ISAIAH 5:13 - Edisana ñwed Abasi Ibom

¹³ Mmɔdo etaŋde ikɔt mi efep, koro ifiɔk miduhe: ndien mbɔŋ mmɔ ekabare edi mbon ɔbiɔŋ, itɔŋ onyuŋ asat mbio-obio mmɔ.

ISAIAH 5:13 ပူးပေါင်းရင်းမြစ်များ

2 NDIDEM 17:6

Ke ɔyɔhɔ isua Hoshea usukkiet, edidem Assyria ada Samaria, onyuŋ ataŋ Israel ɔnyɔŋ ke Assyria, okonim mmɔ ke Halah, ye ke Habor, ke mben akpa Gozan, ye ke mme obio nditɔ Media.

MME ŊKE 10:21

Mkpɔk-inua owo eti ido ebɔk ediwak owo: edi mbon ndisime ekpaŋa ke unana-ibuot.

ISAIAH 1:3

Enaŋ ɔfiɔk andinyene enye, ass onyuŋ ɔfiɔk ebiet eke ete esie onimde udia ɔnɔ enye: Israel ifiɔkke, ikɔt mi ikereke.

ISAIAH 1:7

Esobo isɔŋ mbufo, mme obio mbufo eta ikaŋ; ama edi obot iŋwaŋ mbufo, isen owo ke edia enye ke iso mbufo, enyuŋ esobo enye nte ŋkpɔ eke isen owo ebiatde.

ISAIAH 23:9

Jehovah mme udim aduak emi, man enye abiat iseri ofuri ubɔŋ, onyuŋ ɔsuhɔre kpukpru mbon ukpono ererimbot.

ISAIAH 27:11

Ke ini ŋkɔk esie esatde, eyebuŋ mmɔ efep; iban eyedi, edibara ikaŋ ke esit: koro mmɔ midige mbon asian; oro esin Andinam mmɔ mituaha mmɔ mbɔm, esin Andibot mmɔ mifɔnke ido ye mmɔ.

ISAIAH 3:1

KORO, sese, Ɔbɔŋ Jehovah mme udim Ɔmɔŋ emen iberesit ye iberedem ke Jerusalem ye ke Judah efep, ofuri iberesit ke uyo, ye ofuri iberesit ke mmɔŋ,

ISAIAH 3:3

ye etubom owo aba ye duop, ye akamba owo, ye ɔnɔ-item, ye ɔfiɔk-ubɔk-utom, ye ɔfiɔkŋkpɔ idiɔŋ.

ISAIAH 44:19

Ndien enye inyimeke ndikabare ŋkere ke esit esie, ifiɔk ye eti ibuot inyuŋ iduhe du, eke enye ɔkpɔdɔhɔde, ete, Mma mfɔp ubak ke ikaŋ; mma nsaŋ uyo ŋko ke ebok ikaŋ esie; mma mfɔp unam nnyuŋ nta: ndien nte ndida se isuhɔde nnam ŋkpɔ mbubiam? nte ndinuhɔ nnɔ ekpat eto?

ISAIAH 49:21

Ndien afo eyedɔhɔ ke esit fo, ete, Anie akaman mme mmɔ emi ɔnɔ mi, ndien ami ŋkanana nditɔ, nnyuŋ ndi ada, ndi ibuot-ekɔŋ, ye owo eke etaŋde efep? Anie ɔkɔbɔk mme mmɔ emi? Sese, ami nsuk ikpɔŋ ke idem mi: mme mmɔ emi eto mmɔŋ?

ISAIAH 65:13

Mmɔdo, ntem ke Ɔbɔŋ Jehovah ɔdɔhɔ, ete, Sese, ikɔt mi eyedia ŋkpɔ, edi biɔŋ eyedɔŋ mbufo: sese, ikɔt mi eyeŋwɔŋ, edi itɔŋ eyesat mbufo: sese, ikɔt mi eyedat esit, edi but eyenam mbufo: sese,

JEREMIAH 14:18

Edieke ŋwɔrɔde ke iŋwaŋ, sese, mmɔ emi ekpaŋade ke ofut! ndien edieke ndukde ke obio, sese, mmɔ emi edɔŋɔde biɔŋ! koro mme prophet ye mme oku ŋko ediyode eka idut eke mmɔ mifiɔkke.

JEREMIAH 14:3

Ndien mbɔŋ mmɔ edɔŋ nditɔwɔŋ mmɔ mmɔŋ; mmɔ esim obube, ikwe mmɔŋ; efiak ye ukpɔk abaŋ mmɔ ke ubɔk; but ye esuene enam mmɔ, ndien mmɔ efuk ibuot mmɔ.

JEREMIAH 8:7

Idem stork ke ikpa-enyɔŋ ɔmɔfiɔk edikem ini esie; turtle ŋko, ye akaraŋ Abasi, ye akpantana ekpeme ini eke mmɔ edide; edi ikɔt mi ifiɔkke ikpe Jehovah.

ŊWED ESEME 4:9

Ɔfɔn ye mmɔ eke ofut owotde, akan mmɔ eke akaŋ owotde: koro mmɔ oro eyemerede, enyuŋ etie nte ekekim mmɔ, koro mbuŋwum iŋwaŋ miduhe.

EZEKIEL 7:12

Ini emedi usen emekpere: owo eke edepde ididatke esit; owo eke anyamde idinyuŋ ituaha: koro ifuresit odorode ofuri otu owo esie.

HOSEA 4:6

Unana ifiɔk (Abasi) omosobo ikɔt mi: koro afo ɔduɔkde ifiɔk, ami ŋko nyeduɔk fi, nte okudi oku ɔnɔ mi: koro afo onyuŋ efrede mbet Abasi fo, ami ŋko nyefre nditɔ fo.

AMOS 8:13

Ke usen oro ndiye nditɔ-iban ye mkparawa eyekpa mba ke nsat-itɔŋ:

LUKE 19:44

eyenyuŋ esuhɔre fi enim ke isɔŋ, ye nditɔ fo emi eduŋde fi ke esit; ndien idikpɔŋke itiat kiet ke enyɔŋ itiat eken ke esit fo; koro afo mukɔdiɔŋɔke ini eke Abasi edide edise fi.

ŊWED MBON ROME 1:28

Ndien sia mmɔ esinde ndinyene Abasi ke ifiɔk mmɔ, Abasi ada mmɔ ayak ɔnɔ obukpo esit ndinam mme ido eke midotke;

2 PETER 3:5

Koro ekoi efre ete, tutuko ikpa-enyɔŋ ama odu, ye isɔŋ emi ikɔ Abasi okosiode ke mmɔŋ owuk onyuŋ adade mmɔŋ obot;