ISAIAH 41:23 - Edisana ñwed Abasi Ibom

²³ Mbufo etiŋ se ididide ke ukperedem, ndien nnyin iyefiɔk ite ke mbufo edi Abasi: enam eti ŋko enyuŋ enam idiɔk, ndien nnyin iyese kiet eken, inyuŋ ikut ini kiet.

ISAIAH 41:23 ပူးပေါင်းရင်းမြစ်များ

ISAIAH 19:12

Enye mbon eti ibuot fo? Yak mmɔ esian fi ndien, enyuŋ efiɔk se Jehovah mme udim aduakde abaŋa Egypt.

ISAIAH 42:9

Mbemiso ŋkpɔ, sese, mmɔ edi, ami nnyuŋ ntiŋ mbufa ŋkpɔ: ke mikaitibeke kaŋa, mbuk mmɔ nnɔ mbufo.

ISAIAH 43:9

Kpukpru mme idut emebono ɔtɔ kiet, mme obio emenyuŋ esop idem: anie ke otu mmɔ editiŋ emi, onyuŋ anam nnyin ikop mbemiso ŋkpɔ? Yak mmɔ enɔ ntiense mmɔ, enyuŋ ekaŋ idem mmɔ: ndien yak mmɔ ekop, enyuŋ edɔhɔ, ete, Akpanikɔ.

ISAIAH 45:21

Mbufo etiŋ, enyuŋ eda edi; yak mmɔ enyuŋ esobo ibuot ɔtɔ kiet: anie okobuk emi ke eset? anie eketiŋ enye tutu ko? Nte idige ami Jehovah? ndien Abasi efen iduhe ke mibɔhɔke ami: edinen Abasi emi onyuŋ edide andinyaŋa iduhe ikɔrɔ ye ami.

ISAIAH 45:3

ndien nyenɔ fi unim ŋkpɔ uto ekim, ye inyene eke odobide, man afo ɔfiɔk, ete ke edi ami Jehovah emi ŋkotde fi enyiŋ, kpa Abasi Israel.

ISAIAH 46:7

Eyebiom enye ke afara, eyenim enye ke itie esie, ndien enye eyeda; idisehekede ke ebiet esiemɔ: owo eyeseme ɔnɔ enye ŋko, edi enye idiyereke, idinyaŋake enye isio ke ukut esie.

JEREMIAH 10:5

Mmɔ edi ofuri-ofuri nte eyop, ndien mmɔ idɔhɔke ikɔ: enyene ndibiom mmɔ, koro mmɔ misaŋake. Mbufo ekubak mmɔ; koro mmɔ mikemeke ndinam idiɔk, inyuŋ idige nte mmɔ enamde eti ŋkpɔ.

DANIEL 2:9

Edi edieke mbufo miyarakede ndap oro, uduak mbufo edi kiet, mbufo enyuŋ etibi nsu-nsu ye idiɔk ikɔ eke ekpetiŋde ke iso mi, tutu ini ɔkpuhɔre: mbufo etiŋ ndien ndap oro enɔ mi, man mfiɔk nte mbufo eyekeme ndisiak enye nnɔ mi.

JOHN 13:19

Ntɔŋɔ adaŋemi nditiŋ nnɔ mbufo, ke ini ŋkpɔ emi miwɔrɔke isu kaŋa, man ke ini ediwɔrɔde osu, mbufo ekponim ke akpanikɔ ete Ami ndi Enye.

UTOM MME APOSTLE 15:18

Ntem ke Jehovah, emi anamde owo efiɔk ŋkpɔ emi toto ke eritɔŋɔ ererimbot, ɔdɔhɔ.