ISAIAH 45:3 - Edisana ñwed Abasi Ibom

³ ndien nyenɔ fi unim ŋkpɔ uto ekim, ye inyene eke odobide, man afo ɔfiɔk, ete ke edi ami Jehovah emi ŋkotde fi enyiŋ, kpa Abasi Israel.

ISAIAH 45:3 ပူးပေါင်းရင်းမြစ်များ

2 CHRONICLES 6:17

O Jehovah Abasi Israel, kam yak uyo fo oro afo ɔkɔdɔhɔde owo fo David akam osu.

EZRA 1:2

Ntem ke Cyrus edidem Persia ɔdɔhɔ, ete, Jehovah Abasi enyɔŋ ɔmɔnɔ mi kpukpru mme idut ererimbot, omonyuŋ eteme mi, ete ndiɔŋ ufɔk Jerusalem emi odude ke Judah nnɔ imɔ.

EXODUS 33:12

Ekem Moses ɔdɔhɔ Jehovah, ete, Sese afo ɔmɔdɔhɔ mi, ete, Da mbio emi usuŋ; edi afo ukausianke mi enye emi afo edidɔŋde asaŋa ye ami: nte afo omonyuŋ ɔdɔhɔ ete ke ɔmɔfiɔk enyiŋ mi, omonyuŋ enen iso ye ami.

EXODUS 33:17

Ndien Jehovah ete Moses, Nyenam idem ŋkpɔ emi afo ɔdɔhɔde: koro nnende iso ye afo, mmonyuŋ mfiɔk enyiŋ fo.

ISAIAH 41:23

Mbufo etiŋ se ididide ke ukperedem, ndien nnyin iyefiɔk ite ke mbufo edi Abasi: enam eti ŋko enyuŋ enam idiɔk, ndien nnyin iyese kiet eken, inyuŋ ikut ini kiet.

ISAIAH 43:1

NDIEN ntem ke Jehovah, emi akanamde fi, Jacob, okonyuŋ obotde fi, Israel, ɔdɔhɔ ete, Kufehe; koro ami mfakde fi, ŋkosio fi enyiŋ; afo edi okimmɔ.

ISAIAH 48:15

Ami, kpa ami, ŋkɔdɔhɔ; ŋkot enye edi ŋko: nda enye ndi, ndien enye okut unen ke usuŋ esie.

ISAIAH 49:1

MBUFO mme isuo ekop uyo mi: mbufo mme idut nyom-usuŋ, ekpaŋ utɔŋ enɔ mi; Jehovah okokot mi ke itie-eyen; eketiŋ enyiŋ mi ke idibi eka mi.

JEREMIAH 41:8

Ndien ekut owo duop ke otu mmɔ, ndien mmɔ edɔhɔ Ishmael, ete, Kuwot nnyin: koro nnyin inyenede ŋkpɔ eke edibede ke iŋwaŋ, kpa wheat, ye barley, aran, ye aran-ɔkwɔk. Ndien enye ayak etie, inyuŋ iwotke mmɔ ke otu nditɔ-ete mmɔ.

JEREMIAH 50:26

Mbufo eto ke ata anyan ebiet etiene enye, eberere usuŋ unim-ŋkpɔ esie: ekubi enye kpa nte otu, enyuŋ esobo enye fap: ekusuhɔ baba ŋkpɔ kiet enɔ enye.

JEREMIAH 50:37

Ofut omodoro horse mmɔ, ye mme chariot mmɔ, ye ke idem mbuaha owo emi edude enye ke esit; ndien mmɔ eyekabare edi iban: ofut omodoro ke ebiet unim ŋkpɔ esie, ndien eyebume mmɔ.

JEREMIAH 51:13

Afo emi etiede ke itie akwa mmɔŋ, awak ke inyene, utit fo emedi, ye idomo ŋwo fo.

JEREMIAH 51:53

Koro Babylon ɔdɔkde ke enyɔŋ, koro enye onyuŋ ɔsɔŋɔde edikoŋ odudu esie, owo eke edibiatde eyeto mi esim enye. Emi edi uyo Jehovah.