ISAIAH 5:20 - Edisana ñwed Abasi Ibom

²⁰ Ifɔnke fɔn inɔ mmɔ eke edɔhɔde ebaŋa idiɔk, ete, Eti, ebaŋa eti, ete, Idiɔk: eke, enimde ekim ke uŋwana, enim uŋwana ke ekim; eke enimde idot ke iniŋe, enim iniŋe ke idot!

ISAIAH 5:20 ပူးပေါင်းရင်းမြစ်များ

MME ŊKE 17:15

Eke akaŋde mme idiɔk owo, ye eke anamde ikɔ otip eti owo, Jehovah abat mbiba ke mbubiam.

LUKE 16:15

Ndien Enye ɔdɔhɔ mmɔ ete, Mbufo edi mmɔ emi enamde owo ebat mbufo ke nti owo, edi Abasi ɔmɔfiɔk esit mbufo: koro se ikponde owo ke enyin edi mbubiam ke iso Abasi.

MALACHI 2:17

Mbufo emefek Jehovah ke ikɔ mbufo: ndien mbufo edɔhɔ ete, Nnyin ifek enye ke nso? Koro mbufo edɔhɔde ete, Kpukpru mmɔ eke enamde idiɔk efɔn ke iso Jehovah, mmɔ enyuŋ enem enye esit: edɔhɔ ete, Abasi ikpe odu mmɔŋ?

ŊWED JOB 17:12

ndinyene, emekibi efep. Mmɔ enim okoneyo ke uwemeyo; uŋwana emekpere ekim.

2 PETER 2:1

EDI mme prophet abiaŋa ema enyuŋ ebiɔŋɔre ke otu mbio-obio, kpa nte abiaŋa-abiaŋa mme anditeme edinyuŋ edude ke otu mbufo; mmɔ edisaŋa ndibe-ndibe, eda esen ukpep-ŋkpɔ eke osobode ukpɔŋ owo eduk etiene mbufo, edinyuŋ ekaŋ kpa Ɔbɔŋ emi akafakde mmɔ, edinyuŋ esin nsobo abuat idem mmɔ.

AMOS 5:7

Mbufo emi ekabarede ikpe edi etidot, enyuŋ emen se inende eduɔk ke isɔŋ;

MALACHI 3:15

Ndien ke emi nnyin ibat ite ke ɔfɔn ye mbon iseri; enyuŋ efori mme anam-idiɔk ŋko; mmɔ enyuŋ edomo Abasi ŋko, ndien ebɔhɔ.

ISAIAH 24:9

Mmɔ idiŋwɔŋke wine ke ikwɔ; mmin eyedoro mmɔ eke eŋwɔŋde enye.

ISAIAH 30:10

Emi edɔhɔde mbon ŋkukut, ete, mbufo ekukut; edɔhɔ mmɔ eke esede, ete, Mbufo ekuse edinen ŋkukut enɔ nnyin; etiŋ inem ikɔ enɔ nnyin: ekut ŋkpɔ nsu:

HABAKKUK 1:4

Oro esin ibet okpu, ikpe inyuŋ iwɔrɔke nte asaŋade ye akpanikɔ: koro mme idiɔk owo ekande nti owo ekuk; mmɔdo edikwaŋa ikpe ɔwɔrɔde.

EXODUS 23:7

Kubuana ke nsu-nsu ikɔ, kunyuŋ uwot owo eke miduehe isop, ye edinen owo: koro mmendiyakke ikpe etebe idiɔk owo.

DEUTERONOMY 25:1

KE adaŋemi ikɔ ediwɔrɔde ke otu owo, ndien mmɔ edi ikpe, man ekpe ikpe mmɔ yak ikpe asana owo eke enende, onyuŋ otip owo eke eduede.

MME ŊKE 4:17

Koro mmɔ esuk ededia uyo idiɔk ido, enyuŋ eŋwɔŋ wine afai.

ISAIAH 29:21

emi enamde ikpe otip owo ke ikɔ, enyuŋ ekɔkde afia enɔ ebiere-ikpe ke inua-otop, enyuŋ eda nsu enuk edinen owo efep.

ISAIAH 32:5

Idikotke aba oburobut owo, ite, Owo ntat-ubɔk, idinyuŋ idɔhɔke aba, ite afam atat ubɔk.

EZEKIEL 13:19

Nte mbufo eyenyuŋ esabare mi enɔ ikɔt mi ke uyɔhɔ ubɔk barley ye ke ŋkeŋe uyo, man ewot ukpɔŋ eke midikpaha, enyuŋ eda ukpɔŋ eke mididuhe uwem enim ke uwem, ke erisu emi mbufo esude enɔ ikɔt mi emi ekopde nsu.

MICAH 3:2

Emi esuade eti ŋkpɔ, enyuŋ emade idiɔk-ŋkpɔ; emi eyararede mmɔ ikpɔk ke idem, ye obuk mmɔ ke ɔkpɔ mmɔ efep;