ISAIAH 5:16 - Edisana ñwed Abasi Ibom

¹⁶ edi Jehovah mme udim okoŋ ke ikpe, enyuŋ ekut ete ke Abasi Ata Edisana asana ke edinen ido.

ISAIAH 5:16 ပူးပေါင်းရင်းမြစ်များ

1 CHRONICLES 29:11

O Jehovah, ubom, ye odudu, ye ubɔŋ, ye akakan, ye uteŋe edi okuomɔ: koro kpukpru ŋkpɔ ke enyɔŋ ye ke isɔŋ emenyene fi; O Jehovah, itie edidem edi okuo, afo onyuŋ okoŋ nte etubom kpukpru.

ŊWED MME PSALM 21:13

Menere idem fo. O Jehovah, ke nsɔŋidem fo; nnyin iyekwɔ, inyuŋ itoro odudu fo.

ŊWED MME PSALM 46:10

Mbufo edobo, enyuŋ efiɔk ete ke ami ndi Abasi: nyekpon ke otu mme idut, nyekpon ke ererimbot.

ŊWED MME PSALM 9:16

enye ekpe ikpe; utom ubɔk idiɔk owo esike owo ke idem esie. Higgaion. Selah.

ISAIAH 12:4

Ndien mbufo eyedɔhɔ ke usen oro, ete, Mbufo ekɔm Jehovah, eseme ekot enyiŋ esie, emen se enye anamde etaŋa enɔ mme idut, eti owo ete ke enyiŋ esie okoŋ.

ISAIAH 2:11

Mmenere-enyin owo ɔduɔ, ntaŋidem mbɔŋ onyuŋ ɔsuhɔre, ndien Jehovah ikpɔŋ-ikpɔŋ okoŋ ke usen oro.

ISAIAH 2:17

Ndien mmenere owo eyesuhɔre, ntaŋ-idem mbɔŋ onyuŋ ɔduɔ: ndien Jehovah ikpɔŋ-ikpɔŋ okoŋ ke usen oro.

ISAIAH 2:9

Ntre ke owo ɔsuhɔre, ɔbɔŋ onyuŋ ɔduɔ: kufen mmɔ, ndien.

ISAIAH 28:17

Ndien nyenim ikpe ke uruk udomo, nyenim se inende ke plummet: ndien edim itiat eyekpɔri ubɔhɔ nsu efep, mmɔŋ eyenyuŋ ɔtɔ ofuk ebiet udibe.

ISAIAH 29:23

Koro ke adaŋemi enye okutde nditɔ esiemɔ, emi ubɔk mi akanamde, ke ufɔt mmɔ, mmɔ eyenim enyiŋ mi ke edisana, eyenyuŋ enim Edisana Abasi Jacob ke edisana, enyuŋ ebak Abasi Israel.

ISAIAH 30:18

Ndien oto oro Jehovah eyebet, man atua mbufo mbɔm, oto oro nko Enye eyedaha ke enyɔŋ, man ɔfɔn ido ye mbufo: koro Jehovah edide Abasi edinen ido: ɔfɔfɔn ɔnɔ kpukpru mmɔ eke ebetde enye.

ISAIAH 33:10

Jehovah ɔdɔhɔ, ete, Mmɔŋ ndimenere; mmɔŋ ndidaha ke enyɔŋ, mmɔŋ ndimenere idem mi ke enyɔŋ.

ISAIAH 33:5

Jehovah emenere ke enyɔŋ: koro enye oduŋde ke edikoŋ ebiet: enye amada ikpe ye edinen ido ɔyɔhɔ ke Zion.

ISAIAH 57:15

Koro emi edi uyo Enye emi okoŋde, onyuŋ emenerede ke enyɔŋ, emi oduŋde ke nsinsi, enyiŋ esie onyuŋ edi edisana, ete, Ami nyeduŋ ke edikoŋ ye edisana ebiet, nyenyuŋ nduŋ ye enye emi otukde onyuŋ ɔsuhɔrede spirit esiemɔ, nte ndemere spirit mmɔ eke esuhɔrede idem mmɔ enim, nnyuŋ ndemere esit mmɔ eke etukde idem mmɔ.

ISAIAH 6:3

Ndien kiet ofiori okot kiet, onyuŋ ɔdɔhɔ ete, Edisana, edisana, edisana, Jehovah mme udim: ubɔŋ esie ke ɔyɔhɔ ke ofuri ererimbot.

ISAIAH 61:8

Koro ami Jehovah mmama ikpe, nsasua se edade ke ŋwo; ndien ami nyenɔ mmɔ ŋkpɔ eyen-utom mmɔ ke akpanikɔ, nnyuŋ ndiomi nsinsi ediomi ye mmɔ.

ISAIAH 8:13

Mbufo enim idem Jehovah mme udim ke edisana; eyak enye onyuŋ edi se mbufo ebakde enyuŋ edikhede.

EZEKIEL 20:41

Mbufo eyeda ufuɔŋkpɔ enem mi esit, ke ini nsiode mbufo ke otu mme idut oro mfep, nnyuŋ ntaŋ mbufo ke mme obio emi ŋkasuande mbufo ke otu mmɔ, mbon; ndien eyenim mi ke edisana ke otu mbufo ke enyin mme idut.

