ISAIAH 42:4 - Edisana ñwed Abasi Ibom

⁴ Esit ididuɔhɔ enye, idem idinyuŋ ikpaha enye, tutu enye onim ikpe ke ererimbot: mme isuo eyenyuŋ ebet mme ewuhɔ esie.

ISAIAH 42:4 ပူးပေါင်းရင်းမြစ်များ

GENESIS 49:10

Mmɔnyɔ idikpɔŋke Judah, eto ɔbɔŋ idinyuŋ ikpɔŋke ŋkpatian-ukot esie, tutu Shiloh edi; mme idut eyenyuŋ ekop enɔ

ŊWED MME PSALM 22:27

Kpukpru mme utit ererimbot eyeti, enyuŋ ekabare etiene Jehovah: kpukpru ufɔk mme idut eyenyuŋ etuak ibuot enɔ fi.

ISAIAH 40:22

Enye emi odorode ke ekara ererimbot, ndien mme andiduŋ enye ebiet ŋkukuŋkpɔyɔriyɔ; emi anyanarede ikpa-enyɔŋ nte ukara, onyuŋ eneŋerede enye nte tent eke eduŋde:

ISAIAH 40:28

Nte afo ufiɔkke? nte afo akanam ukopke? Jehovah emi okobotde mme utit ererimbot edi nsinsi Abasi; enye ikpaha mba, inyuŋ ikpɔtke; idige nte eduŋɔrede asian esie.

ISAIAH 41:5

Mme isuo ekut, enyuŋ edige; mme utit ererimbot enyek idem, esaŋa ekpere enyuŋ edi.

ISAIAH 42:10

Mbufo ekwɔ obufa ikwɔ enɔ Jehovah, ye itoro esie ke utit ererimbot, mbufo emi esuhɔde ke inyaŋ, ye se iyɔhɔde ke esit, mbufo mme isuo ye mme andiduŋ mmɔ.

ISAIAH 42:12

Eyenim ubɔŋ enɔ Jehovah, enyuŋ ebuk itoro esie ke otu mme isuo.

ISAIAH 42:21

Esit enem Jehovah abaŋa edinen ido esie; enye eyekpono mme ewuhɔ, onyuŋ ɔnɔ mmɔ ubɔŋ.

ISAIAH 49:1

MBUFO mme isuo ekop uyo mi: mbufo mme idut nyom-usuŋ, ekpaŋ utɔŋ enɔ mi; Jehovah okokot mi ke itie-eyen; eketiŋ enyiŋ mi ke idibi eka mi.

ISAIAH 51:4

Ikɔt mi, mbufo ekpaŋ utɔŋ enɔ mi; mbio-obio mi, mbufo enyuŋ ekop uyo mi: koro ewuhɔ eyeto mi ɔwɔrɔ, nyenyuŋ ŋwuk ikpe mi nnim ke uŋwana mme idut.

ISAIAH 51:5

Edinen ido mi emekpere; erinyaŋa mi ɔmɔwɔrɔ, ubɔk mi eyenyuŋ ekpe ikpe mme idut; mme isuo eyebet mi, enyuŋ edori enyin ke ubɔk mi.

ISAIAH 55:5

Sese, afo eyekot idut eke mufiɔkke, ndien idut eke mifiɔkke fi eyefehe ebine fi, abaŋa Jehovah ye Edisana Abasi Israel: koro enye ɔnɔde fi ubɔŋ.

ISAIAH 60:9

Koro mme isuo ke ebet mi, mme ubom mbakara Tarshish ebet ke mbemiso, man eda nditɔ mi ke anyan idut edi, silver mmɔ ye gold mmɔ ŋko, esɔk enyiŋ Jehovah Abasi fo, ye Edisana Abasi Israel; koro enye abanade fi.

ISAIAH 66:19

Ndien nyenim ŋkpɔ idiɔŋɔ ke otu mmɔ, nnyuŋ nda ndusuk mmɔ emi ebɔhɔde ndɔŋ utom ke otu mme idut, kpa Tarshish, ye Pul, ye Lud, ye mmɔ eke edudide utiga, Tubal ye Javan, kpa mme isuo emi eyomde usuŋ, eke mika-ikopke etop mi, mika-inyuŋ ikwe ubɔŋ mi; ndien mmɔ eyetaŋa ubɔŋ mi ke otu mme idut.

ISAIAH 9:7

Ubɔŋ ye emem ididopke ndikɔri ke ebekpo David, ye ke itie ubɔŋ esie, man onim enye, onyuŋ ɔsɔŋ owuk enye ke ikpe ye ke edinen ido, ke emi ye ke nsinsi. Ufup Jehovah mme udim eyenam ŋkpɔ emi.

DANIEL 9:24

Edori urua ata ye duop ebaŋa oruk fo, ye edisana obio fo, eke edinamde ndudue okure, edinyuŋ emade idiɔk ido, enyuŋ esiode isop ukwaŋ-ŋkpɔ efep, eke enyuŋ edade nsinsi edinen iso eduk, enyuŋ enimde seal ke ŋkukut ye prophecy, enyuŋ eyetde Ata Edisana ke aran.

ZECHARIAH 2:11

Ndien ediwak mme idut eyedian idem mmɔ ye Jehovah ke usen oro, eyenyuŋ edi ikɔt mi; ndien ami nyeduŋ ke ufɔt fo, ndien afo eyefiɔk ete ke Jehovah ɔmɔdɔŋ mi utom ke ɔtɔ fo.

MATTHEW 12:21

Ndien mme Gentile eyedori enyin ke enyiŋ Esie.

MARK 3:3

Edi Enye ɔdɔhɔ owo oro ubɔk esie akpade ete, Wɔrɔ di, da mi ke ufɔt.

ŊWED MBON ROME 16:26

Emi enyuŋ edade se mme prophet ekewetde, nte nsinsi Abasi ɔkɔnɔde uyo, enam kpukpru mme idut efiɔk, man mmɔ esuk ibuot ke mbuɔtidem:

1 ŊWED CORINTH 9:21

Ye mmɔ emi minyeneke ibet ke ntie nte owo eke minyeneke ibet, idige nte ndianarede ŋkpɔŋ ibet Abasi, edi nsine ke idak ibet Christ, man nduri mmɔ oro minyeneke ibet nda.