ISAIAH 45:9 - Edisana ñwed Abasi Ibom

⁹ Ɔdiɔk ɔnɔ owo eke aŋwanade ye andibot enye! Mfiɔk kiet ke otu mfiɔk mbat. Nte mbat ɔdɔhɔ andibot, ete, Afo anam nso? Nte utom fo ɔdɔhɔ, ete, Enye inyeneke ubɔk?

ISAIAH 45:9 ပူးပေါင်းရင်းမြစ်များ

ŊWED JOB 10:9

Mbɔk, ti ete ke afo akanam mi nte mbat-eso, ndien ɔmɔŋ anam mi mfiak ke ntan!

ŊWED JOB 33:13

Nsinam afo ɔtɔhɔde ye enye, koro enye mibɔrɔke ibaŋa ŋkpɔ esie baba kiet?

ŊWED JOB 40:2

Nte andisua nnɔ Abasi edibɔrɔ?

ŊWED JOB 9:12

Sese, enye omum: anie edibin enye efep? Anie edidɔhɔ enye, ete, Afo anam nso?

ŊWED JOB 9:4

Anie ɔsɔŋ ibuot ye enye, ndien okut ifure?

MME ŊKE 21:30

Baba eti ibuot, baba mbufiɔk, baba item eke ekemde ye Jehovah iduhe.

ECCLESIASTES 6:10

Ama edi ŋkpɔ ekededi eke odude, ekekot enyiŋ esie tutuko, enyuŋ efiɔk ete ke enye edi owo, enye inyuŋ ikemeke ndiŋwana ye Andisɔŋ ŋkan enye.

ISAIAH 10:15

Nte ekuri ekeme ndibure mbure ŋkan andida enye ŋkpi? Nte uyɔk-ŋkpɔ ekeme ndimenere idem ŋkan andida enye nyɔk? Eto ikemeke ndimen andikama enye, esaŋ ikemeke ndimen se midige eto.

ISAIAH 29:16

Se ŋkwaŋa mbufo! Nte ekpebat obot-eso nte mbat eso? Emi utom ɔdɔhɔde andinam enye, ete, Idige enye anam mi? Emi ŋkpɔ eke ebotde ɔdɔhɔde andibot enye, ete, Enye inyeneke ibuot?

ISAIAH 45:10

Ɔdɔdiɔk ɔnɔ owo eke ɔdɔhɔde Ete esie, ete, Afo edibon nso? Ɔdɔhɔ ye ŋwan, ete, Afo ediman nso?

ISAIAH 64:7

Ndien baba owo kiet iduhe eke okotde fi enyiŋ, onyuŋ edemerede idem esie ete imum fi ikama: koro afo omodip nnyin iso fo, onyuŋ anam nnyin itak ke mme idiɔk ido nnyin.

ISAIAH 64:8

Ke emi, ndien, O Jehovah, afo edi ete nnyin; nnyin idi mbat-eso, ndien edi afo andibot nnyin; nnyin kpukpru inyuŋ idi se ubɔk fo akanamde.

JEREMIAH 18:6

Jehovah ɔdɔhɔ, ete, O ufɔk Israel, nte ndikemeke ndinam ye mbufo kpa nte andibot eso emi anamde? Sese, nte mbat eso emi odude andibot ke ubɔk, kpa ntre ke mbufo edu mi ke ubɔk, O ufɔk Israel.

JEREMIAH 36:29

Nyuŋ dɔhɔ Jehoiakim edidem Judah, ete, Ntem ke Jehovah ɔdɔhɔ ete, Afo ɔkɔfɔp ŋwed oro, ete, Nsinam afo ekewetde ke esit ete, Edidem Babylon iditreke ndidi ndisobo obio emi, nnyuŋ nnam owo ye unam ekure ke esit?

JEREMIAH 50:24

Ami ŋkɔkɔk afia nnɔ fi, emenyuŋ emum fi, O Babylon, ndien afo ukɔfiɔkke: ekekut fi enyuŋ emum, koro afo akaŋwanade eŋwan ye Jehovah.

DANIEL 4:35

ndien ebat kpukpru mme andiduŋ isɔŋ ke ikpikpu: enye onyuŋ anam kpa nte enye amade ke otu mme udim enyɔŋ ye ke otu mme andiduŋ isɔŋ: ndien baba owo kiet eke edituakde enye ubɔk, onyuŋ ɔdɔhɔde enye, ete, Afo amanam nso? iduhe.

1 ŊWED CORINTH 10:22

Mme, nte nnyin inanam Ɔbɔŋ ofibe ufup? Nte imenyene odudu ikan Enye?