ISAIAH 5:23 - Edisana ñwed Abasi Ibom

²³ eke enamde ikpe asana idiɔk owo ebaŋa enɔ, enyuŋ ebɔde owo utebe-ikpe ndinen owo!

ISAIAH 5:23 ပူးပေါင်းရင်းမြစ်များ

1 NDIDEM 21:13

ata mme oburobut owo, eduk eketie ke iso Naboth: ndien mme oburobut owo oro etiŋ ikɔ ntiense edian enye Naboth, ke iso mbio-obio, ete, Naboth okosuŋi Abasi ye edidem. Ndien mmɔ esio enye eka ke edem obio, eketɔŋɔ enye ke itiat, ewot.

2 CHRONICLES 19:7

Eyak ndik Jehovah odoro mbufo, ndien; ekpeme idem enyuŋ enam: koro baba mme ukwaŋ-ŋkpɔ miduhe ye Jehovah Abasi nnyin, baba uteŋe-enyin, baba erida enɔ.

ŊWED MME PSALM 94:21

Mmɔ ewuk ewuhɔ ebaŋa ukpɔŋ edinen owo, enyuŋ enam ikpe otip iyip emi miduehe isop.

MME ŊKE 17:15

Eke akaŋde mme idiɔk owo, ye eke anamde ikɔ otip eti owo, Jehovah abat mbiba ke mbubiam.

MME ŊKE 17:23

Idiɔk owo osio enɔ ke ikpanesit, man oyut usuŋ ikpe.

MME ŊKE 24:24

Ifɔnke nditeŋe owo enyin ke ikpe. Owo ama ɔdɔhɔ idiɔk owo, ete, “Ikɔ etebe fi,” kpukpru owo eyesuŋi enye, mme idut eyesua enye.

ISAIAH 1:23

Mbɔŋ fo edi mbon nsɔŋ-ibuot, ye nsaŋa inɔ: kpukpru mmɔ esuk emama enɔ, enyuŋ ebine utip: mmɔ ikpehe ikpe eyen akpa, ikɔ ebe-akpa inyuŋ isimke mmɔ.

ISAIAH 10:1

IFƆNKE fɔn inɔ mmɔ eke ewukde ukwaŋ ewuhɔ, ye mme ewet-ŋwed ukut;

ISAIAH 10:2

man enuk mbon unana ke itie ikpe efep, enyuŋ eda ŋkanubɔk ebɔ mme ubuene ikɔt mi se inende, man mme ebe-akpa edi mbume mmɔ, man mmɔ enyuŋ ewo ŋwo ye nditɔ-akpa.

ISAIAH 28:7

Edi wine esin kpa mme mmɔ emi ŋko edue, mmin onyuŋ anam mmɔ etun usuŋ; mmin esin oku ye prophet edue, wine emen mmɔ esin ke idibi, mmin anam mmɔ etun usuŋ; mmɔ edue ke ŋkukut, eteŋ ke itie ikpe.

ISAIAH 29:21

emi enamde ikpe otip owo ke ikɔ, enyuŋ ekɔkde afia enɔ ebiere-ikpe ke inua-otop, enyuŋ eda nsu enuk edinen owo efep.

ISAIAH 32:7

Ndien ama edi afam, ŋkpɔ utom esie ediɔk: enye aduak uduak ŋkari, ete isobo mbon ukut ke ikɔ nsu, kpa ke adaŋemi eyen ubuene ɔdɔhɔde se inende.

ISAIAH 59:15

Ndien akpanikɔ anana; owo eke akabarede ɔkpɔŋ idiɔk onyuŋ onim idem esie ke ŋkpɔ mbume. Ndien Jehovah okut, ndien ɔdiɔk enye ke enyin, koro edinen ikpe miduhe.

AMOS 5:12

Koro mmɔfiɔk ediwak mme idiɔk ido mbufo, ye mkpɔsɔŋ ukwaŋ-ŋkpɔ mbufo: ke etuk nti owo, ke ebɔ utip, enyuŋ enuk mme ubuene efep ke inua-otop.

MICAH 3:11

Mme etubom esie ebiere ikɔ ke okuk, mme oku esie enyuŋ eteme owo ke inyene, mme prophet esie enyuŋ ebre mfa ke silver: ndien mmɔ ebere edem ye Jehovah, ete, Nte Jehovah iduhe ke otu nnyin? Idiɔk-ŋkpɔ idisimke nnyin.

MICAH 7:3

Ubɔk mbiba edoro ke idiɔk man etim enam: ɔbɔŋ ye ebierikpe ŋko eyom utip: akwa owo onyuŋ etiŋ se idɔŋde ukpɔŋ esie: ntem ke mmɔ ekwaŋa ŋkpɔ.

MATTHEW 23:35

man ofuri edinen iyip emi eduɔkde ke isɔŋ ɔkpɔkɔbɔ mbufo, ɔtɔŋɔde ke iyip edinen Abel, tutu osim iyip Zachariah, eyen Barachiah, emi mbufo ekowotde ke ufaŋ emi odude ke ufɔt temple ye itie-uwa.

DEUTERONOMY 16:19

Kuyut ikpe; kuteŋe owo enyin, kunyuŋ ubɔ enɔ: koro enɔ editibide mme enyene ibuot owo enyin, onyuŋ akwaŋde ikɔ owo eke enende.

JAMES 5:6

Mbufo emebiom edinen owo ikpe, emewot enye; enye iŋwanake ye mbufo.