များ

GENESIS 4:10

Ndien Enye ete, Afo akanam nso? uyo iyip eyen-uka ke isɔŋ ke eseseme ɔnɔ mi.

2 SAMUEL 7:10

Mma nnyuŋ nnim ebiet nnɔ ikɔt mi Israel, nnyuŋ ntɔ mmɔ, ndien mmɔ eduŋ ke ɔtɔ mmɔ, idinyuŋ itimekede aba mmɔ; nditɔ idiɔk ido idinyuŋ itɔŋɔke aba ntak ituhɔ mmɔ, kpa nte akpa;

ŊWED JOB 34:28

Ndinam eseme mme ubuene osim enye, ndien enye okop eseme mbon-ukut.

ŊWED MME PSALM 147:11

Mmɔ eke ebakde Jehovah, ye mmɔ eke edoride enyin ke ima esie, enem enye esit.

ŊWED MME PSALM 149:4

Koro ikɔt Jehovah enemde enye esit: enye ada erinyaŋa abana mbon nsuk-esit.

ŊWED MME PSALM 80:15

ye nsehe emi ubɔk nnasia fo ɔkɔtɔde, ye eyen emi afo ɔbɔkde ɔnɔ idem fo.

EXODUS 3:7

Ndien Jehovah ɔdɔhɔ ete, Mmotim ŋkut ukut ikɔt mi emi edude ke Egypt, mmonyuŋ ŋkop eseme mmɔ ebaŋa mme otuk mmɔ; koro mfiɔkde ubiak mmɔ;

MME ŊKE 21:13

Owo eke esiride utɔŋ esie ke eseme ubuene, enye ke idem esie eyefiori, ndien owo eke eyerede ididuhe.

ECCLESIASTES 4:1

NDIEN ami ŋwɔŋɔre nnyuŋ nse kpukpru ufik emi enamde ke idak utin: ndien se mmɔŋ-eyet mmɔ emi owo efikde: ndien baba owo kiet eke ɔdɔŋde mmɔ esit iduhe; mme andifik mmɔ enyuŋ ekan mmɔ ubɔk; ndien baba owo kiet eke ɔdɔŋde mmɔ esit iduhe.

IKWƆ SOLOMON 7:6

O ima mi, afo eye didie, onyuŋ enem didie ke ŋkpɔ idaresit!

ISAIAH 1:21

Anam didie obio akpanikɔ akabare edi akpara! se inende ɔkɔyɔhɔ ke esit; eti ido ɔkɔduŋ ke esit; edi ke emi mme owot-owo.

ISAIAH 1:6

Ɔtɔŋɔde ke ikpat ukot tutu osim ke ibuot, baba nsɔŋidem iduhe ke esit; ke edi unan ye ŋkukip, ye obufa ufen: ifikke mmɔ, inyuŋ ibɔpke, inyuŋ iyetke mmɔ aran inam emem.

ISAIAH 27:2

Ke usen oro, mbufo ekwɔ ebaŋa vine ntem:

ISAIAH 3:14

Jehovah eyeda mbiowo ikɔt esie, ye mbɔŋ mmɔ oduk ke ikpe: “Mbufo ŋko emeta iŋwaŋ-vine; mbume mme ubuene odu ke ufɔk mbufo.

ISAIAH 3:15

Nsinam mbufo enuakde ikɔt mi, enyuŋ etukde mme ubuene iso?” Ntem ke Ɔbɔŋ Jehovah mme udim ɔdɔhɔ.

ISAIAH 3:17

mmɔdo Ɔbɔŋ eyenam etiŋe ibuot nditɔ-iban edi ibɔ, Jehovah eyenyuŋ ɔfuhɔre mmɔ iferi.

ISAIAH 30:12

Mmɔdo ntem ke Edisana Abasi Israel ɔdɔhɔ, ete, Koro mbufo esuade ikɔ emi, enyuŋ ebuɔtde idem mbufo ke utuk ye ŋkwaŋa, enyuŋ eberede idem ke esit:

ISAIAH 46:12

Mbufo mme ɔsɔŋ-esit, emi ekpɔŋde edisana ido anyan usuŋ, ekop uyo mi:

ISAIAH 5:2

Ndien enye ofuŋ isɔŋ, onyuŋ ataŋ itiat ke esit efep, onyuŋ ɔtɔ enye akpan vine ke esit onyuŋ ɔbɔp enye tower ke ufɔt, onyuŋ otibi enye obube wine ke esit. Ndien enye onim enyin, ete eye-ŋwum eti grape, edi enye oŋwum ɔbɔruduk.

ISAIAH 59:13

Ke inam idiɔk, isu nsu, ibaŋa Jehovah, ikabare ikpɔŋ Abasi nnyin, idɔhɔ ufik ye nsɔŋ-ibuot, iyomo inyuŋ itiŋ ikɔ nsu ke esit.

