ISAIAH 48:9 - Edisana ñwed Abasi Ibom

⁹ Nyekpɔnɔre kaŋa iyaresit mi nnim mbaŋa enyiŋ mi, nyenyuŋ mmum enye ŋkama nnɔ fi mbaŋa itoro mi, mbak ndisibe fi mfep.

ISAIAH 48:9 ပူးပေါင်းရင်းမြစ်များ

ŊWED MME PSALM 106:8

Ndien enye anyaŋa mmɔ ke abaŋa enyiŋ esiemɔ; man anam mmɔ efiɔk odudu esie. Enye onyuŋ aduari Ididuot Inyaŋ, ndien Inyaŋ asat:

ŊWED MME PSALM 143:11

O Jehovah, nam itɔŋ uwem ɔsɔŋ mi, baŋa enyiŋ fo: da edinen ido fo sio ukpɔŋ mi ke nnan-enyin.

ŊWED MME PSALM 25:11

Dahado ntem ke ndudue mi koro okponde, baŋa enyiŋ fo, O Jehovah.

ŊWED MME PSALM 78:38

Ndien enye enyene-mbɔm osio isop idiɔk ido mmɔ, inyuŋ isoboke mmɔ: Edi awak ndikabare ŋkpɔŋ iyaresit esie, inyuŋ idemekede ofuri ifuresit esie.

ŊWED MME PSALM 79:9

O Abasi erinyaŋa nnyin, bɔ nnyin ubɔk, baŋa ubɔŋ enyiŋ fo: nyuŋ babare nnyin, nyuŋ dahado ke mme idiɔk ido nnyin, baŋa enyiŋ fo.

MME ŊKE 19:11

Mbufiɔk owo iyakke enye ɔsɔp iyaresit: onyuŋ eye enye ndifen ndudue.

ISAIAH 30:18

Ndien oto oro Jehovah eyebet, man atua mbufo mbɔm, oto oro nko Enye eyedaha ke enyɔŋ, man ɔfɔn ido ye mbufo: koro Jehovah edide Abasi edinen ido: ɔfɔfɔn ɔnɔ kpukpru mmɔ eke ebetde enye.

ISAIAH 37:35

Emi edi uyo Jehovah. Ndien ami nyekpeme obio emi nnyuŋ nnyaŋa enye, mbaŋa idem mi, nnyuŋ mbaŋa David owo mi.

ISAIAH 43:25

Ami, ami ndi andisɔhi mme idiɔk ido fo mfep mbaŋa idem mi, ndinyuŋ ntihi mme ukwaŋ-ŋkpɔ fo.

ISAIAH 48:11

Nyenam mbaŋa idem mi, kpa idem mi: koro edinam didie esabare enyiŋ mi? Ndinyuŋ ndaha ubɔŋ mi nnɔ owo efen.

ISAIAH 65:8

Ntem ke Jehovah ɔdɔhɔ, ete, Kpa nte ekutde obufa wine ke etuek vine, owo onyuŋ ɔdɔhɔ ete, Kusobo enye: koro eti ŋkpɔ odude enye ke esit: kpa ntre ke ndinam mbaŋa ikɔt mi, man ŋkusobo kpukpru.

JEREMIAH 14:7

Okposuk edi nte mme idiɔk ido nnyin ebɔrɔde ebaŋa nnyin, O Jehovah, nam baŋa enyiŋ fo: koro mfiakedem nnyin awakde; nnyin imanam idiɔk ye afo.

EZEKIEL 20:14

Ndien nnam ntre mbaŋa enyiŋ mi, man ekusabare enye ke enyin mme idut emi ŋkosiode mmɔ ke esit ke enyin mmɔ.

EZEKIEL 20:22

Ndien ŋkabare ubɔk mi nnyuŋ nnam ntre mbaŋa enyiŋ mi, man ekusabare enye ke enyin mme idut, emi ŋkosioŋode ke enyin mmɔ mfep.

EZEKIEL 20:44

Ndien mbufo eyefiɔk ete ke ami ndi Jehovah, ke ndinamde mbufo mbaŋa enyiŋ mi, isaŋake ye mme idiɔk usuŋ mbufo, ye ido mbufo emi ebiarade, O ufɔk Israel: uyo Ɔbɔŋ Jehovah edi emi.

EZEKIEL 20:9

Ndien ŋkanam ntre mbaŋa enyiŋ mi, man ekusabare mi ke enyin mme idut emi mmɔ edude ke otu mmɔ, emi ŋwutde mmɔ idem mi ke iso mmɔ, man nsio mmɔ ke isɔŋ Egypt mfep.

EZEKIEL 36:21

Ndien edisana enyiŋ mi emi ufɔk Israel esabarede ke otu mme idut emi mmɔ ekade do, enyene mi mbɔm.

JOSHUA 7:9

Mme Canaanite ye kpukpru mme andiduŋ isɔŋ emi, eyenyuŋ ekop, enyuŋ ekan nnyin ekuk, enyuŋ esibe enyiŋ nnyin ke isɔŋ efep: ndien afo edinam didie ye akwa enyiŋ fo?

1 SAMUEL 12:22

Koro Jehovah midikpɔŋke ikɔt esie ke abaŋa akamba enyiŋ esiemɔ: koro Jehovah amama ndinim mbufo ke ikɔt esiemɔ.