ISAIAH 43:3 - Edisana ñwed Abasi Ibom

³ Koro ami Jehovah ndide Abasi fo; ami Edisana Abasi Israel, ndi Andinyaŋa fi: nda Egypt nnɔ ke ŋkpɔ-ufak fo, nnɔ Kush ye Sheba ke ibuot fo.

ISAIAH 43:3 ပူးပေါင်းရင်းမြစ်များ

GENESIS 10:7

Ndien nditɔ Cush; Seba, ye Havilah, ye Sabtah, ye Raamah, ye Sabteca: ndien nditɔ Raamah;

ŊWED MME PSALM 72:10

Ndidem Tarshish ye eke mme isuo eyetomo utomo: ndidem Sheba ye Seba eyeda enɔ edi.

EXODUS 10:7

Ndien ikɔt Pharaoh edɔhɔ enye ete, Adaŋa didie ke owo emi edidi afia nnyin? Yak mbio oro eka, man ekenam ŋkpɔ enɔ Jehovah Abasi mmɔ: nte afo ufiɔkke kaŋa ete Egypt amatak?

EXODUS 20:2

Jehovah Abasi fo, emi ŋkosiode fi ke isɔŋ Egypt, ke ufɔk ufin mfep.

MME ŊKE 11:8

Eyesio owo eke enende ke nnanenyin efep, ndien idiɔk owo eyeduk ke itie esie.

MME ŊKE 21:18

Idiɔk owo eyedi ufak eti owo: ndien eyekaŋa owo abiaŋa ke ibuot mbon edinen ido.

ISAIAH 19:20

Ndien enye eyeda nte ŋkpɔ idiɔŋɔ ye ntiense ɔnɔ Jehovah mme udim ke isɔŋ Egypt: koro mmɔ esemede enɔ Jehovah ebaŋa mmɔ eke etukde mmɔ, ndien enye eyedɔŋ andinyaŋa eke edide akamba, onyuŋ anyaŋade mmɔ.

ISAIAH 20:3

Ndien Jehovah ɔdɔhɔ, ete, Kpa nte owo emi Isaiah asaŋade iferi ye ukot ikpikpu ke isua ita, ke ŋkpɔ idiɔŋɔ ye ndyɔ abaŋa Egypt ye Ethiopia;

ISAIAH 30:11

mbufo ewɔŋɔre ekpɔŋ usuŋ, ewaha ekpɔŋ ɔkpɔ-usuŋ, enam Edisana Abasi Israel okudu aba ke iso nnyin.

ISAIAH 41:14

Kufehe, afo Jacob utuŋ, ye mbufo mbio Israel; Jehovah ɔdɔhɔ ete, Ami mmaŋwam fi; ndien andifak fi edi Edisana Abasi Israel.

ISAIAH 42:8

Ami ndi Jehovah; enyiŋ mi edi oro: ndinyuŋ nnɔŋɔ owo efen ubɔŋ mi, nnɔŋɔ ndisɔi mbiet itoro mi.

ISAIAH 43:11

Ami, ami ndi Jehovah; ndien baba andinyaŋa kiet iduhe ke mibɔhɔke ami.

ISAIAH 45:14

Emi edi uyo Jehovah mme udim. Ntem ke Jehovah ɔdɔhɔ, ete, Utom Egypt ye udori Ethiopia, ye eke mme Sabean, nyan owo, eyebe etiene fi, enyuŋ enyene fi: eyetiene fi eka; ke ŋkpɔkɔbi ke mmɔ edibe, enyuŋ enuhɔ enɔ fi, enyuŋ ekpe fi ubɔk, ete, Abasi odu ke otu mbufo ikpɔŋ: efen inyuŋ iduhe, Abasi iduhe.

ISAIAH 45:15

Ke akpanikɔ afo edi Abasi eke odibede, O Abasi Israel, andinyaŋa.

ISAIAH 45:21

Mbufo etiŋ, enyuŋ eda edi; yak mmɔ enyuŋ esobo ibuot ɔtɔ kiet: anie okobuk emi ke eset? anie eketiŋ enye tutu ko? Nte idige ami Jehovah? ndien Abasi efen iduhe ke mibɔhɔke ami: edinen Abasi emi onyuŋ edide andinyaŋa iduhe ikɔrɔ ye ami.

ISAIAH 49:26

Ndien nyenɔ mmɔ eke efikde fi obuk idem mmɔ eta; ndien mmɔ eyeŋwɔŋ iyip idem mmɔ ekpa, nte ke obufa wine: ndien ofuri obukidem eyefiɔk, ete ke ami Jehovah ndi andiyaŋa fi, ke andifak fi onyuŋ edi Ɔkpɔsɔŋ Abasi Jacob.

ISAIAH 60:16

Ndien afo eyewap mmɔŋ eba mme idut, onyuŋ awap eba ndidem: ndien eyefiɔk ete ke ami Jehovah ndi andinyaŋa fi, ye andifak fi, Ɔkpɔsɔŋ Abasi Jacob.

ISAIAH 63:8

Ndien enye ɔdɔhɔ, ete, Mmɔ edi ikɔt mi ikpɔŋ, nditɔ eke midisuhu nsu: ndien enye akabare edi andinyaŋa mmɔ.

JEREMIAH 14:8

Idorienyin Israel, emi anyaŋade enye ke ini ukut, nsinam afo ebietde esen owo ke isɔŋ, ye nte owo isaŋ eke owukde (tent) ndidaŋ ke okoneyo?

JEREMIAH 16:21

Mmɔdo sese, nyenam mmɔ efiɔk ke ini kiet emi, nyenam mmɔ efiɔk ubɔk mi ye odudu mi; ndien mmɔ eyefiɔk ete ke enyiŋ mi edi Jehovah.

EZEKIEL 39:7

Ndien nyenam mmɔ efiɔk edisana enyiŋ mi ke otu ikɔt mi Israel; ndinyuŋ nyakke aba (mmɔ) esabare edisana enyiŋ mi: ndien mme idut eyefiɔk ete ke ami Jehovah ndi edisana Abasi ke Israel.

HOSEA 13:4

Ndien edi ami ŋkedi Jehovah Abasi fo toto ke isɔŋ Egypt; kufiɔk ndien Abasi ke mibɔhɔke ami: koro baba andinyaŋa kiet miduhe ikɔrɔ ye ami.

LEVITICUS 11:44

Koro ami ndide Jehovah Abasi mbufo; enam idem mbufo esana ndien, enyuŋ edi edisana: koro ami nsanade; ekunyuŋ esabare idem mbufo ke baba andinyɔni kiet eke ɔnyɔnide ke isɔŋ.

AMOS 9:7

Jehovah ɔdɔhɔ, ete, Nte mbatke mbufo, nditɔ Israel, nte nditɔ Ethiopia? Nte ŋkadaha Israel ke isɔŋ Egypt ndɔk? ye mme Philistine ke Caphtor? ye Syria ke Kir?

ZECHARIAH 9:9

O adiaha Zion, dat esit eti-eti; sio mkpo idara, O adiaha Jerusalem: sese, edidem fo eyedi ke ɔtɔ fo; enye enen, onyuŋ onim idem ke andinyaŋa; enye edi suŋ-suŋ, onyuŋ odoro ke ass, ye ke abak ass, eyen uman ass.

JUDE 1:25

kpa Enye emi edide Abasi kierakiet, Andinyaŋa nnyin, oto ke Jesus Christ Ɔbɔŋ nnyin; yak ubɔŋ, ye ubom, ye edikara, ye odudu enyene Enye, toto ke eritɔŋɔ, ye ke emi, ye ke nsinsi. Amen.