ISAIAH 48:4 - Edisana ñwed Abasi Ibom

⁴ Oto koro ŋkɔfiɔkde nte ke afo ɔsɔsɔŋ ibuot, itɔŋ fo onyuŋ edi idut ukwak, ɔkpɔ-iso fo onyuŋ edi okpoho;

ISAIAH 48:4 ပူးပေါင်းရင်းမြစ်များ

2 NDIDEM 17:14

Ndien mmɔ inyimeke ndikop, edi esɔŋ obot itɔŋ mmɔ nte itɔŋ mme ete mmɔ, emi mikenimke uyo Jehovah Abasi mmɔ ke akpanikɔ.

2 CHRONICLES 30:8

Mbufo ekusɔŋ, ndien, obot-itɔŋ mbufo, nte mme ete mbufo, edi esuk idem enɔ Jehovah, enyuŋ edi ke edisana ebiet esie, emi enye anamde asana ke nsinsi: enyuŋ enam ŋkpɔ Jehovah Abasi mbufo, man ikaŋ iyaresit esie ɔwɔŋɔre ɔkpɔŋ mbufo.

2 CHRONICLES 36:13

Enye onyuŋ ɔsɔŋ ibuot ye edidem Nebuchadnezzar, emi akanamde enye otomo Abasi: enye onyuŋ ɔsɔŋ obot-itɔŋ esie, onyuŋ ɔsɔŋ esit esie, ete ikufiak itiene Jehovah Abasi Israel.

NEHEMIAH 9:28

Ndien ke adaŋemi mmɔ ekutde nduɔk-odudu, mmɔ etɔŋɔ ntak enam idiɔk ke iso fo, ndien afo ɔkpɔŋ mmɔ ke ubɔk mme asua mmɔ eke ekarade mmɔ. Edi adaŋoro mmɔ etɔŋɔde ntak eseme enɔ fi, afo etie ke enyɔŋ okop, onyuŋ anyaŋa mmɔ ediwak ini ke mbɔm fo.

ŊWED MME PSALM 75:5

Ekumenere nduk mbufo enim ke edikoŋ ebiet: ekudɔhɔ ke itɔŋ iseri.

ŊWED MME PSALM 78:8

ndien ekutie nte mme ete mmɔ, emana nsɔŋ-ibuot ye emiom, emana eke mi-timke esit mmɔ; ndien spirit mmɔ isɔŋɔke ida ye Abasi.

EXODUS 32:9

Jehovah onyuŋ ɔdɔhɔ Moses, ete, Mmokut mbio emi, ndien sese, mmɔ edi mbon nsɔŋ-ibuot:

EXODUS 33:3

Dɔk ke isɔŋ emi ɔfiɔrɔde mmɔŋ-eba ye aran-ɔkwɔk: koro mmendisaŋake ke otu mbufo ndɔk; koro mbufo edide mbon nsɔŋ-ibuot: mbak ndibiat mbufo ke usuŋ.

EXODUS 33:5

Koro Jehovah ɔkɔdɔhɔde Moses, ete, Dɔhɔ nditɔ Israel, ete, Mbufo edi mbon nsɔŋibuot; ŋkpasaŋa ke otu mbufo ini esisit, ŋkposobo mbufo; esioŋo ndien ŋkpɔ mbana mbufo ke idem efep, man mfiɔk se ndinamde mbufo.

EXODUS 9:7

Ndien Pharaoh ɔdɔŋ (ekese), ndien sese, baba ufene Israel kiet ikpaha. Edi esit Pharaoh osuk ɔsɔŋ, enye inyuŋ iyakke mbon oro eka.

MME ŊKE 29:1

OWO eke ewakde ndidua-ri enye, ndien enye ɔsɔŋ obot itɔŋ, eyebiara usɔp-usɔp, ndien ididige nte ekɔkde enye.

ISAIAH 30:9

Koro mmɔ edide mbon nsɔŋibuot, nditɔ nsu, nditɔ eke minyimeke ndikop mbet Jehovah.

ISAIAH 46:12

Mbufo mme ɔsɔŋ-esit, emi ekpɔŋde edisana ido anyan usuŋ, ekop uyo mi:

JEREMIAH 19:15

Ntem ke Jehovah mme udim Abasi Israel ɔdɔhɔ ete, Sese, mmɔŋ nda ofuri idiɔk-ŋkpɔ oro ŋkɔdɔhɔde mbaŋa enye, ntiene obio emi, ye kpukpru obio-iŋwaŋ esie, koro mmɔ esɔŋɔde obot-itɔŋ mmɔ, ndien mikopke uyo mi.

JEREMIAH 3:3

Mmɔdo ekekpande ukwɔ, ukperedem edim mikonyuŋ idige; ndien afo emenyene ɔkpɔ-iso akpara, unyimeke ndikut but.

JEREMIAH 5:3

O Jehovah, nte enyin fo isehe akpanikɔ? Afo ɔkɔtɔ mmɔ, edi mmɔ ikopke ubiak; afo okosobo mmɔ, mmɔ inyimeke ndikop item: esɔŋɔ iso mmɔ ekan itiat; inyimeke ndifiak ndi.

JEREMIAH 7:26

ndien mmɔ ikopke uyo mi, inyuŋ ikpaŋke utɔŋ mmɔ, edi esɔŋ obot-itɔŋ mmɔ: ediɔk ekan mme ete mmɔ.

EZEKIEL 2:4

Ndien mmɔ enyuŋ edi nditɔ usɔŋ enyin ye eke itun esit. Mmɔŋ ndɔŋ fi utom ke ebiet mmɔ; dɔhɔ mmɔ ndien, ete, Ntem ke Ɔbɔŋ Jehovah ɔdɔhɔ.

DANIEL 5:20

Ndien ke ini enye emenerede esit esie ke enyɔŋ, spirit esie onyuŋ akabarede ɔsɔŋ, onyuŋ eseride iseri, esio enye ke ebekpo ubɔŋ esie esuhɔre, enyuŋ ebɔ enye ukpono esie efep:

UTOM MME APOSTLE 7:51

Mbufo mbon nsɔŋ-ibuot, emi minaŋa mbobi ke esit ye utɔŋ, mbufo etak ndiŋwaŋwana ye Edisana Spirit kpukpru ini: nte mme ete mbufo ekenamde kpa ntre ke mbufo enam.

ŊWED MBON ROME 2:5

edi ke nsɔŋesit fo ye unana erikabare-esit fo, ɔkɔ iyaresit onim ɔnɔ idem fo ke usen iyaresit ye eriyarare edinen ubiere-ikpe Abasi;

DEUTERONOMY 10:16

Mbufo enim ndien esit mbufo mbobi, ekunyuŋ etun aba itun.

DEUTERONOMY 31:27

Koro ami mmɔfiɔk nsɔŋ-ibuot fo, ye itun fo: kam sese, ke ami ndodu uwem ye mbufo mfin emi, mbufo esɔŋ ibuot ye Jehovah: ŋwaŋwa ediso adaŋemi ndikpade!

MME HEBREW 3:13

Edi enɔ kiet eken item kpukpru usen adaŋa nte ini ekerede mfin mbak, idiɔk-ŋkpɔ edida abiaŋa esie ɔsɔŋ owo ekededi ke otu mbufo esit: