ISAIAH 42:9 - Edisana ñwed Abasi Ibom

⁹ Mbemiso ŋkpɔ, sese, mmɔ edi, ami nnyuŋ ntiŋ mbufa ŋkpɔ: ke mikaitibeke kaŋa, mbuk mmɔ nnɔ mbufo.

ISAIAH 42:9 ပူးပေါင်းရင်းမြစ်များ

1 NDIDEM 11:36

Edi nyeda esien kiet nnɔ eyen esie, kpaŋ David owo mi ekpenyene utuenikaŋ kpukpru ini ke iso mi ke Jerusalem, obio emi ŋkemekde ke idem mi, ndinim enyiŋ mi do.

ISAIAH 43:19

Sese, ami mmɔŋ nnam obufa ŋkpɔ, ke emi ke editibe: nte mbufo idifiɔkke enye? Ŋkɔm nyenim usuŋ ke wilderness, ye akpa mmɔŋ ke desert.

ISAIAH 48:3

Ŋkasiak mbemiso ŋkpɔ ke ini oro; mmɔ ekenyuŋ ewɔrɔ mi ke inua, ŋkonyuŋ nnam ekop mmɔ: nnam mmɔ ke ibumere, ndien mmɔ edi.

ISAIAH 48:5

oro esin ŋkasian fi tutu ko; ŋketiŋ nnɔ fi ke mika-iwɔrɔke kaŋa; mbak afo edidɔhɔ ete, Idem mi akanam mmɔ, edisɔi mbiet mi, ye editara mbiet mi enyuŋ ewuk mmɔ.

ISAIAH 48:6

Afo ama okop, se enye ofuri; nte mbufo iditiŋke ndien? Nsiak mbufa ŋkpɔ nnɔ fi ke idem ini emi, ye ŋkpɔ eke enimde, ndien afo ufiɔkke mmɔ.

JOHN 13:19

Ntɔŋɔ adaŋemi nditiŋ nnɔ mbufo, ke ini ŋkpɔ emi miwɔrɔke isu kaŋa, man ke ini ediwɔrɔde osu, mbufo ekponim ke akpanikɔ ete Ami ndi Enye.

UTOM MME APOSTLE 15:18

Ntem ke Jehovah, emi anamde owo efiɔk ŋkpɔ emi toto ke eritɔŋɔ ererimbot, ɔdɔhɔ.

JOSHUA 21:45

Baba ikɔ kiet ke kpukpru nti ikɔ oro Jehovah ɔkɔdɔhɔde ye ufɔk Israel ikpuho; kpukpru esu.