ISAIAH 59:14

Enyuŋ ebin edinen ido afiak edem, eti ido onyuŋ ada nsan-nsan: koro akpanikɔ ɔmɔduɔ ke aŋwa, se inende inyuŋ ikemeke ndiduk.

ISAIAH 59:4

Baba owo kiet ikotke (owo) ke edinen ido, baba kiet inyuŋ ikpehe ikpe ke akpanikɔ: mmɔ ebuɔt idem mmɔ ke se idide ikpikpu, enyuŋ edɔhɔ nsu; eyomo ibak, enyuŋ eman ukwaŋ-ŋkpɔ.

ISAIAH 62:5

Koro kpa nte akparawa ɔdɔde eyen-aŋwan, kpa ntre ke nditɔ-iren fo edidɔ fi: ndien kpa nte ɔdɔ-ŋwan adatde esit abaŋa ŋwan ndɔ, kpa ntre ke Abasi fo edidat esit abaŋa fi.

JEREMIAH 12:10

Ediwak mme ekpemerɔŋ emebiat iŋwaŋ-vine mi, emedigi udeme mi ke ukot, emenim edinem udeme mi ke desert nditaha.

JEREMIAH 24:2

Fig akpasa kiet ɔfɔn eti-eti, ebiet ŋwara-ndat fig: fig akpasa eken ediɔk ekaha, eke mikemeke ndidia, koro mmɔ ediɔkde ntem.

JEREMIAH 50:46

Uyo ete, “Emeda Babylon,” esin isɔŋ enyek, enyuŋ ekop eseme ke otu mme idut.

EZEKIEL 22:29

Mbio isɔŋ enam nnama, enyuŋ ewo ŋwo, enyuŋ efik eyen ukut ye ubuene, enyuŋ etuk esen owo ke ido eke minenke.

HOSEA 10:1

ISRAEL edi vine eke asiahade, enye oŋwum mfri ɔnɔ idem esie: adaŋa nte mfri esie awakde, itie-uwa esie enyuŋ ewak; adaŋa nte ɔfɔnde ye isɔŋ mmɔ, mmɔ enam edifɔn mbiet ŋkpɔ.

MICAH 6:12

Koro afai ɔyɔhɔde mbɔŋ esie ke idem, mme andiduŋ enye enyuŋ esu nsu; edeme mmɔ onyuŋ abiaŋa ke inua mmɔ.

MICAH 6:8

O owo, enye omowut fi se ifɔnde; ndien nso ke Jehovah oyom ye afo, ke mibɔhɔke ndinam se inende, nnyuŋ mma ima Abasi, nnyuŋ nsuk idem nsaŋa ye Abasi fo?

HABAKKUK 1:3

Nsinam afo owutde mi idiɔk ido, onyuŋ esede ukut? Nsobo ye afai enyuŋ edu mi ke iso; utɔk onyuŋ odu, eŋwan onyuŋ emen idem.

ZEPHANIAH 3:17

Jehovah Abasi fo odu ke ufɔt fo, ɔmɔsɔŋ; enye eyenyaŋa, eyedat esit abaŋa fi ke idara; enye eyedop uyo ke ima esie, eyebre abaŋa fi ke ikwɔ.

MATTHEW 23:23

Eyedɔdiɔk ɔnɔ mbufo, mme scribe ye mme Pharisee, mbon mbubik! koro mbufo esiode ubak ikɔŋ ye mfri ye mkpasip kiet ke itie duop enɔ Abasi, enyuŋ etrede ndinam ikpɔ ŋkpɔ ibet, ikpe, ye mbɔm, ye mbuɔtidem.

LUKE 18:7

Nte Abasi idinyuŋ isioho usiene inɔ ndimek ikɔt Esie, emi esemede enɔ Enye uwem-eyo ye okoneyo, okposuk edi nte Enye emede anyan ime ke ikɔ mmɔ?

JOHN 15:2

Kpukpru ŋkɔk ke idem Mi eke miŋwumke mfri, Enye osibe efep; ndien kpukpru ŋkɔk eke oŋwumde mfri, Enye ɔdiɔŋ, man oŋwum mfri awak akan.

DEUTERONOMY 15:9

Kpeme idem fo mbak ikɔ edidu ke idiɔk esit fo ete, Ɔyɔhɔ isua itiaba, isua eridahado emekpere: ndien enyin fo akabare ɔdiɔk ye eyen-usɔ emi edide ubuene, ndien afo etre ndinɔ enye; enye onyuŋ eseme ɔnɔ Jehovah abaŋa fi, ndien idiɔk ŋkpɔ ɔsɔp fi.

JAMES 5:4

Sese, utip mbio-utom emi edɔkde idɔk ke iŋwaŋ mbufo, eke mbufo emumde ekama ke ŋkanubɔk, ke ofofiori; eseme mbon-idɔk omonyuŋ oduk Ɔbɔŋ mme udim ke utɔŋ.