ISAIAH 41:9 - Edisana ñwed Abasi Ibom

⁹ afo emi ŋkadade ke mme utit ererimbot, nnyuŋ ŋkotde fi ke ŋkaŋ esie edi, nnyuŋ ndɔhɔ fi, nte, Afo edi owo mi, mmemek fi, nnyuŋ nsuaha fi:

ISAIAH 41:9 ပူးပေါင်းရင်းမြစ်များ

ŊWED MME PSALM 135:4

Koro Jehovah emekde Jacob onim ke idem esie, emek Israel onim ke ata inyene esiemɔ.

ŊWED MME PSALM 94:14

Koro Jehovah mididuɔkke ikɔt esiemɔ, midinyuŋ ikpɔŋke udeme esie.

ISAIAH 11:11

Ndien ama ekem ke usen oro, Ɔbɔŋ eyetɔŋɔ ntak esin ubɔk afak nsuhɔ ikɔt esie, emi Asshur, ye Egypt, ye Pathros, ye Cush, ye Elam, ye Shinar, ye Hamath, ye mme isuo inyaŋ esuhɔde.

ISAIAH 14:1

KORO Jehovah eyedɔŋ Jacob esit, onyuŋ ɔtɔŋɔ ntak emek Israel, onyuŋ onim mmɔ ke isɔŋ mmɔ: ndien isen owo eyedian idem ye mmɔ, enyuŋ esop idem mmɔ ye ufɔk Jacob.

ISAIAH 41:2

Anie ekedemere owo ke edem usiaha-utin? Edinen ido eyekot enye edi ke ɔtɔ ukot esie? Eyeda mme idut onim enye ke iso, eyenam enye edigi ndidem; eyeda mmɔ ɔnɔ ofut esie, nte ntan, ɔnɔ utiga esie, nte mbio eke ekpɔride efep.

ISAIAH 41:8

Edi afo, Israel, owo mi, Jacob emi mmekde fi, ubon Abraham ufan mi:

ISAIAH 42:1

SE owo mi; nyemum enye ŋkama: se edimek owo mi emi adatde mi esit; mmodori enye spirit mi ke idem: enye eyenam ikpe ɔwɔrɔ ɔnɔ mme idut.

ISAIAH 44:1

EDI kop ndien, O Jacob, owo mi, ye Israel emi mmekde:

ISAIAH 45:4

Ŋkot fi enyiŋ ŋko, mbaŋa owo mi Jacob ye Israel emi mmekde: ŋkot fi enyiŋ ukpono ŋko, edi afo ufiɔkke mi.

MALACHI 1:2

Jehovah ɔdɔhɔ, ete, Mmama mbufo. Ndien mbufo edɔhɔ, ete, Didie ke afo ama nnyin? Jehovah ɔdɔhɔ ete, Nte Esau ikedige eyen eka Jacob?

LUKE 13:29

Ndien mme owo eyeto ke edem usiaha-utin ye edem usop-utin, ye edere ye usuk, edisuhɔre etetie ke Obio Ubɔŋ Abasi.

DEUTERONOMY 14:2

koro afo edide edisana mbio Jehovah Abasi fo, Jehovah ama onyuŋ emek fi ete edi ata ikɔt esiemɔ, akan kpukpru mme idut emi edude ke iso isɔŋ.

JAMES 2:5

Ekop, ndima nditɔ-ete mi; nte Abasi ikemekke mmɔ emi ebuenede ke ŋkpɔ ererimbot emi, ite mmɔ eforo ke mbuɔtidem, enyuŋ enyene Obio Ubɔŋ emi Enye ɔkɔŋwɔŋɔde ndinɔ mmɔ emi emade Enye?

ERIYARARE 5:9

Ndien mmɔ ekwɔ obufa ikwɔ ete, Afo omodot ndida ŋwed, ndinyuŋ ndianare mme ufik-ŋkpɔ esie; koro ekewotde Fi, Afo ama onyuŋ ada iyip fo osio owo ke kpukpru esien, ye usem, ye obio, ye idut, afak mmɔ ɔnɔ Abasi;

1 SAMUEL 12:22

Koro Jehovah midikpɔŋke ikɔt esie ke abaŋa akamba enyiŋ esiemɔ: koro Jehovah amama ndinim mbufo ke ikɔt esiemɔ.