EZEKIEL 28:22

Ntem ke Ɔbɔŋ Jehovah ɔdɔhɔ, ete, Sese, ami mmɔŋ nnam ikɔ ye afo zidon, nyenyuŋ nda ukpono ke ufɔt fo: ndien mmɔ eyefiɔk ete ke ami ndi Jehovah, ke ini ndinamde ikpe ke esit, ndien eyenim mi ke edisana ke esit.

EZEKIEL 28:25

Ntem ke Ɔbɔŋ Jehovah ɔdɔhɔ ete; Ke ini emi ntaŋde ufɔk Israel mfep ke mme idut emi mmɔ ekesuanade ke otu mmɔ, ke mmɔ enyuŋ enimde mi ke edisana ke enyin mme idut, ndien mmɔ eyeduŋ ke isɔŋ mmɔ emi ŋkadade nnɔ owo mi Jacob.

EZEKIEL 36:23

Ɔbɔŋ Jehovah onyuŋ ɔdɔhɔ ete, Ndien nyemen edisana enyiŋ mi emi esabarede ke otu mme idut, emi mbufo esabarede enye ke ufɔt mmɔ, nnim ke edisana; ndien mme idut eyefiɔk ete ke ami ndi Jehovah, ke ini enimde mi ke edisana ke otu mbufo ke enyin mbufo.

EZEKIEL 38:16

afo eyenyuŋ ɔdɔk edi ekɔŋ ye ikɔt mi Israel, ebiet obubit enyɔŋ edifuk isɔŋ: edidi ke ini iso, nyenyuŋ nda fi nduk ke isɔŋ mi, man mme idut efiɔk mi, ke ini ndade fi Gog ŋwut nte nsanade ke enyin mmɔ.

EZEKIEL 38:23

Ami nyenyuŋ nnim idem mi ke akwa ye ke edisana, nnyuŋ nnam mmɔ efiɔk mi ke enyin ediwak mme idut. Ndien mmɔ eyefiɔk ete ke ami ndi Jehovah.

DANIEL 4:37

Ke emi ami Nebuchadnezzar ŋkɔm nnyuŋ ntoro nnyuŋ ŋkpono Edidem enyɔŋ, emi kpukpru se enye anamde edide akpanikɔ; mme usuŋ esie enyuŋ edi ikpe: ndien enye emekeme ndisuhɔre mmɔ eke esaŋade ke iseri.

LEVITICUS 10:3

Ndien Moses ɔdɔhɔ Aaron ete, Emi edi se Jehovah ɔdɔhɔde ete, Kpukpru mmɔ eke esaŋade ekpere mi, enyene ndise mi ke edisana, enyuŋ enyene ndikpono mi ke iso kpukpru owo. Ndien Aaron odop uyo.

NUMBERS 20:13

Emi edi mmɔŋ utɔk (Meribah), emi nditɔ Israel etɔhɔde ye Jehovah ebaŋa, ndien enye ada mmɔ ukpono ke idem.

ŊWED MBON ROME 2:5

edi ke nsɔŋesit fo ye unana erikabare-esit fo, ɔkɔ iyaresit onim ɔnɔ idem fo ke usen iyaresit ye eriyarare edinen ubiere-ikpe Abasi;

1 PETER 1:16

koro ewet ntem ete, Mbufo edisana, koro Ami ndide edisana

1 PETER 2:15

Koro Abasi aduak ntem ete, mbufo eda nti ido ekibi inua mbon ndisime, eke mifiɔkke se mmɔ etiŋde.

1 PETER 3:15

edi eteŋe Christ ke esit mbufo nte Ɔbɔŋ. Kpukpru ini ebeŋe idem ndibɔrɔ kpukpru owo eke edibupde mbufo ntak idori-enyin emi mbufo enyenede; edi ekpeme ndibɔrɔ ke suŋ-suŋ ido ye ke ido uteŋe;

ERIYARARE 3:7

Nyuŋ nɔ ŋwed esɔk angel ufɔk Abasi emi odude ke Philadelphia, ete: Ntem ke Enye emi edide edisana, emi edide ata akpanikɔ, emi enyenede ukpɔhɔre David, emi ɔkpɔhɔrede, ndien baba owo kiet iberike; onyuŋ eberide, ndien baba owo kiet ikpɔhɔkere, ɔdɔhɔ ete, Mmɔfiɔk mme utom fo.

ERIYARARE 4:8

Ndien ŋkpɔ-uwem inaŋ oro enyene mba itiokiet, emi enyin eyɔhɔde mmɔ ke enyɔŋ ye ke esit. Mmɔ inyuŋ inyeneke nduɔk-odudu ke uwem-eyo ye ke okoneyo, esuk edɔdɔhɔ ete, Edisana, edisana, edisana, Jehovah Abasi, Andikara kpukpru ŋkpɔ. Enye emi okodude-du, emi onyuŋ odude-du, emi edinyuŋ edide.